2 Samuel 12:9 - Li Santil hu

⁹ ¿Cꞌaꞌut nak xatzꞌekta̱na li chakꞌrab li xinqꞌue a̱cue? ¿Cꞌaꞌut nak xaba̱nu li ma̱usilal aꞌin? Xatakla laj Urías laj heteo chi camsi̱c. ¿Cꞌaꞌut nak xaqꞌue chi camsi̱c xbaneb laj Amón ut xacꞌam chokꞌ a̱cue li rixakil?

Q'eqchi Bible

⁹ Ab'anan k'a' naq xatz'eqtaana li waatin ut xab'aanu li ink'a' nawulak chiwu? Xakamsi chi ch'iich' laj Urías laj Hit, xataqla chi kamsiik xb'aaneb' laj Amón ut xak'am li rixaqil.

2 Samuel 12:9 ပူးပေါင်းရင်းမြစ်များ

1 Samuel 15:19

¿Cꞌaꞌut nak xakꞌet li cꞌaꞌru quixye a̱cue li Ka̱cuaꞌ? ¿Cꞌaꞌut nak xexoc li cꞌaꞌru reheb? ¿Cꞌaꞌut nak xaba̱nu li incꞌaꞌ us chiru li Ka̱cuaꞌ? chan laj Samuel.

Amós 2:4

Ut quixye cuiꞌchic li Ka̱cuaꞌ: —Nabal sut ac xincuy xma̱queb laj Judá. Anakcuan incꞌaꞌ chic tincuyeb xma̱c xban nak numtajenak cuiꞌchic li ma̱usilal yo̱queb chixba̱nunquil. Queꞌxtzꞌekta̱na lin chakꞌrab ut incꞌaꞌ nequeꞌxba̱nu li cꞌaꞌru ninye reheb. Queꞌxlokꞌoni li yi̱banbil dios joꞌ queꞌxba̱nu lix naꞌ xyucuaꞌeb.

Jeremías 18:10

Abanan, cui eb li tenamit aꞌan nequeꞌxkꞌet li cua̱tin ut nequeꞌxba̱nu li ma̱usilal, incꞌaꞌ chic tinba̱nu usilal reheb li xincꞌoxla xba̱nunquil, chan li Ka̱cuaꞌ Dios.

Salmos 90:8

Chixjunil li ma̱usilal li xkaba̱nu, la̱at nacanau. Chixjunil li ma̱c li xkaba̱nu chi mukmu cutan saken cha̱cuu.

1 Samuel 15:23

Li xkꞌetbal xchakꞌrab li Dios, aꞌan nimla ma̱c joꞌ li kꞌehi̱nc. Ut li xtzꞌekta̱nanquil li ra̱tin li Dios, aꞌan nimla ma̱c ajcuiꞌ joꞌ li xlokꞌoninquil li yi̱banbil dios. Joꞌ nak la̱at xatzꞌekta̱na li ra̱tin li Ka̱cuaꞌ, joꞌcan ajcuiꞌ nak li Ka̱cuaꞌ xatxtzꞌekta̱na la̱at ut xatrisi saꞌ la̱ cuanquil. Incꞌaꞌ chic tatcꞌanjelak chokꞌ rey, chan laj Samuel.

Isaías 5:24

Xban le̱ ma̱usilal, la̱ex tex-osokꞌ joꞌ na-osoꞌ li qꞌuim ut li chaki pim nak nacꞌat xban xam. Joꞌ nak nakꞌa lix xeꞌ li acui̱mk ut li rutzꞌuꞌujil nachakic ut nasukꞌi poks, joꞌcan ajcuiꞌ nak tex-osokꞌ la̱ex xban nak nequetzꞌekta̱na lix chakꞌrab li nimajcual Dios. Nequetzꞌekta̱na li ra̱tin li Dios santo, lix Dioseb laj Israel.

2 Samuel 11:4

Laj David quixtakla xbokbal li ixk aꞌan. Nak quicuulac lix Betsabé, laj David quicuan riqꞌuin. Ut lix Betsabé quisukꞌi saꞌ rochoch. (Tojeꞌ quirakeꞌ chixsantobresinquil rib li ixk aꞌan riqꞌuin lix yajel re li po, joꞌ cꞌaynakeb xba̱nunquil.)

