2 Samuel 12:16 - Li Santil hu

¹⁶ Ut laj David quixtzꞌa̱ma chiru li Dios nak ta̱qꞌuira̱k li chꞌina al. Quixba̱nu x-ayu̱n. Ut naxnumsi li kꞌojyi̱n chi yocyo saꞌ li chꞌochꞌ.

Q'eqchi Bible

¹⁶ Toja' naq laj David ki'ok chi tz'aamank ut elajink chiru li Qaawa' chirix li k'uula'al. Ki'ayuunik ut rajlal naq na'ok sa' rochoch, naxnumsi li q'oqyink chi yokyo sa' ch'och'.

2 Samuel 12:16 ပူးပေါင်းရင်းမြစ်များ

2 Samuel 13:31

Laj David quicuacli ut quixpej li rakꞌ ut quixcut rib saꞌ chꞌochꞌ xban xrahil xchꞌo̱l. Eb lix mo̱s li cuanqueb rochben queꞌxpej ajcuiꞌ li rakꞌeb.

Hechos 9:9

Aran quicuan chiru oxib cutan. Incꞌaꞌ na-iloc ut incꞌaꞌ quicuaꞌac chi moco qui-ucꞌac.

Jonás 3:9

Cui takaba̱nu aꞌin, ma̱re anchal tixjal xcꞌaꞌux li Dios saꞌ kabe̱n. Ma̱re ta̱numekꞌ xjoskꞌil ut incꞌaꞌ chic tixsach ku, chanqueb.

Isaías 22:12

Saꞌ li cutan aꞌan li Ka̱cuaꞌ li nimajcual Dios quixye e̱re nak texya̱bak ut te̱yotꞌ e̱chꞌo̱l. Te̱qꞌue li kꞌes ru tꞌicr che̱rix ut te̱bes le̱ jolom.

Salmos 69:10

Nak xinba̱nu lin ayu̱n, xineꞌxhob. Ut nak xinya̱bac, xineꞌxseꞌe.

Salmos 50:15

Chine̱ya̱bak nak cua̱nkex saꞌ raylal ut la̱in texincol ut la̱ex te̱qꞌue inlokꞌal, chan li Dios.

Ester 4:16

—Tatxic ut ta̱chꞌutubeb chixjunileb laj judío li cuanqueb Susa. Ye reheb nak teꞌayunik ut teꞌtijok chicuix. Incꞌaꞌ teꞌucꞌak chi moco teꞌcuaꞌak chiru oxib cutan ut oxib kꞌojyi̱n. Ut joꞌcan ajcuiꞌ tinba̱nu la̱in cuochbeneb li ixk li nequeꞌcꞌanjelac chicuu. Chirix aꞌan la̱in tinxic chi a̱tinac riqꞌuin li rey, usta tinkꞌet li chakꞌrab. Ut cui tincamsi̱k, chincamsi̱k, chan lix Ester.

1 Reyes 21:27

Nak laj Acab quirabi li quixye li Dios, quixpej li rakꞌ. Ut quixqꞌue chirix li kꞌes ru tꞌicr ut quixba̱nu lix ayu̱n. Quicuar chirix li kꞌes ru tꞌicr ut kꞌaxal ra saꞌ xchꞌo̱l.

2 Samuel 12:22

Laj David quixye reheb: —Ya̱l nak xin-ayunic ut xinya̱bac nak toj ma̱jiꞌ nacam. Xincꞌoxla nak ma̱re li Ka̱cuaꞌ ta̱ril xtokꞌoba̱l cuu ut tixqꞌuirtesi li cualal.

Isaías 26:16

At Ka̱cuaꞌ, la̱at coa̱qꞌue chixtojbal li kama̱c ut cotijoc cha̱cuu. Nak yo̱co chixcꞌulbal li raylal, xkatzꞌa̱ma katenkꞌanquil a̱cue.

2 Samuel 12:15

Laj Natán co̱ saꞌ rochoch nak quirakeꞌ chixyebal li a̱tin aꞌin. Ut li Dios quixtakla jun nimla yajel saꞌ xbe̱n lix cꞌulaꞌal laj David, li quicuan riqꞌuin li rixakil laj Urías.

Nehemías 1:4

Nak quicuabi resil cꞌaꞌru yo̱queb chixcꞌulbal, cꞌajoꞌ nak quirahoꞌ inchꞌo̱l. Quinchunub cuib ut quin-oc chi ya̱bac. Quintijoc chiru lin Dios cuan saꞌ choxa ut quinba̱nu in-ayu̱n cuib oxib cutan.

Daniel 6:18

Tojoꞌnak li rey co̱ saꞌ li palacio ut quixyocob rib saꞌ xchꞌa̱t chi incꞌaꞌ quicuaꞌac, chi moco quichꞌeꞌeꞌ li cuajb re xqꞌuebal xsahil xchꞌo̱l. Ut incꞌaꞌ quicuar li rey xban xcꞌaꞌux.

Josué 7:6

Laj Josué ut eb li nequeꞌcꞌamoc be saꞌ xya̱nkeb laj Israel queꞌxkꞌich li rakꞌeb ut queꞌxcut rib saꞌ chꞌochꞌ chiru li Lokꞌlaj Ca̱x xban xrahil xchꞌo̱leb ut queꞌxqꞌue poks saꞌ xjolomeb ut queꞌcana aran toj qui-ecuu.

Daniel 9:3

Ut chi anchal inchꞌo̱l quintijoc chiru li Ka̱cuaꞌ ut quintzꞌa̱man chiru. Quinba̱nu lin ayu̱n ut quicuocsi li kꞌes ru tꞌicr ut quinqꞌue li cha chicuix.