2 Samuel 12:13 - Li Santil hu

¹³ Ut laj David quixye: —Ya̱l nak la̱in xinma̱cob chiru li Ka̱cuaꞌ, chan. Laj Natán quixye re: —Li Ka̱cuaꞌ quixcuy la̱ ma̱c. Incꞌaꞌ tatca̱mk la̱at.

Q'eqchi Bible

¹³ Kichaq'ok laj David ut kixye: “Xinmaakob'k chiru li Qaawa'”. Ut laj Natán kixye re: “Li Qaawa' ak xkuy aamaak; ink'a' tatkamq.

2 Samuel 12:13 ပူးပေါင်းရင်းမြစ်များ

Proverbios 28:13

Li ani naxmuk lix ma̱c, incꞌaꞌ us ta̱e̱lk. Abanan li ani tixpatzꞌ xcuybal xma̱c ut tixcanab xba̱nunquil li ma̱usilal, ta̱uxta̱na̱k ru.

Salmos 51:4

Xinma̱cob cha̱cuu. Caꞌaj cuiꞌ cha̱cuu la̱at xinma̱cob ut xinba̱nu li incꞌaꞌ nacuulac cha̱cuu. La̱at xatrakoc a̱tin saꞌ inbe̱n saꞌ ti̱quilal ut ma̱ ani ta̱yehok re nak incꞌaꞌ us li nacaba̱nu.

2 Samuel 24:10

Nak ac queꞌajla̱c chixjunileb laj Israel, quiyotꞌeꞌ xchꞌo̱l laj David. Quitijoc ut quixye re li Dios: —At Ka̱cuaꞌ, nimla ma̱c li xinba̱nu la̱in. Nintzꞌa̱ma cha̱cuu nak ta̱cuy ta̱sach taxak lin ma̱c. Xma̱cꞌaꞌil innaꞌleb xinba̱nu cuiꞌ, chan.

Zacarías 3:4

Ut li ángel quia̱tinac riqꞌuineb li yo̱queb chi tenkꞌa̱nc re ut quixye reheb: —Isihomak li rakꞌ li tzꞌaj ru.— Ut quixye re laj Josué: —Anakcuan xcuisi la̱ cuakꞌ li tzꞌaj ru ut xinqꞌue li cha̱bil tꞌicr cha̱cuix. Aꞌan retalil nak cuybil sachbil chic la̱ ma̱c.—

San Lucas 15:21

Ut li ralal quixye re: —At inyucuaꞌ, xinma̱cob chiru li Dios joꞌ ajcuiꞌ cha̱cuu la̱at. Ma̱cuaꞌ chic incꞌulub nak tincꞌabaꞌin a̱cualal, chan re lix yucuaꞌ.

1 Samuel 15:30

Laj Saúl quixye re: —La̱in xinma̱cob. Abanan nintzꞌa̱ma cha̱cuu nak ta̱qꞌue inlokꞌal chiruheb li nequeꞌcꞌamoc be chiruheb lin tenamit Israel ut chiruheb ajcuiꞌ chixjunileb li tenamit. Tatsukꞌi̱k cuochben re nak tinlokꞌoni li Ka̱cuaꞌ la̱ Dios, chan.

Levítico 20:10

Cui junak cui̱nk naxchꞌic rib riqꞌuin li rixakil li ras ri̱tzꞌin, li cui̱nk ut li ixk teꞌcamsi̱k xban nak queꞌxmux ru lix sumlajiqueb.

Apocalipsis 1:5

Aꞌ taxak li usilal ut li tuktu̱quilal chicua̱nk e̱riqꞌuin li naxqꞌue li Jesucristo li ti̱c xchꞌo̱l chixyebal li ya̱l. Li Jesucristo aꞌan li xbe̱n li quicuacli chi yoꞌyo saꞌ xya̱nkeb li camenak. Aꞌan li kꞌaxal nim xcuanquil saꞌ xbe̱neb chixjunileb li cuanqueb xcuanquil saꞌ ruchichꞌochꞌ. Aꞌan quirahoc ke ut aꞌan qui-isin re li kama̱c nak quihoyeꞌ lix quiqꞌuel nak quicam saꞌ kacꞌabaꞌ.

Hebreos 9:26

Cui ta quixmayeja rib nabal sut, nabal sut raj quicam chalen saꞌ xticlajic li ruchichꞌochꞌ. Aban incꞌaꞌ quixba̱nu chi joꞌcan. Li Jesucristo quicꞌulun re xrakbal li xbe̱n contrato ut jun sut ajcuiꞌ quixmayeja rib. Ut riqꞌuin aꞌan cuan xcuybal li ma̱c.

