2 Samuel 14:19 - Li Santil hu

¹⁹ Li rey David quixye re: —¿Ma ma̱cuaꞌ laj Joab li xtaklan chak a̱cue chi a̱tinac cuiqꞌuin? chan. Ut li ixk quixye re: —At rey, saꞌ a̱cꞌabaꞌ la̱at tinsume li cꞌaꞌru xapatzꞌ cue ut tinye lix ya̱lal a̱cue. Laj Joab, li nacꞌanjelac cha̱cuu, aꞌan li xyehoc cue nak tincha̱lk a̱cuiqꞌuin chi a̱tinac. Ut aꞌan ajcuiꞌ xyehoc cue li cꞌaꞌru xinye a̱cue.

Q'eqchi Bible

¹⁹ Toja' naq li awab'ej kixpatz': “Ma maawa' laj Johab xk'uub'ank re chixjunil a'in?”. Kichaq'ok li ixq: “At awab'ej, sa' aak'ab'a' laa'at ninye li waatin naq tz'aqal yaal li k'aru xaye. Laj Johab aj k'anjel chawu xtaqlank chaq we, ut a'an ajwi' xyehok we li k'aru xinnumsi chawu.

2 Samuel 14:19 ပူးပေါင်းရင်းမြစ်များ

2 Samuel 14:3

Tatxic riqꞌuin li rey David ut ta̱ye re li cꞌaꞌru tinye a̱cue, chan. Ut laj Joab quixye re chanru tixye re laj David.

1 Samuel 1:26

Ut lix Ana quixye re laj Elí: —At ka̱cuaꞌ, relic chi ya̱l nak la̱in li ixk li quincꞌulun chi tijoc arin chiru li nimajcual Dios nak chunchu̱cat chire li oqueba̱l.

San Lucas 21:15

xban nak la̱in tinqꞌue e̱naꞌleb ut tincꞌut che̱ru cꞌaꞌru te̱ye. Ut eb li xicꞌ nequeꞌiloc e̱re incꞌaꞌ teꞌru̱k chixcuechꞌbal rix li cꞌaꞌru te̱ye, chi moco teꞌxnau xsumenquil.

Proverbios 4:27

Me̱canab xba̱nunquil li us. Junelic ban texcua̱nk saꞌ ti̱quilal.

2 Reyes 2:2

Laj Elías quixye re laj Eliseo: —Cana̱kat cuan arin la̱at, xban nak li Ka̱cuaꞌ Dios xinixtakla Bet-el, chan. Abanan laj Eliseo quixye: —Saꞌ xcꞌabaꞌ li Ka̱cuaꞌ Dios ut saꞌ a̱cꞌabaꞌ la̱at, la̱in ninye a̱cue nak incꞌaꞌ tatincanab a̱junes, chan. Ut queꞌco̱eb xcabichaleb Bet-el.

2 Samuel 11:11

Laj Urías quixye re: —Eb li soldados aj Israel ut eb laj Judá najt cuanqueb chak saꞌ li ple̱t. Li Lokꞌlaj Ca̱x cuan rochbeneb. Laj Joab li nataklan saꞌ inbe̱n joꞌ eb ajcuiꞌ li nequeꞌtaklan saꞌ xbe̱neb li soldados yo̱queb chi cua̱rc yal saꞌ muheba̱l yi̱banbil riqꞌuin rukꞌ cheꞌ. ¿Cꞌaꞌut nak tinxic la̱in saꞌ cuochoch chi cuaꞌac ut chi cua̱nc riqꞌuin li cuixakil? Saꞌ a̱cꞌabaꞌ la̱at, at rey, la̱in ninye nak incꞌaꞌ tinba̱nu aꞌan, chan.

2 Samuel 3:34

¿Ma bacꞌbo̱queb ta biꞌ la̱ cuukꞌ ut ma bacꞌbo̱queb ta biꞌ la̱ cuok riqꞌuin cadena? La̱at xatcamsi̱c xbaneb li incꞌaꞌ useb xnaꞌleb, chan saꞌ lix bich. Ut chixjunileb li cristian queꞌya̱bac.

2 Samuel 3:29

Chicana̱k ta li ma̱c aꞌin saꞌ xbe̱n laj Joab ut saꞌ xbe̱neb li ralal xcꞌajol. Saꞌ xya̱nkeb li ralal xcꞌajol junelic ta̱cua̱nk li raylal. Ta̱cua̱nk li xox li naxyaꞌali rib, ut li saklep rix. Ta̱cua̱nk li ye̱k rok. Ta̱cua̱nk li teꞌcamsi̱k saꞌ ple̱t, malaj ut incꞌaꞌ ta̱tzꞌaklok lix tzacae̱mkeb, chan laj David.

