2 Samuel 12:8 - Li Santil hu

⁸ Xinqꞌue a̱cuanquil joꞌ nak quinqꞌue xcuanquil aꞌan. Ut xinkꞌaxtesiheb a̱cue chixjunileb li ixk li queꞌcuan riqꞌuin laj Saúl. Ut xinqꞌue a̱cuanquil saꞌ xbe̱neb li ralal xcꞌajol laj Israel ut saꞌ xbe̱neb ajcuiꞌ li ralal xcꞌajol laj Judá. Toj raj xinqꞌue xtzꞌakob a̱cue cui ta xaye cue nak incꞌaꞌ tzꞌakal li xinqꞌue a̱cue.

Q'eqchi Bible

⁸ Xink'e aawe li rochoch ut eb' li rixqilal laj eechal aawe; xinq'axtesi ajwi' aawe li xjunkab'al laj Israel ut laj Judá. Ut moko ka'aj ta wi' a'an, toj wank chik usilal xinb'aanu raj aawe.

2 Samuel 12:8 ပူးပေါင်းရင်းမြစ်များ

Salmos 84:11

Li Ka̱cuaꞌ Dios, aꞌan li nacutanobresin re li kacꞌaꞌux ut aꞌan li nacoloc ke. Ut incꞌaꞌ narisi chiku li cꞌaꞌru us chokꞌ ke la̱o li nococuan saꞌ ti̱quilal.

2 Samuel 9:7

Laj David quixye re: —Matxucuac xban nak la̱in tinba̱nu usilal a̱cue saꞌ xcꞌabaꞌ laj Jonatán la̱ yucuaꞌ. Tinkꞌaxtesi a̱cue chixjunil li chꞌochꞌ li quicuan re laj Saúl la̱ yucuaꞌchin. Ut la̱at junelic tatcuaꞌak cuochben saꞌ lin me̱x, chan.

Romanos 8:32

Usta li Acuabej Dios kꞌaxal raro li Ralal xban, incꞌaꞌ quixcol chiru li ca̱mc. Quixkꞌaxtesi ban chi ca̱mc saꞌ kacꞌabaꞌ la̱o. Cui quixqꞌue li Ralal re ca̱mc, ¿ma incꞌaꞌ ta biꞌ tixqꞌue ke chixjunil li cꞌaꞌak re ru quixyechiꞌi ke?

2 Samuel 12:11

La̱in li Ka̱cuaꞌ ninye a̱cue nak tintakla li raylal saꞌ a̱be̱n. Ut eb la̱ cuechꞌalal, aꞌaneb chic li teꞌxba̱nu li raylal a̱cue. Yo̱kat chirilbal nak la̱in tinmakꞌeb la̱ cuixakil cha̱cuu ut tinqꞌueheb re jalan cui̱nk re teꞌcua̱nk riqꞌuin. Aꞌin ta̱uxma̱nk chiruheb chixjunileb laj Israel.

2 Samuel 7:19

At Ka̱cuaꞌ Dios, cha̱cuu la̱at toj ma̱jiꞌ tzꞌakal li xaye xban nak xaye ajcuiꞌ nak junelic xakxo̱k xcuanquileb li cualal incꞌajol li teꞌcua̱nk mokon. Ma̱ jun cui̱nk naba̱nun re li nacaba̱nu la̱at, at Ka̱cuaꞌ, at nimajcual Dios.

2 Samuel 5:5

Cuukub chihab riqꞌuin cuakib po quicuan Hebrón chokꞌ xreyeb laj Judá. Ut oxlaju xcaꞌcꞌa̱l chihab quicuan Jerusalén chokꞌ xreyeb chixjunileb laj Israel joꞌ eb ajcuiꞌ laj Judá.

2 Samuel 2:4

Chirix chic aꞌan queꞌcuulac li cui̱nk li nequeꞌcꞌamoc be saꞌ xya̱nkeb laj Judá ut aran queꞌxxakab laj David chokꞌ xreyeb laj Judá. Ut queꞌxye re nak eb li cuanqueb Jabes li cuan saꞌ xcue̱nt Galaad, aꞌaneb li queꞌmukuc re laj Saúl.

1 Samuel 15:19

¿Cꞌaꞌut nak xakꞌet li cꞌaꞌru quixye a̱cue li Ka̱cuaꞌ? ¿Cꞌaꞌut nak xexoc li cꞌaꞌru reheb? ¿Cꞌaꞌut nak xaba̱nu li incꞌaꞌ us chiru li Ka̱cuaꞌ? chan laj Samuel.

Salmos 86:15

Abanan la̱at, at Ka̱cuaꞌ, at inDios, nim la̱ cuuxta̱n ut nim la̱ cuyum. La̱at incꞌaꞌ nacatjoskꞌoꞌ saꞌ junpa̱t. Kꞌaxal nim ban la̱ cuusilal. La̱at aj rahonel ut la̱at li ya̱l.

1 Reyes 2:22

Li rey Salomón quixye: —¿Cꞌaꞌut nak ta̱cuaj lix Abisag chokꞌ rixakil laj Adonías? Ma̱re yo̱cat ajcuiꞌ xcꞌoxlanquil xpatzꞌbal cue nak tinqꞌue lin cuanquil re yal xban nak aꞌan li cuas. Ut laj Abiatar laj tij ut laj Joab lix yum lix Sarvia nequeꞌoquen chirix, chan.

2 Samuel 12:2

Li biom nabal lix carner ut nabal ajcuiꞌ lix cuacax cuan.