2 Samuel 13:20 - Li Santil hu

²⁰ Nak laj Absalón quiril lix Tamar, quixye re: —¿Ma xatxchap chi pue̱rs laj Amnón? Matya̱bac, at cuanab. Laj Amnón, aꞌan la̱ cuas. Ma̱ ani aj iqꞌuin ta̱serakꞌi li cꞌaꞌru xba̱nu a̱cue, chan. Joꞌcan nak lix Tamar quicana saꞌ rochoch laj Absalón ut kꞌaxal ra saꞌ xchꞌo̱l.

Q'eqchi Bible

²⁰ Laj Absalón li ras kiril ru ut kixye re: “Ma xwank laj Amnón laawas aawik'in? Maaseeraq'i a'in, at wanab', xb'aan naq a'an aawas. Ut matk'oxlak chirix a'in”. Chalen sa' li kutan a'an lix Tamar kikanaak sa' rochoch laj Absalón chi q'axal ra sa' xch'ool.

2 Samuel 13:20 ပူးပေါင်းရင်းမြစ်များ

Romanos 12:19

Ex herma̱n, ma̱cuaꞌ la̱ex texqꞌuehok re̱kaj li raylal na-ux e̱re. Checanabak ban chixjunil saꞌ rukꞌ li Dios. Caꞌaj cuiꞌ aꞌan laj rakol a̱tin xban nak joꞌcaꞌin tzꞌi̱banbil saꞌ li Santil Hu: Caꞌaj cuiꞌ la̱in naru tinqꞌuehok re̱kaj. Ut la̱in tinrahobtesiheb riqꞌuin li cꞌaꞌru quilajeꞌxba̱nu, chan li Dios. (Deut. 32:35)

Proverbios 26:24

Li ani xicꞌ na-iloc incꞌaꞌ nacꞌutun chiru lix joskꞌil nak yo̱ chi a̱tinac. Abanan saꞌ lix cꞌaꞌux yo̱ chixcꞌoxlanquil chanru tixba̱nu li incꞌaꞌ us.

Génesis 46:15

Joꞌcaꞌin xcꞌabaꞌeb li oxlaju xcaꞌcꞌa̱l (33) chi ralal xcꞌajol laj Jacob li quicuan riqꞌuin lix Lea saꞌ li naꞌajej Padan-aram. Ut quicuan ajcuiꞌ jun xrabin riqꞌuin lix Lea, xDina xcꞌabaꞌ.

Génesis 34:2

Laj Hamor, aj heveo, aꞌan li acuabej re li tenamit aꞌan. Li ralal laj Hamor, aꞌan laj Siquem. Nak laj Siquem quiril lix Dina, quixchap ut quixpuersi ru re nak ta̱cua̱nk riqꞌuin.

2 Samuel 13:19

Lix Tamar quixqꞌue li cha saꞌ xjolom. Quixpej li rakꞌ. Quixtzꞌap li ru riqꞌuin li rukꞌ ut yo̱ chi ya̱bac nak co̱.

2 Samuel 13:21

Nak quirabi li cꞌaꞌru quicꞌulman li rey David, cꞌajoꞌ nak quijoskꞌoꞌ.

2 Samuel 14:24

Abanan li rey David quixye re nak laj Absalón ti̱c ta̱xic saꞌ rochoch. Incꞌaꞌ ta̱cꞌamekꞌ saꞌ rochoch laj David xban nak incꞌaꞌ quiraj rilbal ru. Joꞌcan nak laj Absalón quicuan saꞌ rochoch ut incꞌaꞌ quicuulac saꞌ rochoch laj David.