2 Samuel 12:5 - Li Santil hu

⁵ Nak quirabi li cꞌaꞌru quixye laj Natán, cꞌajoꞌ nak quijoskꞌoꞌ laj David xban li cꞌaꞌru quixba̱nu li biom. Quixye: —Saꞌ xcꞌabaꞌ li yoꞌyo̱quil Dios, la̱in ninye nak xcꞌulub ca̱mc li cui̱nk aꞌan.

Q'eqchi Bible

⁵ K'ajo' naq kijosq'o'k laj David sa' xb'een li winq a'an, ut kixye re laj Natán: “Sa' xk'ab'a' li yo'yookil Yos ninye aawe naq xk'ulub' kamk li winq li xb'aanunk re a'an.

2 Samuel 12:5 ပူးပေါင်းရင်းမြစ်များ

Romanos 2:1

¿Anihat la̱at nak tatrakok a̱tin saꞌ xbe̱neb la̱ cuas a̱cui̱tzꞌin? Cui nacarak a̱tin saꞌ xbe̱neb la̱ cuas a̱cui̱tzꞌin ut toj yo̱cat ajcuiꞌ chixba̱nunquil li incꞌaꞌ us la̱at joꞌ yo̱queb aꞌan, raylal ajcuiꞌ yo̱cat chixbokbal saꞌ a̱be̱n ut ta̱rakekꞌ a̱tin saꞌ a̱be̱n.

1 Samuel 26:16

Incꞌaꞌ us li xaba̱nu. Saꞌ xcꞌabaꞌ li Dios ninye e̱re nak e̱cꞌulub ca̱mc, la̱at joꞌqueb ajcuiꞌ la̱ soldados xban nak incꞌaꞌ yo̱quex chixcolbal rix li rey li sicꞌbil ru xban li Dios. Qꞌuehomak retal. ¿Bar cuan lix la̱ns li rey ut lix naꞌaj lix haꞌ li cuan saꞌ xjolom li rey? Sicꞌomak ut te̱ril ma te̱tau, chan.

Génesis 38:24

Nak ac xnumeꞌ chic oxib po queꞌxye re laj Judá: —Lix Tamar la̱ cualib yo̱ chi yumbe̱tac xban nak yaj aj ixk chic.— Ut laj Judá quixye reheb: —Ayukex. Te̱risi li ixk aꞌan saꞌ rochoch lix yucuaꞌ ut te̱cꞌat, chan laj Judá reheb.

San Lucas 9:55

Quixsukꞌisi rib li Jesús ut quixkꞌuseb. Quixye reheb: —¿Cꞌaꞌru musikꞌejil cuan e̱riqꞌuin la̱ex nak incꞌaꞌ nequetau ru?

1 Samuel 20:31

¿Ma incꞌaꞌ nacaqꞌue retal nak cui li ralal laj Isaí yoꞌyo̱k, incꞌaꞌ naru tat-oc chokꞌ rey la̱at, chi moco eb la̱ cualal a̱cꞌajol? Joꞌcan nak ayu. Sicꞌ chak ut ta̱cꞌam chak cuiqꞌuin. Aꞌan tento nak ta̱ca̱mk, chan laj Saúl.

1 Samuel 14:39

Saꞌ xcꞌabaꞌ li yoꞌyo̱quil Dios li nacoloc ke la̱o aj Israel, la̱in ninye e̱re nak ta̱camsi̱k li ani cuan xma̱c, usta aꞌan laj Jonatán li cualal, chan laj Saúl. Abanan ma̱ jun saꞌ xya̱nkeb quichakꞌoc.

2 Samuel 12:4

Saꞌ jun li cutan quicuulac jun rulaꞌ li cui̱nk biom. Li cui̱nk aꞌan incꞌaꞌ quiraj xcamsinquil junak reheb lix queto̱mk re tixyi̱b xtibel xcua li rulaꞌ. Joꞌcan nak co̱ ut quixchap lix carner li nebaꞌ ut quixcamsi re tixyi̱b xtzacae̱mk li rulaꞌ, chan laj Natán.

2 Samuel 14:8

Li rey David quixye re: —Ayu saꞌ la̱ cuochoch. Matcꞌoxlac xban nak la̱in tinqꞌue junak chakꞌrab re a̱tenkꞌanquil, chan.