2 Samuel 12:31 - Li Santil hu

³¹ Li joꞌ qꞌuial chic li tenamit li queꞌcana quirisiheb aran ut quixqꞌueheb chi jachoc cheꞌ ut chi picꞌoc chꞌochꞌ, ut chi yocꞌoc cheꞌ riqꞌuin ma̱l. Quixqꞌueheb ajcuiꞌ chixyi̱banquil li xan ut chixcꞌatbaleb saꞌ li horno. Joꞌcan ajcuiꞌ quixba̱nu riqꞌuineb chixjunileb li tenamit li cuanqueb cuiꞌ eb li ralal xcꞌajol laj Amón. Chirix aꞌan, laj David rochbeneb chixjunileb lix soldados queꞌsukꞌi Jerusalén.

Q'eqchi Bible

³¹ ut eb' li poyanam li toj wankeb' aran, kirisiheb' ut kixk'eheb' chi jachok che', chi isink pek, chi yok'ok che' ut chi yiib'ank xan. Jo'kan ajwi' kixb'aanu rik'in chixjunileb' li xtenamiteb' aj Amón. Chirix chik a'an kisutq'iik Jerusalén rochb'een chixjunileb' laj puub'.

2 Samuel 12:31 ပူးပေါင်းရင်းမြစ်များ

1 Crónicas 20:3

Li joꞌ qꞌuial chic li tenamit li queꞌcana quirisiheb aran ut quixqꞌueheb chi jachoc cheꞌ ut chi picꞌoc chꞌochꞌ riqꞌuin chꞌi̱chꞌ ut chi yocꞌoc cheꞌ riqꞌuin ma̱l. Joꞌcan ajcuiꞌ quixba̱nu riqꞌuineb chixjunileb li tenamit li cuanqueb cuiꞌ eb li ralal xcꞌajol laj Amón. Chirix aꞌan laj David rochbeneb chixjunileb lix soldado queꞌsukꞌi Jerusalén.

Amós 1:3

Joꞌcaꞌin quixye li Ka̱cuaꞌ: —Nabal sut ac xincuy xma̱queb laj Damasco. Anakcuan incꞌaꞌ chic tincuyeb xma̱c xban nak numtajenak cuiꞌchic li ma̱usilal li yo̱queb chixba̱nunquil. Queꞌxrahobtesiheb laj Israel li cuanqueb Galaad. Chanchan tenbileb riqꞌuin chꞌi̱chꞌ joꞌ nequeꞌxba̱nu riqꞌuin li trigo nak queꞌxrahobtesiheb laj Israel.

2 Samuel 8:2

Chirix chic aꞌan laj David quinumta saꞌ xbe̱neb laj Moab. Quixtusubeb chi yocyo saꞌ chꞌochꞌ ut quixbiseb riqꞌuin cꞌa̱m. Li caꞌcab tusul quixcamsiheb ut li cuanqueb saꞌ li rox tusul incꞌaꞌ quixcamsiheb. Eb li incꞌaꞌ queꞌcamsi̱c queꞌcana rubel xcuanquil laj David ut queꞌxtoj rix lix naꞌajeb.

Hebreos 11:37

Cuan queꞌcamsi̱c chi pec ut cuan queꞌseteꞌ riqꞌuin jachleb cheꞌ. Queꞌyaleꞌ ra̱lenquil aban incꞌaꞌ queꞌxtzꞌekta̱na li Dios. Ut cuan ajcuiꞌ queꞌcamsi̱c riqꞌuin kꞌesnal chꞌi̱chꞌ. Quilajeꞌxbeni rib yalak bar ut riqꞌuin rix chiba̱t ut rix carner queꞌxyi̱b li rakꞌeb. Nebaꞌeb ut rahobtesinbileb. Kꞌaxal ra queꞌxcꞌul.

1 Crónicas 20:2

Nak laj David quicuulac Rabá, quirisi li corona saꞌ xjolom lix reyeb laj Rabá. Li corona aꞌan yi̱banbil riqꞌuin oro ut qꞌuebil chokꞌ xsahob ru li terto̱quil pec. Oxib arroba na ra̱lal li corona. Ut li corona quiqꞌueheꞌ saꞌ xjolom laj David. Ut toj nabal chic li cꞌaꞌak re ru li quire̱chani laj David saꞌ li tenamit aꞌan.

Jeremías 43:9

—Chap coꞌxibak li ni̱nki pec ut chiruheb laj judío ta̱mukeb saꞌ chꞌochꞌ, li seb ru, li cuan chiru li oqueba̱l re li rochoch laj faraón aran Tafnes.

Josué 10:15

Nak ac xcꞌulman aꞌin, laj Josué rochbeneb lix soldado queꞌsukꞌi cuiꞌchic Gilgal saꞌ lix muheba̱leb.

Amós 1:13

Ut quixye ajcuiꞌ li Ka̱cuaꞌ: —Nabal sut ac xincuy xma̱queb laj Amón. Anakcuan incꞌaꞌ chic tincuyeb xma̱c xban nak numtajenak cuiꞌchic li ma̱usilal yo̱queb chixba̱nunquil. Queꞌpletic riqꞌuineb laj Galaad re xmakꞌbal lix chꞌochꞌeb. Ut nak yo̱queb chi pletic, jachbil queꞌxba̱nu reheb li yaj aj ixk nak queꞌxcamsiheb.

Amós 1:14

Joꞌcan nak tinqꞌue xxamlel li tzꞌac sutsu cuiꞌ li tenamit Rabá ut ta̱cꞌatk li palacio. Teꞌxjap re chi cau nak yo̱keb chi numta̱c saꞌ xbe̱neb li tenamit Rabá. Chanchan nak nachal li ca̱k-sut-ikꞌ nak tintaklaheb li xicꞌ nequeꞌiloc reheb chi pletic riqꞌuineb.