2 Samuel 14:2 - Li Santil hu

² Quixtakla xcꞌambal jun li ixk cuan aran Tecoa. Li ixk aꞌan cuan xnaꞌleb chixba̱nunquil cꞌaꞌak re ru chi naꞌlebil. Nak li ixk quicuulac riqꞌuin, quixye re: —Ba̱nu a̱cuib joꞌ nak ra saꞌ a̱chꞌo̱l chirix xcamic jun la̱ cuechꞌalal. Qꞌue cha̱cuix li tꞌicr li naxcꞌut nak ra saꞌ a̱chꞌo̱l. Ma̱qꞌue li sununquil ban. Ba̱nu chi joꞌcan re nak ta̱cꞌutu̱nk nak ac junxil na-oc xrahil a̱chꞌo̱l.

Q'eqchi Bible

² Jo'kan naq kixtaqla chaq xk'amb'al aran Tékoha jun li ixq seeb' xch'ool ut kixye re: “B'aanu aawib' jo' naq ra sa' aach'ool, tiqib' aawib' jo' na'uxk naq nakamk anihaq ut maak'e aasununkil b'an. B'aanu aawib' jo' junaq ixq li ak junxil x'ok xrahil li xch'ool.

2 Samuel 14:2 ပူးပေါင်းရင်းမြစ်များ

2 Crónicas 11:6

Quixyi̱beb li tenamit Belén, Etam, Tecoa,

Amós 1:1

Quicuan jun li cui̱nk aj Amós xcꞌabaꞌ saꞌ li naꞌajej Tecoa. Aꞌan jun reheb laj ilol xul. Quia̱tina̱c xban li Dios saꞌ eb li cutan nak cua̱nk chokꞌ rey aran Judá laj Uzías ut cua̱nk chokꞌ rey aran Israel laj Jeroboam ralal laj Joás. Cuib chihab chic ma̱ nanumeꞌ li hi̱c nak laj Amós quixtiquib xyebal resil li quicꞌutbesi̱c chiru xban li Dios chirixeb laj Israel.

Li xHu LIX RUT 3:3

Ba̱nu li cꞌaꞌru tinye a̱cue. Tat-ati̱nk ut ta̱qꞌue a̱sununquil ban. Ta̱tikib a̱cuib chi cha̱bil ut tatxic aran. Abanan ma̱cꞌut a̱cuib chiru laj Booz nak toj ma̱jiꞌ narakeꞌ chi cuaꞌac ut chi ucꞌac.

Jeremías 6:1

La̱ex, li ralal xcꞌajol laj Benjamín, elenkex saꞌ li tenamit Jerusalén re xcolbal e̱rib. Ya̱basihomak le̱ trompeta aran Tecoa. Cꞌu̱bumak junak li xam saꞌ li naꞌajej Bet-haquerem chokꞌ retalil li nimla raylal ut li sachecꞌ li yo̱ chak chi cha̱lc saꞌ li norte.

Nehemías 3:5

Ut li tzꞌac li cuan chixcꞌatk li quixyi̱b laj Sadoc, aꞌan queꞌxyi̱b eb li cuanqueb Tecoa. Abanan eb li cuanqueb xcuanquil saꞌ li naꞌajej aꞌan incꞌaꞌ queꞌraj oque̱nc saꞌ lix cꞌanjel li Ka̱cuaꞌ.

2 Crónicas 20:20

Cuulajak chic nak toj ekꞌela queꞌcuacli ut queꞌco̱eb saꞌ li chaki chꞌochꞌ Tecoa. Nak ac e̱lqueb re, laj Josafat quixakli chiruheb ut quixye reheb: —Cherabihak la̱ex aj Judá ut la̱ex aj Jerusalén. Chepa̱b li Ka̱cuaꞌ le̱ Dios re nak aꞌan ta̱tenkꞌa̱nk e̱re. Ut cꞌojobomak e̱chꞌo̱l riqꞌuineb lix profetas re nak us tex-e̱lk, chan.

2 Samuel 12:20

Laj David quicuacli. Qui-atin ut quixqꞌue li sununquil ban ut quixjal li rakꞌ. Co̱ saꞌ li rochoch li Dios ut quixlokꞌoni. Chirix aꞌan, quisukꞌi saꞌ rochoch. Quixtzꞌa̱ma xtzacae̱mk ut quicuaꞌac.

San Mateo 6:17

Aꞌut la̱ex nak te̱ba̱nu le̱ ayu̱n, te̱chꞌaj le̱ ru ut te̱yi̱b e̱rib chi us,

Eclesiastés 9:8

Ta̱qꞌue saki akꞌ cha̱bil cha̱cuix ut ta̱qꞌue rajlal li sununquil ban saꞌ a̱jolom.

Salmos 104:15

Nacaqꞌue lix tzacae̱mk re nak ta̱cua̱nk xmetzꞌe̱u li cui̱nk. Nacaqꞌue li vino ut nacaqꞌue li aceite re nak ta̱sahokꞌ saꞌ xchꞌo̱l.

Nehemías 3:27

Li tzꞌac li cuan chixcꞌatk li quixyi̱b laj Pedaías, aꞌan queꞌxyi̱b eb laj Tecoa. Li tzꞌac li queꞌxyi̱b quiticla saꞌ xcaꞌyaba̱l li nimla torre ut quicuulac toj cuan cuiꞌ li naꞌajej Ofel.

2 Samuel 11:26

Nak lix Betsabé quirabi resil nak quicamsi̱c lix be̱lom saꞌ li ple̱t, quirahoꞌ saꞌ xchꞌo̱l ut quiya̱bac chirix.

2 Samuel 20:16

Jun li ixk cuan xnaꞌleb quixjap re toj saꞌ xbe̱n li tzꞌac ut quixye: —Ba̱nuhomak usilal. Yehomak re laj Joab nak ta̱nachꞌok chak cuiqꞌuin. La̱in nacuaj a̱tinac riqꞌuin, chan.

2 Samuel 23:26

laj Heles, Paltit xtenamit, laj Ira li ralal laj Iques, Tecoa xtenamit;

1 Reyes 14:2

Laj Jeroboam quixye re li rixakil: —Tikib a̱cuib chi jalan re nak incꞌaꞌ teꞌxnau nak la̱at li cuixakil. Ut tatxic aran Silo riqꞌuin li profeta Ahías xban nak aꞌan li quiyehoc cue nak la̱in tin-oc chokꞌ rey saꞌ li tenamit aꞌin.

1 Reyes 14:5

Abanan li Ka̱cuaꞌ Dios quia̱tinac riqꞌuin laj Ahías ut quixye re nak li rixakil laj Jeroboam ta̱cuulak riqꞌuin chixpatzꞌbal re cꞌaꞌru tixba̱nu riqꞌuin li chꞌina al yaj. Li Dios quixye ajcuiꞌ re nak li ixk aꞌan ta̱cuulak chi jalan xtikibanquil re nak incꞌaꞌ teꞌxnau nak aꞌan li rixakil laj Jeroboam. Ut quixye re cꞌaꞌru tixsume cuiꞌ li ixk.

Génesis 38:19

Ut li ixk qui-el saꞌ li naꞌajej aꞌan, ut quirisi lix tꞌicr li quixlan cuiꞌ rib. Ut quixqꞌue cuiꞌchic chirix li rakꞌ li nequeꞌrocsi li xma̱lcaꞌan.