2 Samuel 15:12 - Li Santil hu

¹² Nak laj Absalón yo̱ chi mayejac, quixtakla ajcuiꞌ xbokbal laj Ahitofel saꞌ li tenamit Gilo. Laj Ahitofel, aꞌan xcomoneb li nequeꞌqꞌuehoc xnaꞌleb li rey David. Chi joꞌcan yo̱queb chi ta̱mc li nequeꞌta̱ken re laj Absalón ut yo̱queb chi cacuu̱c xchꞌo̱leb riqꞌuin li yo̱queb chixba̱nunquil.

Q'eqchi Bible

¹² Naq laj Absalón yo chi mayejak, kixtaqla ajwi' xb'oqb'al laj Ajitófel aj Kilón, laj k'ehol xna'leb' laj David, sa' li tenamit wan wi' a'an. Chi jo'kan yookeb' chi tamk li neke'okenk chirix laj Absalón ut neke'raj xjuk'b'al xwankil laj David.

2 Samuel 15:12 ပူးပေါင်းရင်းမြစ်များ

Salmos 41:9

Li tzꞌakal cuami̱g xinixtzꞌekta̱na ajcuiꞌ, li tzꞌakal cuami̱g li cꞌojcꞌo raj inchꞌo̱l riqꞌuin. Xinixtzꞌekta̱na li cuami̱g li quicuaꞌac cuochben.

2 Samuel 15:31

Laj David quiyeheꞌ resil re nak laj Ahitofel, aꞌan xcomoneb li nequeꞌoquen chirix laj Absalón. Joꞌcan nak laj David quitijoc ut quixye: —At Ka̱cuaꞌ, ta̱poꞌ taxak ru lix cꞌaꞌux laj Ahitofel re nak incꞌaꞌ us ta̱e̱lk li naꞌleb li tixqꞌue, chan.

Josué 15:51

Gosén, Holón, ut Gilo. Junlaju chixjunileb li tenamit li quiqꞌueheꞌ reheb rochbeneb li cocꞌ cꞌaleba̱l.

2 Samuel 17:23

Laj Ahitofel quixqꞌue retal nak incꞌaꞌ queꞌxba̱nu li cꞌaꞌru quixye reheb. Joꞌcan nak quixyi̱b rix lix bu̱r ut quitakeꞌ chirix ut quisukꞌi saꞌ xtenamit. Quixyi̱b ru li cꞌaꞌru re saꞌ li rochoch. Ut chirix aꞌan quixyatzꞌ rib. Joꞌcaꞌin nak quicam laj Ahitofel. Quimukeꞌ saꞌ li mukleba̱l li quimukeꞌ cuiꞌ lix yucuaꞌ.

2 Samuel 17:14

Laj Absalón ut chixjunileb li cuanqueb rochben queꞌxye: —Kꞌaxal us li naꞌleb li xqꞌue laj Husai chiru li xqꞌue laj Ahitofel, chanqueb. Queꞌxye nak us xban nak ac cuan saꞌ xchꞌo̱l li Dios nak ta̱poꞌekꞌ ru li naꞌleb li quixqꞌue laj Ahitofel ut nak laj Absalón tixcꞌul li raylal.

Tito 1:16

Nequeꞌxye nak nequeꞌxpa̱b li Dios, aban riqꞌuin li cꞌaꞌru nequeꞌxba̱nu nacꞌutun nak moco ya̱l ta. Aj kꞌetoleb ra̱tin li Dios ut kꞌaxal yibru lix naꞌlebeb. Incꞌaꞌ useb. Ma̱cꞌaꞌ junak cha̱bil cꞌanjel ta̱ru̱k teꞌxba̱nu.

San Juan 13:18

Incꞌaꞌ yo̱quin chi a̱tinac che̱rix che̱junilex. La̱in ninnau chanru le̱ naꞌleb xban nak la̱in xinsicꞌoc e̱ru. Abanan tento nak ta̱tzꞌaklok ru li tzꞌi̱banbil saꞌ li Santil Hu li naxye chi joꞌcaꞌin: Li jun li nacuaꞌac cuochben, aꞌan li ta̱tzꞌekta̱na̱nk cue.

Proverbios 21:27

Li Ka̱cuaꞌ xicꞌ naril lix mayejeb li incꞌaꞌ useb xnaꞌleb. ¿Ma tojaꞌ ta chic tixcꞌul nak teꞌxqꞌue chi incꞌaꞌ useb lix cꞌaꞌuxeb?

1 Crónicas 27:33

Laj Ahitofel, aꞌan li naxtenkꞌa li rey chi cꞌoxlac cꞌaꞌru tixba̱nu. Ut laj Husai aj arquita, aꞌan lix cha̱bil amigo li rey.

1 Reyes 21:12

Queꞌxye resil nak teꞌxba̱nu x-ayu̱n li tenamit ut queꞌxchunub laj Nabot chiruheb.

1 Reyes 21:9

Saꞌ eb li hu aꞌan quixye: —Yehomak resil nak ta̱cua̱nk li ayu̱n. Te̱chunub laj Nabot chiruheb li tenamit.

Números 23:30

Laj Balac quixba̱nu joꞌ quixye laj Balaam. Ut quixmayeja jun li toro ut jun li carner saꞌ xbe̱n li junju̱nk chi artal.

Números 23:14

Quixcꞌam laj Balaam saꞌ li cꞌaleba̱l Zofim ut queꞌtakeꞌ saꞌ xbe̱n li tzu̱l Pisga. Quixyi̱b cuukub chic li artal ut quixmayeja jun li toro ut jun li carner saꞌ li junju̱nk chi artal.

Números 23:1

Quixye laj Balaam: —Takla xyi̱banquil cuukub li artal saꞌ li naꞌajej aꞌin. Ut cauresihomakeb cuukub li toro ut cuukub li te̱lom carner, chan.

2 Samuel 16:15

Ut laj Absalón ut chixjunileb li cuanqueb rochben, queꞌoc saꞌ li tenamit Jerusalén. Laj Ahitofel cuan rochbeneb.

2 Samuel 23:34

laj Elifelet li ralal laj Ahasbai, li ralal laj Maaca; laj Eliam li ralal laj Ahitofel, Gilón xtenamit;

Salmos 41:10

Abanan la̱at, at Ka̱cuaꞌ, chacuuxta̱na taxak cuu, ut chaqꞌue taxak incacuilal re nak tebinqꞌue chixtojbaleb xma̱c.

Proverbios 15:8

Li Ka̱cuaꞌ xicꞌ naril lix mayejeb li incꞌaꞌ useb xnaꞌleb. Abanan lix tijeb li ti̱queb xchꞌo̱l li Ka̱cuaꞌ naxcꞌul chi sa saꞌ xchꞌo̱l.

Jeremías 6:20

¿Cꞌaꞌru aj e nak teꞌxcꞌam chak li pom toj saꞌ li tenamit Sabá? ¿Cꞌaꞌru rajbal nak teꞌxic chi najt chixsicꞌbal li sununquil ban? La̱in incꞌaꞌ nacuulac chicuu lix mayej chi moco tincꞌuleb ta lix cꞌatbil mayej.