2 Samuel 14:14 - Li Santil hu

¹⁴ Chikajunilo toca̱mk. Chanchano li haꞌ hoybil saꞌ chꞌochꞌ. Incꞌaꞌ chic naru xxocbal. Li Ka̱cuaꞌ Dios ma̱ ani narisi xyuꞌam. Naxsicꞌ ban xya̱lal chanru nak ta̱sukꞌi̱k cuiꞌchic riqꞌuin li najt cuan riqꞌuin.

Q'eqchi Bible

¹⁴ Chiqajunilo tento tookamq. Jo'ko li ha' hoyb'il sa' ch'och': ink'a' chik naru xxokb'al. Li Yos maa'ani narisi li xyu'am, naxsik' b'an xyaalal re naq taasutq'iiq wi' chik li ani najt wank rik'in.

2 Samuel 14:14 ပူးပေါင်းရင်းမြစ်များ

Li xHu LAJ JOB 30:23

La̱in ninnau nak la̱at ta̱cuaj tinca̱mk. Ninnau nak la̱at ta̱cuaj nak tinxic saꞌ li naꞌajej li teꞌxic cuiꞌ chixjunileb li nequeꞌcam.

Hebreos 9:27

Chixjunil li tenamit jun sut ajcuiꞌ teꞌca̱mk ut li Ka̱cuaꞌ Dios ta̱rakok a̱tin saꞌ xbe̱neb.

Números 35:28

Tento nak li ani xcamsi ras ri̱tzꞌin ta̱cana̱k saꞌ li tenamit li tixcol cuiꞌ rib toj ta̱ca̱mk lix yucuaꞌil eb laj tij. Nak acak xcam lix yucuaꞌileb laj tij, naru ta̱sukꞌi̱k saꞌ li rochoch.

Li xHu LAJ JOB 34:15

chixjunileb raj teꞌca̱mk ut teꞌsukꞌi̱k raj cuiꞌchic chꞌochꞌ.

Números 35:25

Tento nak eb li tenamit teꞌxcol rix li xcamsi ras ri̱tzꞌin chiru li rechꞌalal li camenak. Ut teꞌxsukꞌisi cuiꞌchic saꞌ li tenamit li quixcol cuiꞌ rib. Ut aran ta̱cana̱k toj nak ta̱ca̱mk lix yucuaꞌileb laj tij, li quiqꞌueheꞌ aceite saꞌ xjolom.

Números 35:15

Eb li cuakib chi tenamit aꞌin, aꞌaneb li tenamit bar ta̱ru̱k teꞌxcol cuiꞌ ribeb laj Israel joꞌ eb ajcuiꞌ li jalaneb xtenamit li nequeꞌxcamsi ras ri̱tzꞌin chi incꞌaꞌ yal naraj xchꞌo̱l.

Eclesiastés 9:5

Li toj yoꞌyo̱queb nequeꞌxnau nak teꞌca̱mk. Ut eb li ac camenakeb chic ma̱cꞌaꞌ nequeꞌxnau, chi moco cuan ta cꞌaꞌru teꞌroybeni. Ut ma̱ ani chic ta̱jultica̱nk reheb.

Salmos 22:14

Yo̱ chi osocꞌ lin metzꞌe̱u. Chanchan li haꞌ li yo̱ chi hoyecꞌ. Chanchan nak ma̱cꞌaꞌ chic saꞌ xnaꞌaj lin bakel. Chanchan yo̱ chi haꞌocꞌ li cua̱m joꞌ nak nahaꞌoꞌ li cera.

Li xHu LAJ JOB 14:14

Nak nacam li cui̱nk, ¿ma ta̱yoꞌla̱k cuiꞌchic? La̱in yo̱quin chiroybeninquil joꞌ najtil chic tincꞌul li raylal toj ta̱cuulak xkꞌehil nak tincolekꞌ chiru li raylal.

Romanos 2:11

Li Dios incꞌaꞌ naxsicꞌ ru li junju̱nk. Junajo ban chiru.

San Mateo 22:16

Queꞌxtaklaheb lix tzolom rochbeneb li nequeꞌoquen chirix laj Herodes re nak teꞌa̱tinak riqꞌuin li Jesús yal re xsicꞌbal cꞌaꞌru ta̱paltok cuiꞌ riqꞌuin li ra̱tin. Ut queꞌxye re: —At tzolonel, nakanau nak nacara li ya̱l. Ut saꞌ xya̱lal nacacꞌut chiruheb li tenamit cꞌaꞌru naraj li Dios ut ma̱ ani nacaxucua ru ut incꞌaꞌ nacasiqꞌueb ru li ani nacara.

Salmos 90:10

Laje̱b xca̱cꞌa̱l (70) chihab ajcuiꞌ nacuan li kayuꞌam saꞌ ruchichꞌochꞌ. Li ani kꞌaxal cau rib naru nacuan xyuꞌam saꞌ ruchichꞌochꞌ ca̱cꞌa̱l (80) chihab. Abanan junes raylal ut rahil chꞌo̱lej nakacꞌul. Saꞌ junpa̱t nanumeꞌ li kayuꞌam ut nococam.

Salmos 90:3

Nak nequeꞌcam li cristian, nequeꞌsukꞌi chꞌochꞌ xban nak la̱at caye: Chꞌochꞌ oquenakex ut chꞌochꞌ texsukꞌi cuiꞌ.

