2 Samuel 12:22 - Li Santil hu

²² Laj David quixye reheb: —Ya̱l nak xin-ayunic ut xinya̱bac nak toj ma̱jiꞌ nacam. Xincꞌoxla nak ma̱re li Ka̱cuaꞌ ta̱ril xtokꞌoba̱l cuu ut tixqꞌuirtesi li cualal.

Q'eqchi Bible

²² Kichaq'ok laj David: “Naq toj yo'yo link'uula'al, xin'ayuunik ut xinyaab'ak, xb'aan naq xinye sa' inch'ool: Chan taxaq naq xruxtaana wu li Qaawa' ut ink'a' taakamq link'uula'al.

2 Samuel 12:22 ပူးပေါင်းရင်းမြစ်များ

Isaías 38:5

—Ayu riqꞌuin laj Ezequías ut ta̱ye re, “Joꞌcaꞌin xye a̱cue li Ka̱cuaꞌ lix Dios laj David, la̱ xeꞌto̱nil yucuaꞌ. La̱in xcuabi la̱ tij ut xinqꞌue retal nak yo̱cat chi ya̱bac. Anakcuan tatinqꞌuirtesi ut tinqꞌue oꞌlaju chihab chic la̱ yuꞌam.

Jonás 1:6

Ut li nataklan saꞌ li jucub co̱ cuan cuiꞌ laj Jonás ut quixye re: —Ut la̱at, ¿cꞌaꞌut nak yo̱cat chi cua̱rc? Cuaclin ut ya̱ba xcꞌabaꞌ la̱ Dios. Ma̱re chan nak aꞌan ta̱ril xtokꞌoba̱l ku ut toxtenkꞌa re nak incꞌaꞌ to-osokꞌ, chan.

Joel 2:14

¿Ani ta biꞌ ta̱naꞌok re cꞌaꞌru tixba̱nu li Dios? Cui te̱yotꞌ e̱chꞌo̱l, ma̱re tixjal xcꞌaꞌux ut incꞌaꞌ chic tixqꞌue li raylal saꞌ e̱be̱n. Ma̱re texrosobtesi ut tixqꞌue cuiꞌchic e̱re le̱ trigo ut le̱ uvas. Ut texmayejak cuiꞌchic chiru li Ka̱cuaꞌ le̱ Dios.

Joel 1:14

Yehomak resil reheb li che̱quel cristian joꞌqueb ajcuiꞌ chixjunileb li tenamit nak teꞌxchꞌutub ribeb saꞌ lix templo li Ka̱cuaꞌ le̱ Dios re nak te̱ba̱nu e̱-ayu̱n. Ut te̱tzꞌa̱ma e̱tenkꞌanquil riqꞌuin li nimajcual Dios.

Amós 5:15

Chetzꞌekta̱na li ma̱usilal ut chera li ti̱quilal. Ut qꞌuehomak e̱chꞌo̱l chi rakoc a̱tin saꞌ xya̱lal. Ma̱re chi joꞌcan li Ka̱cuaꞌ, li nimajcual Dios ta̱ruxta̱na e̱ru la̱ex laj Israel, li joꞌ qꞌuialex chic texcolekꞌ.

2 Samuel 12:21

Ut eb li nequeꞌcꞌanjelac chiru li rey David queꞌxye re: —Incꞌaꞌ nakatau ru cꞌaꞌru yo̱cat. Nak toj ma̱jiꞌ nacam la̱ cualal, yo̱cat chi ayunic ut yo̱cat chi ya̱bac. Anakcuan, nak ac xcam, xatcuacli ut xatcuaꞌac, chanqueb.

2 Reyes 20:3

—La̱in nintzꞌa̱ma cha̱cuu, at Ka̱cuaꞌ Dios, chijulticokꞌ taxak a̱cue nak la̱in xincꞌanjelac cha̱cuu chi anchal inchꞌo̱l ut xinba̱nu li us joꞌ nacuulac cha̱cuu, chan. Ut quiya̱bac chi kꞌaxal ra saꞌ xchꞌo̱l.