2 Samuel 12:26 - Li Santil hu

²⁶ Laj Joab yo̱ chak chi pletic riqꞌuineb li ralal xcꞌajol laj Amón re ta̱re̱chani li tenamit Rabá, li nacuan cuiꞌ li rey.

Q'eqchi Bible

²⁶ Laj Johab ki'ok wi' chik chi yalok rik'in Rabá, xtenamiteb' laj Amón, ut koxreechani li na'ajej wan wi' li awab'ej.

2 Samuel 12:26 ပူးပေါင်းရင်းမြစ်များ

Deuteronomio 3:11

(Chirix lix camic li rey Og, ma̱ jun chic xcana xcomoneb li ni̱nki cui̱nk. Lix chꞌa̱t laj Og yi̱banbil riqꞌuin chꞌi̱chꞌ. Numenak ca̱hib metro rok ut numenak cuib metro ru. Toj naru rilbal saꞌ li tenamit Rabá, lix tenamiteb li ralal xcꞌajol laj Amón.)

2 Samuel 11:25

Laj David quixye re li takl: —Ye re laj Joab chi joꞌcaꞌin, “Matcꞌoxlac chirix aꞌin xban nak joꞌcaꞌin nacꞌulman saꞌ li ple̱t. Cacuubresi a̱chꞌo̱l. Tatpletik cuiꞌchic riqꞌuin chi cau toj retal te̱re̱chani li tenamit,” chan.

2 Samuel 11:1

Saꞌ li chihab jun chic saꞌ li sakꞌehil nak eb li rey nequeꞌxic chi pletic, laj David quixtaklaheb chi pletic laj Joab rochbeneb li nequeꞌtaklan saꞌ xbe̱neb li soldados joꞌqueb ajcuiꞌ chixjunileb li soldados aj Israel. Queꞌxsach ruheb li ralal xcꞌajol laj Amón. Ut queꞌxsut rix li tenamit Rabá. Abanan laj David quicana aran Jerusalén.

2 Samuel 12:25

Li Ka̱cuaꞌ quixye re li profeta Natán nak tixqꞌue aj Jedidías chokꞌ xcꞌabaꞌ xban nak li cꞌabaꞌej aꞌan naraj naxye “Raro xban li Ka̱cuaꞌ”.

2 Samuel 12:27

Quixtaklaheb lix takl riqꞌuin laj David ut quixye re: —Yo̱quin chi pletic riqꞌuineb li cuanqueb saꞌ li tenamit Rabá ut xcue̱chani li naꞌajej li nequeꞌxcꞌam cuiꞌ lix haꞌeb, chan.

2 Samuel 17:27

Nak quicuulac laj David Mahanaim, laj Sobi, laj Maquir ut laj Barzilai queꞌcuulac riqꞌuin. Laj Sobi, aꞌan li ralal laj Nahas. Rabá xtenamit, li cuan saꞌ xcue̱nteb li ralal xcꞌajol laj Amón. Laj Maquir, aꞌan li ralal laj Amiel. Lodebar xtenamit. Ut laj Barzilai, Rogelim xtenamit, li cuan saꞌ xcue̱nt Galaad.

Ezequiel 25:5

La̱in tinsukꞌisi le̱ naꞌaj Rabá chokꞌ xnaꞌajeb li ni̱nki xul camello. Ut tinsukꞌisi lix naꞌajeb laj Amón chokꞌ xnaꞌajeb li carner. Ut riqꞌuin aꞌan la̱ex te̱qꞌue retal nak la̱in li Ka̱cuaꞌ Dios.

Salmos 60:9

At inDios, ¿Ani ta̱cꞌamok cue saꞌ li tenamit cau rib chi pletic? ¿Ani ta̱cꞌamok cue saꞌ li tenamit Edom?