2 Samuel 13:28 - Li Santil hu

²⁸ Laj Absalón quixye reheb lix mo̱s: —Qꞌuehomak retal nak ta̱cala̱k chi us laj Amnón. Nak tinye e̱re, te̱camsi. Mexcꞌoxlac chixcamsinquil xban nak la̱in yo̱quin chi takla̱nc e̱re. Cacuubresihomak e̱chꞌo̱l chixba̱nunquil li ninye e̱re, chan.

Q'eqchi Bible

²⁸ ut kixye reheb' laj k'anjel chiru: “Kawal wanqex. Naq sahaq xch'ool laj Amnón xb'aan li b'iin ut laa'in tinye eere: «Teekamsi», kamsihomaq chi maak'a'aq eexiw, xb'aan naq a'an eetaqlankil inb'aan. Kawaq b'i' eech'ool ut yo'oon wanqex”.

2 Samuel 13:28 ပူးပေါင်းရင်းမြစ်များ

Jueces 19:6

Ut queꞌchunla chi xcabichaleb ut queꞌcuaꞌac ut queꞌucꞌac. Ut li yucuaꞌbej quixye re li cui̱nk: —Ba̱nu usilal, chanumsi li kꞌojyi̱n arin ut chisahokꞌ saꞌ a̱chꞌo̱l, chan.

Jueces 19:22

Nak sa saꞌ xchꞌo̱leb, queꞌcuulac jun chꞌu̱tal li cui̱nk li incꞌaꞌ useb xnaꞌleb. Queꞌxsut li cab ut yo̱queb chixtꞌochbal li puerta ut queꞌxye re li che̱quel cui̱nk, laj e̱chal re li cab: —Isi chak li cui̱nk li xacꞌul saꞌ la̱ cuochoch. Takaj ma̱cobc riqꞌuin, chanqueb.

Jueces 19:9

Ut li cui̱nk rochben li ixk queꞌoc cuiꞌchic chi xic saꞌ lix viaje rochben lix mo̱s. Abanan li yucuaꞌbej quixye reheb: —Qꞌuehomak retal. Ac yo̱ chi ecuu̱c. Chenumsi li kꞌojyi̱n arin ut cuulaj ekꞌela naru nequexxic saꞌ le̱ rochoch, chan.

Li xHu LIX RUT 3:7

Ut nak ac xrakeꞌ chi cuaꞌac ut chi ucꞌac, quicꞌojla xchꞌo̱l laj Booz. Tojoꞌnak quixyocob rib aran chixcꞌatk jun tu̱b li cebada ut quicuar. Mokon lix Rut quicuulac. Incꞌaꞌ na-ecꞌan nak quirisi li ris chi rok ut quixyocob rib aran.

Hechos 5:29

Laj Pedro, joꞌqueb ajcuiꞌ li rech apostolil, queꞌchakꞌoc ut queꞌxye: —¿Ma takakꞌet li cꞌaꞌru naxye li Dios ut takapa̱b li cꞌaꞌru nequeꞌxye li cui̱nk? Incꞌaꞌ. Tento takapa̱b li cꞌaꞌru naxye li Dios.

San Lucas 21:34

Chenauhak xcolbal e̱rib. Me̱qꞌue e̱rib chi a̱le̱c riqꞌuin li numcuaꞌac ut li cala̱c, chi moco riqꞌuin xcꞌoxlanquil chanru te̱numsi li cutan junju̱nk. Ma̱re anchal ta̱cuulak xkꞌehil li cutan aꞌan chi ma̱cꞌaꞌ saꞌ e̱chꞌo̱l.

Nahum 1:10

Osoꞌjenakex chi cala̱c. Chanchanex li qꞌuix li naxbaqꞌui rib. Tex-osokꞌ joꞌ nak nacꞌat li chaki qꞌuim.

Daniel 5:30

Ut saꞌ ajcuiꞌ li kꞌojyi̱n aꞌan, quicamsi̱c laj Belsasar lix reyeb laj Caldea.

Eclesiastés 10:19

Li ninkꞌe naqꞌuehoc sahil chꞌo̱lej. Ut li vino naxqꞌue ajcuiꞌ xsahil xchꞌo̱leb li cuanqueb saꞌ ruchichꞌochꞌ. Abanan li tumin, aꞌan li naxba̱nu chixjunil aꞌin.

Eclesiastés 9:7

Joꞌcan nak anakcuan chatcuaꞌak chi sa saꞌ a̱chꞌo̱l ut chacuucꞌak li vino riqꞌuin sahil chꞌo̱lej xban nak li Dios ma̱cꞌaꞌ naxye riqꞌuin li cꞌaꞌru nacaba̱nu.