Salmos 51:4

Xinma̱cob cha̱cuu. Caꞌaj cuiꞌ cha̱cuu la̱at xinma̱cob ut xinba̱nu li incꞌaꞌ nacuulac cha̱cuu. La̱at xatrakoc a̱tin saꞌ inbe̱n saꞌ ti̱quilal ut ma̱ ani ta̱yehok re nak incꞌaꞌ us li nacaba̱nu.

2 Crónicas 33:6

Quixcꞌateb li ralal chokꞌ xmayej saꞌ li ru takꞌa re Ben-hinom. Naxic riqꞌuineb laj kꞌe chixpatzꞌbal cꞌaꞌru ta̱cha̱lk chiru mokon. Quixqꞌueheb xcuanquil laj kꞌe ut eb laj tu̱l ut eb li nequeꞌxnau xba̱nunquil li magia ut quixpatzꞌ xnaꞌleb riqꞌuineb li musikꞌej. Numtajenak li ma̱usilal li quixba̱nu toj retal nak quinumta xjoskꞌil li Ka̱cuaꞌ saꞌ xbe̱n.

2 Samuel 12:10

Chalen anakcuan junelic cua̱nk li camsi̱nc saꞌ xya̱nkeb la̱ cualal a̱cꞌajol xban nak xina̱tzꞌekta̱na ut xamakꞌ li rixakil laj Urías.

1 Samuel 15:26

Laj Samuel quixye re: —Incꞌaꞌ tinxic cha̱cuix xban nak xatzꞌekta̱na li ra̱tin li Dios. Ut li Ka̱cuaꞌ xatxtzꞌekta̱na la̱at re nak incꞌaꞌ chic tatcua̱nk chokꞌ xreyeb laj Israel, chan.

2 Samuel 16:7

Laj Simei yo̱ chixmajecuanquil laj David ut quixye re: —Elen arin. La̱at aj camsinel. La̱at jun cui̱nk incꞌaꞌ us a̱naꞌleb.

1 Reyes 15:5

Li Ka̱cuaꞌ quixba̱nu chi joꞌcan xban nak laj David quicuan saꞌ ti̱quilal chiru. Junelic quixba̱nu li cꞌaꞌru quixye li Ka̱cuaꞌ toj chalen nak quicam. Caꞌaj cuiꞌ quima̱cob chiru laj Urías laj heteo.

1 Reyes 21:19

Ta̱ye re, “Joꞌcaꞌin xye li Ka̱cuaꞌ: ¿Ma ma̱cuaꞌ ta biꞌ la̱at li xatcamsin re laj Nabot? Ut anakcuan yo̱cat chixchapbal lix naꞌaj li racui̱mk chokꞌ a̱cue”. Ut ta̱ye ajcuiꞌ re, “Joꞌcaꞌin xye li Ka̱cuaꞌ. Saꞌ li naꞌajej li xeꞌxrekꞌ cuiꞌ lix quiqꞌuel laj Nabot eb li tzꞌiꞌ, aran ajcuiꞌ teꞌxrekꞌ la̱ quiqꞌuel la̱at, at rey,” chaꞌkat re laj Acab.—

Salmos 51:14

At inDios aj Colol cue, mina̱qꞌue taxak chixtojbal rix lin ma̱c riqꞌuin li camsi̱nc xinba̱nu. Ut la̱in tinbicha̱nk ut tinye nak kꞌaxal ti̱c a̱chꞌo̱l.

Salmos 51:16

Cui ta cꞌatbil mayej nacacuaj, tinqꞌue raj a̱cue. Abanan la̱at incꞌaꞌ nacacuaj li cꞌatbil mayej.

Proverbios 14:2

Li ani ti̱c xyuꞌam naxxucua ru li Ka̱cuaꞌ. Ut eb li incꞌaꞌ ti̱queb xchꞌo̱l nequeꞌxtzꞌekta̱na li Ka̱cuaꞌ.