2 Samuel 11:26 - Li Santil hu

²⁶ Nak lix Betsabé quirabi resil nak quicamsi̱c lix be̱lom saꞌ li ple̱t, quirahoꞌ saꞌ xchꞌo̱l ut quiya̱bac chirix.

Q'eqchi Bible

²⁶ Naq li rixaqil laj Urías kirab'i resil li xkamik li xb'eelom, kiraho'k sa' xch'ool ut kiyaab'ak chirix.

2 Samuel 11:26 ပူးပေါင်းရင်းမြစ်များ

2 Samuel 14:2

Quixtakla xcꞌambal jun li ixk cuan aran Tecoa. Li ixk aꞌan cuan xnaꞌleb chixba̱nunquil cꞌaꞌak re ru chi naꞌlebil. Nak li ixk quicuulac riqꞌuin, quixye re: —Ba̱nu a̱cuib joꞌ nak ra saꞌ a̱chꞌo̱l chirix xcamic jun la̱ cuechꞌalal. Qꞌue cha̱cuix li tꞌicr li naxcꞌut nak ra saꞌ a̱chꞌo̱l. Ma̱qꞌue li sununquil ban. Ba̱nu chi joꞌcan re nak ta̱cꞌutu̱nk nak ac junxil na-oc xrahil a̱chꞌo̱l.

2 Samuel 3:31

Laj David quixye reheb laj Joab ut eb li cuanqueb rochben nak tento nak teꞌxpej li rakꞌ ut teꞌxqꞌue li rakꞌ li kꞌes ru chirixeb ut chirahokꞌ xchꞌo̱leb xban xcamic laj Abner. Nak yo̱queb chi xic re teꞌxmuk li camenak, li rey David yo̱ chi xic chirix li camenak.

Génesis 27:41

Cꞌajoꞌ nak quijoskꞌoꞌ laj Esaú saꞌ xbe̱n laj Jacob xban nak qui-osobtesi̱c xban lix yucuaꞌ. Quixye saꞌ xchꞌo̱l: —Chi se̱b nacuulac xkꞌehil nak ta̱ca̱mk lin yucuaꞌ. Chirix aꞌan tincamsi li cui̱tzꞌin, chan laj Esaú.

Génesis 50:10

Queꞌcuulac jun pacꞌal li nimaꞌ Jordán saꞌ li naꞌajej li nequeꞌtenoc cuiꞌ trigo. Laj e̱chal re li naꞌajej aꞌan, aꞌan aj Atad xcꞌabaꞌ. Ut aran laj José queꞌxyoꞌle cuiꞌchic cuukub cutan lix yucuaꞌ camenak. Ut nequeꞌhuyhut chi ya̱bac xban xrahileb xchꞌo̱l.

Deuteronomio 34:8

Laje̱b xcaꞌcꞌa̱l cutan queꞌrahoꞌ saꞌ xchꞌo̱leb laj Israel ut queꞌxya̱ba lix camic laj Moisés saꞌ li naꞌajej Moab. Joꞌcaꞌin nak queꞌxnumsiheb li cutan re rahil chꞌo̱lejil ut ya̱bac xban lix camic.

1 Samuel 31:13

Queꞌxxoc lix bakel ut queꞌxmuk aran Jabes rubel jun li nimla cheꞌ. Ut queꞌayunic chiru cuukub cutan.

2 Samuel 11:25

Laj David quixye re li takl: —Ye re laj Joab chi joꞌcaꞌin, “Matcꞌoxlac chirix aꞌin xban nak joꞌcaꞌin nacꞌulman saꞌ li ple̱t. Cacuubresi a̱chꞌo̱l. Tatpletik cuiꞌchic riqꞌuin chi cau toj retal te̱re̱chani li tenamit,” chan.

1 Reyes 21:16

Nak laj Acab quirabi resil nak xcam laj Nabot, co̱ chixchapbal lix naꞌaj lix uvas re tixcꞌam chokꞌ re.