2 Samuel 12:7 - Li Santil hu

⁷ Ut laj Natán quixye re: —At David, la̱at li cui̱nk aꞌan. Joꞌcaꞌin xye a̱cue li Ka̱cuaꞌ, lix Dioseb laj Israel, “La̱in xatinxakab chokꞌ xreyeb laj Israel ut xatincol chiru laj Saúl.

Q'eqchi Bible

⁷ Toja' naq laj Natán kixye re laj David: “Li winq a'an, a'anat laa'at. Jo'ka'in xye li Qaawa', xYos laj Israel: «Laa'in xatinxaqab' cho'q awab'ej re Israel ut xatinkol chiru laj Saúl.

2 Samuel 12:7 ပူးပေါင်းရင်းမြစ်များ

San Mateo 14:14

Ut li Jesús nak qui-el saꞌ li jucub, quiril li qꞌuila tenamit li ac queꞌcuulac xbe̱n cua chiru aꞌan. Ut quixtokꞌoba ruheb ut quixqꞌuirtesiheb li yaj cuanqueb saꞌ xya̱nkeb.

1 Samuel 16:13

Ut laj Samuel quixchap li xucub ut quixqꞌue li aceite saꞌ xjolom chiruheb chixjunileb li ras. Li al aꞌan aj David xcꞌabaꞌ. Chalen saꞌ li ho̱nal aꞌan lix musikꞌ li Ka̱cuaꞌ quicuan riqꞌuin laj David. Ut chirix aꞌan laj Samuel quisukꞌi cuiꞌchic saꞌ li tenamit Ramá.

2 Samuel 22:1

Aꞌan aꞌin li bich li quixbicha laj David re xlokꞌoninquil li Ka̱cuaꞌ xban nak li Ka̱cuaꞌ quixcol aꞌan chiru laj Saúl ut chiruheb chixjunileb li xicꞌ nequeꞌiloc re:

1 Reyes 20:42

Ut li profeta quixye re li rey: —Joꞌcaꞌin xye li Ka̱cuaꞌ: “La̱at xacuachꞌab li cui̱nk li xinye nak ta̱ca̱mk. Joꞌcan nak la̱at tatca̱mk chokꞌ re̱kaj, ut la̱ tenamit teꞌsachekꞌ ruheb chokꞌ re̱kaj lix tenamit aꞌan”, chan li Dios.—

1 Reyes 18:18

Laj Elías quixye re: —Ma̱cuaꞌ la̱in li yo̱quin chi qꞌuehoc raylal saꞌ xbe̱n li tenamit Israel. La̱at ban li yo̱cat chi qꞌuehoc raylal a̱cuochben la̱ yucuaꞌ xban nak xetzꞌekta̱na lix chakꞌrab li Ka̱cuaꞌ ut yo̱quex chixlokꞌoninquileb li yi̱banbil dios Baal, chan.

2 Samuel 22:49

Li Ka̱cuaꞌ, aꞌan li nacoloc cue chiruheb li xicꞌ nequeꞌiloc cue. Ut aꞌan naqꞌuehoc incuanquil chi numta̱c saꞌ xbe̱neb li nequeꞌraj pletic cuiqꞌuin. Ut aꞌan ajcuiꞌ nacoloc cue chiruheb li nequeꞌrahobtesin cue.

2 Samuel 7:8

Li Dios quixye re laj Natán: —Ta̱ye re laj David laj cꞌanjel chicuu, “Joꞌcaꞌin xye a̱cue li Ka̱cuaꞌ li nimajcual Dios: La̱in quinsicꞌoc a̱cuu nak yo̱cat chak chi iloc carner saꞌ cꞌaleba̱l, ut catinxakab chokꞌ xreyeb lin tenamit Israel.

1 Samuel 23:14

Laj David quicana chi cua̱nc saꞌ li chaki chꞌochꞌ saꞌ jun li tzu̱l aran Zif. Rajlal cutan laj Saúl quixsicꞌ laj David. Abanan li Dios incꞌaꞌ quixkꞌaxtesi saꞌ rukꞌ.