Salmos 104:15

Nacaqꞌue lix tzacae̱mk re nak ta̱cua̱nk xmetzꞌe̱u li cui̱nk. Nacaqꞌue li vino ut nacaqꞌue li aceite re nak ta̱sahokꞌ saꞌ xchꞌo̱l.

Ester 1:10

Saꞌ xcuuk li cutan re li ninkꞌe, cꞌajoꞌ xsahil xchꞌo̱l li rey Asuero xban lix calajic. Quixtaklaheb li cuukub chi eunucos li nequeꞌcꞌanjelac chiru. Aꞌaneb laj Mehumán, laj Bizta, laj Harbona, laj Bigta, laj Abagta, laj Zetar ut laj Carcas.

1 Reyes 20:16

Cuaꞌleb re cutan queꞌco̱eb laj Acab chi pletic nak yo̱queb chi cala̱c saꞌ lix muheba̱leb laj Ben-adad rochbeneb li cablaju xcaꞌcꞌa̱l (32) chi rey li queꞌoquen chirix.

2 Samuel 11:15

Saꞌ li hu quixye re laj Joab: —Ta̱qꞌue laj Urías chi ubej nak yo̱k chi cau li pletic ut ta̱canab xjunes re nak ta̱camsi̱k saꞌ li ple̱t, chan.

2 Samuel 11:13

Laj David quixbok laj Urías chi cuaꞌac riqꞌuin ut quixcaltesi. Abanan laj Urías incꞌaꞌ co̱ chi cua̱rc saꞌ li rochoch. Quicana ban chi cua̱rc saꞌ li naꞌajej li nequeꞌcuar cuiꞌ li soldados li nequeꞌcꞌacꞌalen re li rochoch li rey.

1 Samuel 28:13

—¿Cꞌaꞌut nak xina̱balakꞌi? La̱at li rey Saúl, chan. Laj Saúl quixye re: —Matxucuac. Ye cue cꞌaꞌru yo̱cat chirilbal, chan. Li ixk quixye: —Nacuil jun chanchan dios yo̱ chi e̱lc saꞌ chꞌochꞌ, chan.

1 Samuel 28:10

Laj Saúl quixye re: —Saꞌ xcꞌabaꞌ li nimajcual Dios, la̱in ninye a̱cue nak ma̱ jun raylal ta̱cha̱lk saꞌ a̱be̱n cui ta̱ba̱nu li cꞌaꞌru nintzꞌa̱ma cha̱cuu, chan.

Josué 1:9

La̱in li yo̱quin chi takla̱nc a̱cue. Yal a̱kꞌe ut cacuubresi a̱chꞌo̱l. Matxucuac chi moco ta̱chꞌina̱nk a̱chꞌo̱l xban nak la̱in li Ka̱cuaꞌ la̱ Dios cua̱nkin a̱cuiqꞌuin yalak bar tatxic, chan li Dios.

Génesis 9:21

Laj Noé quirucꞌ li vino, li yi̱banbil riqꞌuin lix yaꞌal li uvas ut quicala. Tꞌantꞌo quicana saꞌ lix muheba̱l chi tꞌustꞌu xban xcalajic.

2 Samuel 12:10

Chalen anakcuan junelic cua̱nk li camsi̱nc saꞌ xya̱nkeb la̱ cualal a̱cꞌajol xban nak xina̱tzꞌekta̱na ut xamakꞌ li rixakil laj Urías.

2 Samuel 13:27

Laj Absalón quirelaji ru li rey nak ta̱xic laj Amnón toj retal nak li rey quixtaklaheb laj Amnón ut chixjunileb li ralal.

Éxodo 1:18

Ut li acuabej re Egipto quixtakla xbokbal li cuib chi ixk ut quixye reheb: —¿Cꞌaꞌut nak incꞌaꞌ xeba̱nu li xinye e̱re? ¿Cꞌaꞌut nak incꞌaꞌ xecamsi li cocꞌ te̱lom aj hebreo nak xeꞌyoꞌla? chan reheb.

1 Samuel 18:22

Laj Saúl quixtaklaheb lix mo̱s ut quixye reheb nak teꞌa̱tinak riqꞌuin laj David chi ma̱ ani ta̱abi̱nk re ut teꞌxye re chi joꞌcaꞌin: —Laj Saúl nacatxra ut chikajunilo la̱o lix mo̱s nacatkara ajcuiꞌ. Us ta̱sume oc chokꞌ xhiꞌ li rey, chanqueb.

2 Samuel 14:6

At rey, cuanqueb cuib inyum. Abanan xeꞌpletic saꞌ cꞌaleba̱l. Ut ma̱ ani xeꞌjachoc reheb chi pletic. Li jun quixcamsi li jun chic.