2 Samuel 13:4 - Li Santil hu

⁴ Laj Jonadab quixye re laj Amnón: —La̱at ralalat li rey David. Ye cue cꞌaꞌut nak rajlal cutan yo̱cat chi bakocꞌ, chan. Ut laj Amnón quixye re: —La̱in xco̱ inchꞌo̱l chirix lix Tamar, li ranab laj Absalón li cuas, chan.

Q'eqchi Bible

⁴ ut sa' jun kutan kixye: “K'aru xak'ul, ralalat li awab'ej? K'a'ut naq yookat chi b'aqo'k? Ma ink'a' taaye we?”. Kichaq'ok laj Amnón: “Xikenaq linch'ool chirix lix Tamar, ranab' laj Absalón li was”, chan.

2 Samuel 13:4 ပူးပေါင်းရင်းမြစ်များ

San Lucas 12:32

Mexxucuac ex cualal incꞌajol. Usta incꞌaꞌ qꞌuihex, abanan le̱ yucuaꞌ cuan saꞌ choxa cꞌojcꞌo xchꞌo̱l chixqꞌuebal e̱re lix nimajcual cuanquilal.

Miqueas 7:3

Se̱beb xchꞌo̱l chixba̱nunquil li incꞌaꞌ us. Li nataklan saꞌ xbe̱neb li tenamit naraj nak ta̱qꞌuehekꞌ xtumin. Ut laj rakol a̱tin natumina̱c ru nak narakoc a̱tin. Li ani cuan xcuanquil naxye reheb cꞌaꞌru naraj ut chixjunileb nequeꞌxcꞌu̱b ru chanru nak teꞌxba̱nu li incꞌaꞌ us.

Jeremías 8:12

¿Ma nequeꞌxuta̱na̱c ta biꞌ xban li ma̱usilal nequeꞌxba̱nu? Incꞌaꞌ. Incꞌaꞌ nequeꞌxnau xuta̱na̱c. Joꞌcan nak la̱in tinqꞌueheb chixtojbal lix ma̱queb joꞌ nak quinqꞌueheb chixtojbal xma̱queb li jun chꞌol chic.

Isaías 3:9

Saꞌ xnakꞌeb ru nacꞌutun li cꞌaꞌru nequeꞌxba̱nu. Ut aꞌan ajcuiꞌ nayehoc re nak cuanqueb xma̱c. Incꞌaꞌ nequeꞌxmuk lix ma̱queb. Nequeꞌrisi ban resil yalak bar joꞌ queꞌxba̱nu laj Sodoma. Ra ta̱cha̱lk saꞌ xbe̱neb xban nak xjuneseb yo̱queb chixbokbal li raylal saꞌ xbe̱neb.

Levítico 20:17

Cui junak cui̱nk tixchꞌic rib riqꞌuin li ranab, malaj ut lix cab ranab, nimla ma̱c teꞌxba̱nu ut teꞌcamsi̱k chixcabichaleb. Li cui̱nk aꞌan quixmux ru li ranab ut tento nak aꞌan tixtoj rix lix ma̱c.

Levítico 18:9

Junak cui̱nk incꞌaꞌ naru naxchꞌic rib riqꞌuin li ranab, malaj ut riqꞌuin li ri̱tzꞌin ixk, usta jalan xyucuaꞌ malaj ut jalan lix naꞌ. Incꞌaꞌ naru naxcꞌut xxuta̱n li ranab, usta saꞌ li rochoch quiyoꞌla malaj ut saꞌ jalan cab. Incꞌaꞌ naru ta̱cua̱nk riqꞌuin.

1 Reyes 21:7

Ut lix Jezabel li rixakil quixye re: —La̱at li rey. La̱at nacattaklan arin Israel. Cuaclin ut cuaꞌin. Cꞌojob a̱chꞌo̱l. La̱in tinsicꞌ xya̱lal chanru tinba̱nu re nak aꞌan tixqꞌue a̱cue lix naꞌaj li racui̱mk, chan.

2 Samuel 13:3

Cuan jun li rami̱g laj Amnón. Li rami̱g, aꞌan laj Jonadab, li ralal laj Simea. Ut laj Simea, aꞌan li ras laj David. Laj Jonadab se̱b xchꞌo̱l chixba̱nunquil li incꞌaꞌ us.

2 Samuel 13:5

Laj Jonadab quixye re: —Yoclan saꞌ a̱cuarib ut ba̱nu a̱cuib joꞌ nak yajat. Nak ta̱cha̱lk la̱ yucuaꞌ cha̱cuilbal, ta̱ye re, “Ba̱nu usilal, takla lix Tamar li cui̱tzꞌin chixqꞌuebal lin tzacae̱mk. La̱in nacuaj nak ta̱cha̱lk arin re tixyi̱b intzacae̱mk chicuu ut tixqꞌue cue re tintzaca,” chaꞌakat re, chan laj Jonadab.

1 Reyes 21:5

Ut lix Jezabel, li rixakil, quicuulac riqꞌuin ut quixye re: —¿Cꞌaꞌut nak ra saꞌ a̱chꞌo̱l? ¿Cꞌaꞌut nak incꞌaꞌ nacacuaj cuaꞌac? chan.