2 Samuel 13:2 - Li Santil hu

² Cꞌajoꞌ nak quixra ru lix Tamar toj retal quiyajer xban xcꞌoxlanquil ut incꞌaꞌ naru ta̱ril ru. Xban nak lix Tamar ma̱jiꞌ cuanjenak riqꞌuin cui̱nk, laj Amnón quixcꞌoxla nak ma̱cꞌaꞌ ta̱ru̱k tixba̱nu re.

Q'eqchi Bible

² K'ajo' naq kixra toj reetal kiyajerk, xb'aan naq toj tuq'ixq lix Tamar ut jwal ch'a'aj cho'q re laj Amnón reechaninkil.

2 Samuel 13:2 ပူးပေါင်းရင်းမြစ်များ

2 Corintios 7:10

Cui junak narahoꞌ xchꞌo̱l xban li incꞌaꞌ us naxba̱nu, li jun aꞌan naxtau lix colbal xban nak nayotꞌeꞌ xchꞌo̱l ut naxjal xcꞌaꞌux joꞌ naraj li Dios. Ut ma̱ ani narahoꞌ xchꞌo̱l xban li colba-ib. Abanan cui junak narahoꞌ xchꞌo̱l xban li incꞌaꞌ us naxba̱nu ut incꞌaꞌ nayotꞌeꞌ xchꞌo̱l, li jun aꞌan incꞌaꞌ naxtau li colba-ib.

Cantares 5:8

Ex tukꞌ ixk aj Jerusalén, nintzꞌa̱ma jun usilal che̱ru. Cui te̱ril ru li cui̱nk li ninra, yehomak re nak tincuaj ru ra̱tinanquil.

1 Reyes 21:4

Laj Acab co̱ saꞌ xpalacio chi ra saꞌ xchꞌo̱l ut chi yo̱ xjoskꞌil xban nak laj Nabot quixye re nak incꞌaꞌ tixqꞌue re li naꞌajej li quire̱chani riqꞌuin lix xeꞌto̱nil xyucuaꞌ. Nak quicuulac saꞌ rochoch, quixyocob rib saꞌ xcuarib ut yo̱ chi iloc chiru li tzꞌac ut incꞌaꞌ quiraj cuaꞌac.

2 Samuel 13:1

Laj Absalón, li ralal laj David, quicuan jun li ranab, xTamar xcꞌabaꞌ. Cꞌajoꞌ xchꞌinaꞌusal li xkaꞌal aꞌan. Laj Amnón, aꞌan jun chic li ralal laj David. Laj Amnón co̱ xchꞌo̱l chirix lix Tamar.

2 Samuel 13:3

Cuan jun li rami̱g laj Amnón. Li rami̱g, aꞌan laj Jonadab, li ralal laj Simea. Ut laj Simea, aꞌan li ras laj David. Laj Jonadab se̱b xchꞌo̱l chixba̱nunquil li incꞌaꞌ us.