2 Samuel 13:5 - Li Santil hu

⁵ Laj Jonadab quixye re: —Yoclan saꞌ a̱cuarib ut ba̱nu a̱cuib joꞌ nak yajat. Nak ta̱cha̱lk la̱ yucuaꞌ cha̱cuilbal, ta̱ye re, “Ba̱nu usilal, takla lix Tamar li cui̱tzꞌin chixqꞌuebal lin tzacae̱mk. La̱in nacuaj nak ta̱cha̱lk arin re tixyi̱b intzacae̱mk chicuu ut tixqꞌue cue re tintzaca,” chaꞌakat re, chan laj Jonadab.

Q'eqchi Bible

⁵ “Yoklan sa' laach'aat -chan laj Jonadab- ut b'aanu aawib' naq yajat. Naq taa'ok laayuwa' chawilb'al, taaye re: «B'aanu usilal, chalqaq lix Tamar li wanab' chi xk'eeb'al inwa. Twaj naq tixk'uub' lintzekemq chiwu laa'in re naq twil ut tink'ul sa' ruq'», cha'qat re”, chan laj Jonadab.

2 Samuel 13:5 ပူးပေါင်းရင်းမြစ်များ

Hechos 23:15

Joꞌcan nak la̱ex rochbeneb li nequeꞌtaklan saꞌ xbe̱neb laj judío yehomak re li coronel nak tixtakla chak arin laj Pablo cuulaj. Ye re nak te̱raj te̱nau tzꞌakal xya̱lal chirix. La̱o ac xkacauresi kib re nak takacamsi nak toj ma̱jiꞌ nacꞌulun arin, chanqueb.

Proverbios 19:27

Ex cualal incꞌajol, canabomak rabinquil li naꞌleb incꞌaꞌ us, li na-isin e̱re riqꞌuin li cha̱bil naꞌleb.

2 Samuel 16:21

Laj Ahitofel quixye re: —Tatcua̱nk riqꞌuineb li ixk li xeꞌcuan riqꞌuin la̱ yucuaꞌ, li xeꞌcanaba̱c arin chi iloc cab. Cui ta̱ba̱nu chi joꞌcan, chixjunileb teꞌxnau nak la̱at xicꞌ chic nacat-ileꞌ xban la̱ yucuaꞌ ut teꞌcacuu̱k xchꞌo̱leb, chan.

2 Samuel 13:4

Laj Jonadab quixye re laj Amnón: —La̱at ralalat li rey David. Ye cue cꞌaꞌut nak rajlal cutan yo̱cat chi bakocꞌ, chan. Ut laj Amnón quixye re: —La̱in xco̱ inchꞌo̱l chirix lix Tamar, li ranab laj Absalón li cuas, chan.

2 Samuel 13:6

Joꞌcan nak laj Amnón quiyocla ut quixba̱nu rib joꞌ nak yaj. Li rey David co̱ chirilbal ut laj Amnón quixye re: —Nintzꞌa̱ma cha̱cuu nak ta̱takla lix Tamar arin re nak tixyi̱b chicuu cuibak incaxlan cua ut tixqꞌue cue re tintzaca, chan.