Salmos 79:3

Joꞌ nak nahoyeꞌ li haꞌ nak quihoyeꞌ lix quiqꞌueleb li queꞌxcamsi saꞌ li katenamit Jerusalén. Ut ma̱ ani quimukuc reheb.

Salmos 58:7

Chasacheb li incꞌaꞌ useb xnaꞌleb. Cheꞌosokꞌ joꞌ nak na-osoꞌ li haꞌ li naxic saꞌ rok haꞌ. Cheꞌosokꞌ joꞌ li pim li nayekꞌiman saꞌ li be.

Li xHu LAJ JOB 34:19

Li Dios incꞌaꞌ naxsicꞌ ruheb li ani tixra. Juntakꞌe̱t ban narileb li rey ut eb li biom joꞌ ajcuiꞌ eb li nebaꞌ. ¿Ma ma̱cuaꞌ ta biꞌ aꞌan li quiyoꞌobtesin reheb chixjunileb?

2 Samuel 11:25

Laj David quixye re li takl: —Ye re laj Joab chi joꞌcaꞌin, “Matcꞌoxlac chirix aꞌin xban nak joꞌcaꞌin nacꞌulman saꞌ li ple̱t. Cacuubresi a̱chꞌo̱l. Tatpletik cuiꞌchic riqꞌuin chi cau toj retal te̱re̱chani li tenamit,” chan.

Deuteronomio 10:17

Xban nak li Ka̱cuaꞌ le̱ Dios, aꞌan li nimajcual Dios. Ma̱cꞌaꞌ chic junak Dios chiru aꞌan. Kꞌaxal nim xcuanquil saꞌ xbe̱neb chixjunileb li cuanqueb xcuanquil ut xucuajel ru. Aꞌan incꞌaꞌ naxsicꞌ ru li ani tixra ut ma̱ ani naru ta̱tumina̱nk ru.

Levítico 26:40

La̱ex ta̱yotꞌekꞌ e̱chꞌo̱l xban li ma̱c queba̱nu ut xban li ma̱c queꞌxba̱nu chak le̱ naꞌ e̱yucuaꞌ nak quineꞌxtzꞌekta̱na ut queꞌxkꞌet lin chakꞌrab.

1 Pedro 1:17

La̱ex nequeye “at inYucuaꞌ” re li Dios nak nequextijoc. Ut li Dios natzꞌiloc a̱tin chirix li junju̱nk aꞌ yal chanru lix yehom xba̱nuhom. Aꞌan incꞌaꞌ naxsiqꞌueb ru. Jun xiquic ban naxba̱nu. Joꞌcan nak chexucua̱k ru li Dios junelic, aꞌ yal joꞌ najtil texcua̱nk saꞌ li ruchichꞌochꞌ aꞌin.

Hechos 10:34

Quixtiquib a̱tinac laj Pedro ut quixye: —Anakcuan xinqꞌue retal chi tzꞌakal nak li Dios incꞌaꞌ naxsicꞌ ru li ani naxra.

Éxodo 21:13

Li ani naxcamsi junak chi incꞌaꞌ yal naraj xchꞌo̱l, nacam ban xban nak joꞌcan naraj li Dios, li jun aꞌan naru ta̱colekꞌ. Abanan la̱in tinyehok re bar cuan li tenamit ta̱xic cuiꞌ xcolbal rib.

2 Samuel 14:15

La̱in xinchal chi a̱tinac a̱cuiqꞌuin xban nak xinxucuac xban li cꞌaꞌru xeꞌxye cue li tenamit. La̱in xinye nak tina̱tinak a̱cuiqꞌuin xban nak ma̱re ta̱ba̱nu li cꞌaꞌru tintzꞌa̱ma cha̱cuu.

1 Reyes 11:39

La̱in tebinqꞌue chi cꞌuluc raylal li ralal xcꞌajol laj David xban li ma̱c quixba̱nu laj Salomón. Abanan moco chi junaj cua ta,” chan li Ka̱cuaꞌ.—

Salmos 22:15

X-osoꞌ lin metzꞌe̱u. Ma̱cꞌaꞌ chic nin-oc cuiꞌ. Chanchanin aj chic li xcꞌaj te̱x ma̱cꞌaꞌ chic xcꞌanjel. Xletz rib li ruꞌuj cuakꞌ saꞌ cue xban li chaki el. La̱at xina̱canab chi ca̱mc ut xina̱canab chi poksocꞌ.

Salmos 77:8

¿Ma incꞌaꞌ chic nocoxra? ¿Ma incꞌaꞌ chic toxtenkꞌa joꞌ quixyechiꞌi ke?

Lamentaciones 3:31

Li Ka̱cuaꞌ incꞌaꞌ nocoxtzꞌekta̱na chi junaj cua.

Ezequiel 18:23

Li nimajcual Dios quixye: —¿Ma nasahoꞌ ta biꞌ inchꞌo̱l nak junak ta̱ca̱mk xban li ma̱usilal li quixba̱nu? Incꞌaꞌ. Nasahoꞌ ban saꞌ inchꞌo̱l nak naxjal xcꞌaꞌux ut naxcanab xba̱nunquil li ma̱usilal ut ta̱cua̱nk xyuꞌam.