2 Samuel 15:10 - Li Santil hu

¹⁰ Abanan, saꞌ ajcuiꞌ li cutan aꞌan laj Absalón quixtakla xyebal reheb chixjunileb li cuanqueb Israel: —Nak te̱rabi xya̱b li trompetas, te̱jap e̱re chixyebal “Laj Absalón quixakaba̱c chokꞌ rey aran Hebrón,” chaꞌkex.—

Q'eqchi Bible

¹⁰ Toja' naq laj Absalón kixtaqlaheb' aj esil rik'in chixjunileb' li xteepal aj Israel re xyeeb'al reheb': “Naq teerab'i chi eek'ank li xukub', yehomaq naq laj Absalón xxaqab'aak cho'q awab'ej aran Hebrón”.

2 Samuel 15:10 ပူးပေါင်းရင်းမြစ်များ

1 Crónicas 12:38

Chixjunileb li cui̱nk aꞌin ac cauresinbileb chi pletic nak queꞌco̱eb Hebrón chi anchaleb xchꞌo̱l chixxakabanquil laj David chokꞌ xreyeb chixjunileb laj Israel. Junaj lix chꞌo̱leb chixjunileb laj Israel nak teꞌxxakab chokꞌ rey laj David.

1 Crónicas 12:23

Aꞌan aꞌin xqꞌuialeb li nequeꞌtaklan saꞌ xbe̱neb li ac cauresinbileb chi pletic. Queꞌco̱eb riqꞌuin laj David aran Hebrón re nak teꞌxxakab chokꞌ rey saꞌ xnaꞌaj laj Saúl joꞌ quixye li Ka̱cuaꞌ Dios.

1 Crónicas 11:3

Ut chixjunileb li nequeꞌcꞌamoc be saꞌ xya̱nkeb laj Israel queꞌcuulac riqꞌuin li rey David aran Hebrón. Laj David quixba̱nu jun li contrato riqꞌuineb chiru li Ka̱cuaꞌ. Ut queꞌxqꞌue li aceite saꞌ xjolom ut queꞌxxakab chokꞌ xreyeb joꞌ quixye li Ka̱cuaꞌ re laj Samuel.

2 Reyes 9:13

Saꞌ junpa̱t queꞌxcꞌam chak lix tꞌicreb li rech solda̱dil ut queꞌxhel saꞌ li gradas re nak laj Jehú ta̱xakli̱k saꞌ xbe̱n ut queꞌxya̱basiheb lix trompeta ut queꞌxjap reheb chixyebal: —Laj Jehú, aꞌan li karey, chanqueb.

1 Reyes 1:34

Nak ac cua̱nkex aran, li profeta Natán ut laj Sadoc laj tij teꞌxqꞌue li aceite saꞌ xjolom laj Salomón ut teꞌxxakab chokꞌ xreyeb laj Israel. Te̱ya̱basi li trompeta ut te̱ye, “¡Chicua̱nk taxak xyuꞌam li karey Salomón!” chaꞌkex.

2 Samuel 19:10

La̱o xkaxakab laj Absalón chokꞌ karey ut anakcuan xcamsi̱c chak saꞌ li ple̱t. ¿Cꞌaꞌut nak incꞌaꞌ xeꞌxtzꞌa̱ma chiru li rey David nak ta̱sukꞌi̱k chak? chanqueb.

2 Samuel 14:30

Joꞌcan nak laj Absalón quixye reheb lix mo̱s: —Qꞌuehomak retal. Lix naꞌaj lix cebada laj Joab cuan chixcꞌatk li cue. Texxic ut te̱cꞌat lix cebada laj Joab, chan. Ut eb lix mo̱s queꞌxba̱nu joꞌ quiyeheꞌ reheb.

2 Samuel 13:28

Laj Absalón quixye reheb lix mo̱s: —Qꞌuehomak retal nak ta̱cala̱k chi us laj Amnón. Nak tinye e̱re, te̱camsi. Mexcꞌoxlac chixcamsinquil xban nak la̱in yo̱quin chi takla̱nc e̱re. Cacuubresihomak e̱chꞌo̱l chixba̱nunquil li ninye e̱re, chan.

2 Samuel 5:5

Cuukub chihab riqꞌuin cuakib po quicuan Hebrón chokꞌ xreyeb laj Judá. Ut oxlaju xcaꞌcꞌa̱l chihab quicuan Jerusalén chokꞌ xreyeb chixjunileb laj Israel joꞌ eb ajcuiꞌ laj Judá.

2 Samuel 2:11

Cuukub chihab riqꞌuin cuakib po quicuan laj David chokꞌ xreyeb li ralal xcꞌajol laj Judá aran Hebrón.

2 Samuel 2:1

Mokon chic laj David quixpatzꞌ re li Ka̱cuaꞌ cꞌaꞌru tixba̱nu ut quixye: —¿Ma us tinxic saꞌ junak tenamit cuan xcue̱nt Judá? chan. Ut li Ka̱cuaꞌ quichakꞌoc ut quixye re: —Us tatxic, chan. Ut laj David quixpatzꞌ cuiꞌchic re: —¿Cꞌaꞌru tenamitil tinxic cuiꞌ?— Ut li Ka̱cuaꞌ quixye re: —Ayu saꞌ li tenamit Hebrón, chan.

2 Samuel 15:9

Ut li rey quixye re: —Naru nacatxic chi sa saꞌ a̱chꞌo̱l, chan. Joꞌcan nak laj Absalón co̱ Hebrón.

1 Reyes 1:11

Laj Natán quia̱tinac riqꞌuin lix Betsabé lix naꞌ laj Salomón ut quixye re: —¿Ma xacuabi nak laj Adonías lix yum lix Haguit quixxakab rib chokꞌ rey chi incꞌaꞌ naxnau li rey David?