1 Juan 1:7

Ut cui nakaba̱nu li cꞌaꞌru naraj li Dios, joꞌ naxcꞌutbesi chiku li Cristo, cuanco chic chi sum a̱tin chi kibil kib. Ut lix quiqꞌuel li Jesucristo li Ralal li Dios naxchꞌajobresi li ka̱m ut narisi chixjunil li kama̱c.

Hechos 2:37

Nak queꞌrabi aꞌan li chꞌutchꞌu̱queb aran, queꞌyotꞌeꞌ xchꞌo̱leb ut queꞌxye re laj Pedro joꞌ ajcuiꞌ reheb li apóstol li jun chꞌol chic: —Ex kas ki̱tzꞌin, ¿cꞌaꞌru takaba̱nu? chanqueb.

San Mateo 14:10

Quixtakla xchꞌotbal xcux laj Juan aran saꞌ tzꞌalam.

Lamentaciones 3:32

Usta naxqꞌue xrahil kachꞌo̱l, abanan naruxta̱na ku xban nak kꞌaxal nim li ruxta̱n saꞌ kabe̱n.

Isaías 44:22

La̱in xinsachoc re le̱ ma̱c joꞌ nak nasach li chok. Sukꞌinkex cuiqꞌuin xban nak la̱in xincoloc e̱re.

Isaías 43:24

Ut la̱ex incꞌaꞌ xelokꞌ li incienso re te̱cꞌat chicuu, chi moco xecꞌat lix xe̱bul le̱ xul. Xexma̱cob ban chicuu toj retal xintitzꞌ xban le̱ ma̱usilal.

Isaías 38:17

Lix rahil inchꞌo̱l xasukꞌisi chokꞌ sahil chꞌo̱lej chokꞌ cue. Xban nak xcuulac cha̱cuu, joꞌcan nak xina̱col chiru li ca̱mc. Ut xacuy xasach lin ma̱c.

Proverbios 25:12

Kꞌaxal lokꞌ li ani narabi lix kꞌusbal. Chanchan li matkꞌab ut li kꞌol yi̱banbil riqꞌuin cha̱bil oro.

Salmos 51:16

Cui ta cꞌatbil mayej nacacuaj, tinqꞌue raj a̱cue. Abanan la̱at incꞌaꞌ nacacuaj li cꞌatbil mayej.

Li xHu LAJ JOB 33:27

Tixye, “La̱in xinma̱cob. La̱in xinba̱nu li incꞌaꞌ us. Abanan li Dios incꞌaꞌ xinixqꞌue chixtojbal lin ma̱c joꞌ incꞌulub.

2 Crónicas 25:16

Toj yo̱ ajcuiꞌ chi a̱tinac nak li rey quixye re: —¿Ani xxakaban a̱cue chi qꞌuehoc innaꞌleb? Cui incꞌaꞌ ta̱canab a̱tinac, la̱in tintakla a̱camsinquil, chan. Ut li profeta quixcanab xqꞌuebal xnaꞌleb ut quixye re: —La̱in ninnau nak li Dios tixsach a̱cuu xban nak xaba̱nu li incꞌaꞌ us aꞌin ut incꞌaꞌ xacꞌul li naꞌleb li xinqꞌue raj a̱cue, chan.

2 Crónicas 16:10

Cꞌajoꞌ nak quijoskꞌoꞌ li rey Asa. Quixtakla xqꞌuebal saꞌ tzꞌalam li profeta Hanani. Ut cuan li quixrahobtesiheb saꞌ xya̱nkeb li tenamit.

2 Reyes 1:9

Tojoꞌnak li rey quixtakla jun li nataklan saꞌ xbe̱neb lix soldado rochbeneb laje̱b roxcꞌa̱l chi soldado re teꞌxic chixcꞌambal chak laj Elías. Li nataklan saꞌ xbe̱neb li soldado quixtau laj Elías chunchu saꞌ xbe̱n bol. Li cui̱nk quixye re: —At xprofeta li Dios, li rey xtakla xyebal a̱cue nak tatcubek saꞌ li tzu̱l aꞌin ut tatxic riqꞌuin, chan.