1 Samuel 23:7

Laj Saúl quirabi nak laj David co̱ Keila ut quixye: —Li Dios xkꞌaxtesi saꞌ cuukꞌ laj David xban nak x-oc saꞌ jun tenamit sutsu saꞌ tzꞌac. Ut li oqueba̱l re li tenamit tzꞌaptzꞌo chi us, chan.

1 Samuel 18:21

Laj Saúl quixye saꞌ xchꞌo̱l: —La̱in tinsumub lix Mical riqꞌuin laj David yal re tixbalakꞌi ut ta̱camsi̱k xbaneb laj filisteo, chan. Joꞌcan nak quixye cuiꞌchic re laj David: —La̱at tat-oc chokꞌ inhiꞌ, chan.

1 Samuel 15:17

Quixye laj Samuel: —Usta la̱at xaye nak ma̱cꞌaꞌ a̱cuanquil, abanan la̱at xatqꞌueheꞌ chi takla̱nc saꞌ xbe̱neb laj Israel. Li Ka̱cuaꞌ quisicꞌoc a̱cuu re nak tat-oc chokꞌ xreyeb laj Israel.

1 Samuel 13:13

Ut laj Samuel quixye re laj Saúl: —Xma̱cꞌaꞌil a̱naꞌleb xakꞌet cuiꞌ xchakꞌrab li Dios. Incꞌaꞌ xaba̱nu li naxye saꞌ li chakꞌrab li quixqꞌue a̱cue li Ka̱cuaꞌ la̱ Dios. Cui ta xaba̱nu li quixye a̱cue, li Ka̱cuaꞌ xxakab raj la̱ cuanquil saꞌ xnaꞌaj chi junelic, la̱at ut eb la̱ cualal a̱cꞌajol.

Salmos 18:1

At Ka̱cuaꞌ, kꞌaxal nacatinra. La̱at nacatqꞌuehoc incacuilal.

1 Samuel 18:11

Laj Saúl quixye saꞌ xchꞌo̱l: —Tinnumsi li la̱ns saꞌ xsaꞌ laj David chiru li tzꞌac, chan. Ut quixcut lix la̱ns. Aꞌut laj David caꞌ sut quixcol rib chiru.

2 Samuel 14:13

Li ixk quixye re: —At rey, ¿Cꞌaꞌut nak xaba̱nu li incꞌaꞌ us aꞌin reheb lix tenamit li Dios? Riqꞌuin li cꞌaꞌru xaye, nacꞌutun nak cuan a̱ma̱c. ¿Cꞌaꞌut nak incꞌaꞌ nacaqꞌue xlese̱ns re ta̱cha̱lk cuiꞌchic arin laj Absalón la̱ cualal?

1 Reyes 14:7

Ayu ut ye re laj Jeroboam: —Joꞌcaꞌin xye li Ka̱cuaꞌ lix Dioseb laj Israel, “La̱in xinsicꞌoc a̱cuu saꞌ xya̱nkeb li tenamit ut xatinxakab chi takla̱nc saꞌ xbe̱n lin tenamit Israel.

Daniel 4:22

At rey, li cheꞌ li cacuil li kꞌaxal najt xteram ut cau rib, aꞌan la̱at. Quinumta la̱ cuanquil. Chanchan nak xcuulac toj saꞌ choxa. Ut cuan a̱cuanquil saꞌ xbe̱neb chixjunileb li cuanqueb saꞌ ruchichꞌochꞌ.

1 Reyes 20:40

Abanan nak la̱in yo̱quin chi pletic, li cui̱nk quie̱lelic, chan li profeta. Ut li rey quixye re: —La̱at ajcuiꞌ xatyehoc re nak tenebanbil saꞌ a̱be̱n xtojbal rix. Ut joꞌcan ajcuiꞌ ta̱cꞌul joꞌ xaye, chan li rey.

Jeremías 34:6

Ut li profeta Jeremías quixye chixjunil re laj Sedequías lix reyeb laj Judá aran Jerusalén.