2 Samuel 11:27 - Li Santil hu

²⁷ Nak quinumeꞌ lix rahil xchꞌo̱l, laj David quixtakla xcꞌambal lix Betsabé saꞌ rochoch. Ut lix Betsabé quicana chokꞌ rixakil laj David. Quiyoꞌla jun lix cꞌulaꞌal chꞌina te̱lom. Abanan incꞌaꞌ quicuulac chiru li Ka̱cuaꞌ li cꞌaꞌru quixba̱nu laj David.

Q'eqchi Bible

²⁷ Ab'anan naq kinume'k xq'ehil li rahil ch'oolej, laj David kixtaqla xk'amb'al ut kixk'ul sa' rochoch; kisumlaak ut kiwank ralal rik'in. Ab'anan li k'aru kixb'aanu laj David ink'a' kiwulak chiru li Qaawa'.

2 Samuel 11:27 ပူးပေါင်းရင်းမြစ်များ

2 Samuel 12:9

¿Cꞌaꞌut nak xatzꞌekta̱na li chakꞌrab li xinqꞌue a̱cue? ¿Cꞌaꞌut nak xaba̱nu li ma̱usilal aꞌin? Xatakla laj Urías laj heteo chi camsi̱c. ¿Cꞌaꞌut nak xaqꞌue chi camsi̱c xbaneb laj Amón ut xacꞌam chokꞌ a̱cue li rixakil?

Hebreos 13:4

Us li sumla̱c aban tento che-oxlokꞌi le̱ sumlajic. Ma̱cꞌaꞌ cꞌaꞌru chebalakꞌi cuiꞌ e̱rib. Li Dios ta̱rakok a̱tin saꞌ xbe̱neb li nequeꞌxmux ru lix sumlajiqueb, joꞌ ajcuiꞌ saꞌ xbe̱neb laj coꞌbe̱t laj yumbe̱t.

1 Crónicas 21:7

Ut incꞌaꞌ ajcuiꞌ quicuulac chiru li Dios nak laj David quixtakla rajlanquileb laj Israel. Joꞌcan nak quixtakla raylal saꞌ xbe̱neb.

Deuteronomio 22:29

li cui̱nk li quicuan riqꞌuin li xkaꞌal tento nak tixtoj laje̱b roxcꞌa̱l (50) chi tumin plata re lix yucuaꞌ li xkaꞌal. Ut tento ajcuiꞌ nak li cui̱nk ta̱sumla̱k riqꞌuin li xkaꞌal xban nak quixmux ru. Ut incꞌaꞌ ta̱ru̱k tixjach rib riqꞌuin joꞌ najtil yoꞌyo̱k li cui̱nk.

Génesis 38:10

Xban nak incꞌaꞌ quicuulac chiru li Dios li cꞌaꞌru quixba̱nu laj Onán, li Dios quixrak ajcuiꞌ lix yuꞌam aꞌan.

Salmos 5:6

La̱at tatsachok reheb li nequeꞌticꞌtiꞌic, ut xicꞌ nacacuil li ani naxcamsi ras ri̱tzꞌin joꞌ ajcuiꞌ eb laj balakꞌ.

San Mateo 1:6

Ut laj Isaí, aꞌan xyucuaꞌ li rey David. Ut li rey David, aꞌan lix yucuaꞌ laj Salomón riqꞌuin li ixk li quicuan chokꞌ rixakil laj Urías.

2 Samuel 15:26

Abanan cui incꞌaꞌ sa saꞌ xchꞌo̱l cuiqꞌuin, chixba̱nuhak cuiqꞌuin joꞌ naraj aꞌan, chan.

1 Reyes 21:16

Nak laj Acab quirabi resil nak xcam laj Nabot, co̱ chixchapbal lix naꞌaj lix uvas re tixcꞌam chokꞌ re.

1 Reyes 21:20

Nak laj Elías quicuulac aran, laj Acab quixye re: —At Elías, la̱at li xicꞌ nacat-iloc cue. Xina̱tau chixba̱nunquil li incꞌaꞌ us, chan. Ut laj Elías quixye re: —Ya̱l. Xatintau chixba̱nunquil li incꞌaꞌ us xban nak la̱at cꞌaynakat chixba̱nunquil li ma̱usilal chiru li Ka̱cuaꞌ.

Proverbios 6:29

Joꞌcan ajcuiꞌ li cui̱nk li tixchꞌic rib riqꞌuin rixakil li ras ri̱tzꞌin. Ac chꞌolchꞌo nak tixtoj xma̱c.

Isaías 29:15

Raylal ta̱cha̱lk saꞌ xbe̱neb li nequeꞌxcꞌoxla xba̱nunquil chi mukmu chiru li Ka̱cuaꞌ li cꞌaꞌru nequeꞌxcꞌu̱b ru xba̱nunquil. Nequeꞌxcꞌoxla nak ma̱ ani na-iloc reheb. Saꞌ xchꞌo̱leb aꞌan nak ma̱ ani nanaꞌoc re li cꞌaꞌru nequeꞌxba̱nu.

Lamentaciones 3:36

Li Ka̱cuaꞌ incꞌaꞌ nacuulac chiru nak incꞌaꞌ narakeꞌ a̱tin saꞌ ti̱quilal.