1 Reyes 22:8

Ut lix reyeb laj Israel quixye re laj Josafat: —Cuan jun chic naru naxye ke cꞌaꞌru naraj li Dios. Li jun aꞌan, aꞌan laj Micaías, li ralal laj Imla. Abanan xicꞌ nacuil xban nak ma̱ jun sut naxye cue cha̱bil esilal. Junes incꞌaꞌ us naxye cue, chan. Abanan laj Josafat quixye re: —At rey, ma̱ye chi joꞌcan, chan.

1 Reyes 21:20

Nak laj Elías quicuulac aran, laj Acab quixye re: —At Elías, la̱at li xicꞌ nacat-iloc cue. Xina̱tau chixba̱nunquil li incꞌaꞌ us, chan. Ut laj Elías quixye re: —Ya̱l. Xatintau chixba̱nunquil li incꞌaꞌ us xban nak la̱at cꞌaynakat chixba̱nunquil li ma̱usilal chiru li Ka̱cuaꞌ.

1 Reyes 13:4

Nak li rey quirabi li cꞌaꞌru quixye lix profeta li Dios chirix li artal li cuan Bet-el, quichal xjoskꞌil. Quixcꞌut li profeta riqꞌuin li rukꞌ ut quixye: —¡Chapomak li cui̱nk aꞌan! chan. Ut li rukꞌ quicana chi telto. Incꞌaꞌ chic quiru quirecꞌasi saꞌ xnaꞌaj.

1 Samuel 15:20

Laj Saúl quixye: —La̱in xinba̱nu li xye cue li Ka̱cuaꞌ. Xinba̱nu lin taklanquil xqꞌue cue. Xinchap ut xincꞌam laj Agag lix reyeb laj Amalec ut xkasacheb ruheb chixjunileb laj Amalec.

Levítico 24:17

Li ani tixcamsi ras ri̱tzꞌin tento ta̱camsi̱k.

San Lucas 18:13

Abanan laj titzꞌol toj najt quixqꞌue chak rib ut quixxulub lix jolom. Yo̱ chixtenbal li re xchꞌo̱l chi rukꞌ xban xrahil xchꞌo̱l ut quixye: “At inDios, la̱in aj ma̱c. Chacuuxta̱na taxak cuu,” chan.

Génesis 39:9

Ma̱ ani chic nim xcuanquil chicuu la̱in saꞌ li cab aꞌin. Chixjunil li cꞌaꞌru cuan re xkꞌaxtesi saꞌ cuukꞌ. Caꞌaj cuiꞌ la̱at incꞌaꞌ xatxkꞌaxtesi saꞌ cuukꞌ xban nak la̱at li rixakil. ¿Chanru nak tin-oc chixchꞌicbal cuib a̱cuiqꞌuin? Ma̱ jokꞌe tinba̱nu chi joꞌcan. Aꞌan nimla ma̱c chiru li Ka̱cuaꞌ Dios, chan laj José.

1 Crónicas 21:8

Laj David quitijoc ut quixye re li Dios: —At Ka̱cuaꞌ, nimla ma̱c li xinba̱nu. Nintzꞌa̱ma cha̱cuu nak ta̱cuy ta̱sach taxak lin ma̱c. Xma̱cꞌaꞌil innaꞌleb xinba̱nu cuiꞌ, chan.

Salmos 103:12

Quirisi li kama̱c. Chanchan nak quixtzꞌek chak chi najt. Joꞌ xnajtil li na-el cuiꞌ chak li sakꞌe riqꞌuin li na-oc cuiꞌ, chanchan joꞌcan xnajtil li quixtzꞌek cuiꞌ li kama̱c.

Éxodo 9:27

Tojoꞌnak laj faraón quixtakla xbokbaleb laj Moisés ut laj Aarón. Quixye reheb: —Anakcuan xinnau nak xinma̱cob. Moco li Ka̱cuaꞌ Dios ta cuan re. La̱in cuan cue ut joꞌ ajcuiꞌ lin tenamit cuanqueb re.

2 Samuel 24:17

Laj David quiril li ángel li yo̱ chi camsi̱nc reheb li cristian ut quixye re li Dios: —At Ka̱cuaꞌ, la̱in xinba̱nun re li ma̱usilal aꞌin. La̱in cuan inma̱c. Eb li cristian aꞌin ma̱cꞌaꞌeb xma̱c. Chanchaneb li carner. Nintzꞌa̱ma cha̱cuu nak ta̱qꞌue li raylal saꞌ inbe̱n la̱in ut saꞌ xbe̱neb li cualal incꞌajol, chan.

Salmos 51:6

La̱at nacuulac cha̱cuu li ti̱quil chꞌo̱lej ut nacacutanobresi lin cꞌaꞌux.