2 Samuel 3:27

Nak laj Abner quicuulac Hebrón, laj Joab quixcꞌam chi mukmu saꞌ li oqueba̱l re ta̱a̱tinak riqꞌuin xjunes. Ut quixcuj lix chꞌi̱chꞌ saꞌ xcꞌatk xsaꞌ ut quixcamsi. Quixcamsi re tixtoj rix li ma̱c li quixba̱nu nak quixcamsi laj Asael li ri̱tzꞌin laj Joab.

1 Samuel 25:26

Li Ka̱cuaꞌ xtenkꞌan a̱cue. Joꞌcan nak incꞌaꞌ xacamsiheb chixjunileb li cristian aꞌin. Incꞌaꞌ xaqꞌue re̱kaj li incꞌaꞌ us xba̱nu cue joꞌ xacꞌoxla xba̱nunquil. Cheꞌxcꞌulak taxak joꞌ li tixcꞌul laj Nabal chixjunileb li xicꞌ nequeꞌiloc a̱cue ut li teꞌraj xba̱nunquil raylal a̱cue.

1 Samuel 20:3

Laj David quixye re: —La̱ yucuaꞌ naxnau nak raro̱quin a̱ban. Incꞌaꞌ naraj xqꞌuebal xrahil a̱chꞌo̱l. Joꞌcan nak incꞌaꞌ naxye a̱cue. Saꞌ xcꞌabaꞌ li nimajcual Dios ut saꞌ a̱cꞌabaꞌ ajcuiꞌ la̱at, la̱in ninye a̱cue nak ta̱raj incamsinquil, chan.

1 Samuel 17:55

Nak laj David co̱ chi pletic riqꞌuin laj Goliat, laj Saúl quixpatzꞌ re laj Abner li nataklan saꞌ xbe̱neb li soldados: —¿Ani aj alal li al aꞌan? chan. Quichakꞌoc laj Abner ut quixye:

Josué 1:7

Caꞌaj cuiꞌ li tinye a̱cue nak yal a̱kꞌe ut cacuubresi a̱chꞌo̱l chixba̱nunquil chi tzꞌakal chixjunil li chakꞌrab li quixqꞌue a̱cue laj Moisés laj cꞌanjel chicuu. Ba̱nu chi tzꞌakal re ru. Ma̱canab xba̱nunquil re nak us tat-e̱lk riqꞌuin chixjunil li cꞌaꞌru ta̱ba̱nu.

Deuteronomio 28:14

Me̱canab xba̱nunquil li chakꞌrab li yo̱quin chixqꞌuebal e̱re anakcuan. Ut me̱lokꞌoni li jalanil dios chi moco texcꞌanjelak chiruheb.

Deuteronomio 5:32

Joꞌcan nak cheqꞌuehak retal ut te̱ba̱nu li cꞌaꞌru naxye e̱re li Ka̱cuaꞌ le̱ Dios. Me̱canab xba̱nunquil. Te̱ba̱nu ban chixjunil li naxye li Ka̱cuaꞌ.

Números 20:17

Nakatzꞌa̱ma cha̱cuu nak toa̱canab chi numecꞌ saꞌ la̱ naꞌaj. Incꞌaꞌ tonumekꞌ saꞌ lix naꞌajeb le̱ racui̱mk, chi moco tonumekꞌ saꞌ xnaꞌaj le̱ uvas. Chi moco takucꞌ li haꞌ li cuan saꞌ le̱ becbil haꞌ. Ti̱c tonumekꞌ saꞌ li nim be toj retal tonumekꞌ saꞌ le̱ naꞌaj. Ma̱cꞌaꞌ takachꞌeꞌ e̱re, chanqueb.

Éxodo 4:15

La̱at ta̱cua̱tina aꞌan ut ta̱chꞌolob chiru li cꞌaꞌru tixye. La̱in tintenkꞌa̱nk a̱cue riqꞌuin la̱ cua̱tin joꞌ ajcuiꞌ aꞌan. La̱in tincꞌut che̱ru li cꞌaꞌru te̱ba̱nu.

2 Samuel 14:18

Li rey David quixye re li ixk: —Nacuaj patzꞌoc a̱cue ut nacuaj nak ta̱sume chi tzꞌakal li cꞌaꞌru tinpatzꞌ a̱cue, chan. Ut li ixk quixye: —Us. Patzꞌ li cꞌaꞌru ta̱cuaj, chan.

2 Samuel 18:13

Cui ta la̱in xincamsi laj Absalón, la̱in ajcuiꞌ raj xinqꞌue cuib saꞌ chꞌaꞌajquilal xban nak ma̱cꞌaꞌ naru xmukbal chiru li rey. Ut la̱at xatpoꞌ raj saꞌ inbe̱n, chan.

Proverbios 25:2

Naqꞌueheꞌ xlokꞌal li Dios nak cuan li cꞌaꞌak re ru tixcanab chi mukmu. Ut naqꞌueheꞌ ajcuiꞌ xlokꞌal li rey nak tixtau ru li cꞌaꞌru mukmu.