2 Samuel 11:2 - Li Santil hu

² Saꞌ jun li ecuu nak quicuacli chak laj David saꞌ lix chꞌa̱t, co̱ saꞌ xbe̱n li rochoch. Nak yo̱ chi be̱c aran, quiril jun li ixk yo̱ chi ati̱nc. Cꞌajoꞌ xchꞌinaꞌusal li ixk aꞌan.

Q'eqchi Bible

² Sa' jun ewu naq kiwakliik chaq laj David sa' xwarib'aal ut yo chi b'eek sa' li xtaqeq'il li rochoch, toj aran taqe'q kiril chaq jun li ixq yo chi atink. K'ajo' xch'ina'usal li ixq a'an.

2 Samuel 11:2 ပူးပေါင်းရင်းမြစ်များ

San Mateo 5:28

Ut la̱in tinye e̱re nak yalak ani tixcaꞌya junak ixk re xrahinquil ru, ac xmux ru lix sumlajic xban xrahinquil ru.

Salmos 119:37

China̱tenkꞌa re nak incꞌaꞌ tincꞌoxlak chirix li ma̱cꞌaꞌ na-oc cuiꞌ. Chajal taxak lin cꞌaꞌux re nak tincua̱nk joꞌ nacacuaj la̱at.

1 Juan 2:16

Chixjunil li ma̱usilal cuan saꞌ ruchichꞌochꞌ moco riqꞌuin ta li Dios nachal. Li ma̱c li naxrahi ru li tzꞌejcualej ut li xrahinquil ru li cꞌaꞌak re ru nakil riqꞌuin xnakꞌ ku moco riqꞌuin ta li Dios nachal. Joꞌcan ajcuiꞌ li kꞌetkꞌetil. Chixjunil aꞌin moco riqꞌuin ta li Dios nachal; xnaꞌleb ban li ruchichꞌochꞌ.

Hechos 10:9

Cuulajak chic ac cuulaqueb na re saꞌ li tenamit Jope nak laj Pedro quitakeꞌ saꞌ xcaꞌ tasal li cab chi tijoc. Caꞌchꞌin na chic ma̱ cuaꞌleb.

Proverbios 6:25

Me̱ra ruheb li ixk aꞌan yal xban lix chꞌinaꞌusaleb. Ut me̱qꞌue e̱rib chixbalakꞌiheb yal xban li riloba̱leb.

Li xHu LAJ JOB 31:1

Laj Job quixye cuiꞌchic reheb li cui̱nk: —La̱in xinba̱nu li juramento nak incꞌaꞌ tinra ruheb li tukꞌ ixk.

1 Pedro 4:7

Li rosoꞌjic li ruchichꞌochꞌ ta̱se̱ba̱nk chak. Joꞌcan nak aj-ajak e̱ru, ut cheqꞌuehak e̱chꞌo̱l chi tijoc.

Proverbios 31:30

Eb li ixk li nequeꞌa̱tinac saꞌ kꞌunil a̱tin naru nequeꞌbalakꞌi̱nc ut lix chꞌinaꞌusaleb na-osoꞌ. Abanan li ixk li naxxucua ru li Dios xcꞌulub nak ta̱qꞌuehekꞌ xlokꞌal.

Deuteronomio 22:8

Nak te̱yi̱b le̱ rochoch, tento nak te̱qꞌue xramleb nak te̱yi̱b re nak incꞌaꞌ ta̱cana̱k saꞌ e̱be̱n li chꞌaꞌajquilal cui junak ta̱tꞌanekꞌ aran ut nacam.

Génesis 3:6

Ut li ixk quiril nak li ru li cheꞌ sa xloubal. Chꞌinaꞌus na-iloc ru li cheꞌ. Ut quixra ru xloubal re nak cua̱nk chic xnaꞌleb. Quixsicꞌ ru li cheꞌ. Quixlou ut quixqꞌue ajcuiꞌ re lix be̱lom. Ut chi xcabichaleb queꞌxlou ru li cheꞌ.

San Mateo 10:27

Li cꞌaꞌru xexintzol cuiꞌ e̱junes, aꞌan te̱ye chiruheb chixjunileb, ut li cꞌaꞌru xinye e̱re e̱junes, aꞌan te̱ye chi cau xya̱b e̱cux chiruheb chixjunileb li tenamit.

Jeremías 19:13

Joꞌcan ajcuiꞌ li rochocheb laj Jerusalén ut eb li rochoch lix reyeb laj Judá muxbil chic ruheb. Chanchaneb li naꞌajej Tofet xban nak queꞌxcꞌat lix pomeb ut queꞌxmayeja li vino chiruheb li chahim ut chiruheb ajcuiꞌ li yi̱banbil dios,” chan li Dios re laj Jeremías.

Proverbios 19:15

Li ani incꞌaꞌ nacuulac chiru trabajic, junes cua̱rc naraj. Ut li ani incꞌaꞌ nacꞌanjelac, naxcuy xtzꞌocajic xban nak ma̱cꞌaꞌ xcua.

2 Samuel 4:7

Nak queꞌoc saꞌ li cab, laj Is-boset yo̱ chi cua̱rc saꞌ xcuarib. Queꞌoc saꞌ li naꞌajej li yo̱ cuiꞌ chi cua̱rc ut queꞌxcamsi. Queꞌxset lix cux ut queꞌxcꞌam lix jolom chirixeb nak co̱eb. Queꞌbe̱c chixjunil li kꞌojyi̱n saꞌ li be li naxic Arabá.

Génesis 34:2

Laj Hamor, aj heveo, aꞌan li acuabej re li tenamit aꞌan. Li ralal laj Hamor, aꞌan laj Siquem. Nak laj Siquem quiril lix Dina, quixchap ut quixpuersi ru re nak ta̱cua̱nk riqꞌuin.

Génesis 6:2

Li ralal xcꞌajol li Dios queꞌril nak chꞌinaꞌus nequeꞌiloc eb li ixk aꞌin ut queꞌxcꞌameb chokꞌ rixakileb.

2 Samuel 4:5

Laj Recab ut laj Baana, li cuib chi ralal laj Rimón, Beerot xtenamit, queꞌco̱eb saꞌ rochoch laj Is-boset. Queꞌcuulac saꞌ li ho̱nal nak kꞌaxal tik li sakꞌe nak laj Is-boset yo̱ chi hila̱nc.

1 Samuel 9:25

Chirix aꞌan, queꞌcube chak saꞌ li tzu̱l ut queꞌco̱eb saꞌ xbe̱n li rochoch. Aran quia̱tinac laj Samuel riqꞌuin.

Génesis 39:6

Laj Potifar incꞌaꞌ nacꞌoxlac chirix li cꞌaꞌru re xban nak laj José naril chi us chixjunil. Caꞌaj chic lix tzacae̱mk naxcꞌoxla. Laj José cꞌajoꞌ xchakꞌal ru ut chꞌinaꞌus na-iloc.

San Mateo 24:17

Li ani cua̱nk chak saꞌ xbe̱n li rochoch nak ta̱cꞌulma̱nk aꞌan, chi cubec chak ut ti̱c ta̱e̱lelik ut incꞌaꞌ chic ta̱oc saꞌ rochoch chirisinquil li cꞌaꞌru cuan re.

Génesis 12:11

Ut nak yo̱ chi nachꞌoc riqꞌuin li tenamit Egipto, laj Abram quixye re li rixakil: —At Sarai, ninnau nak la̱at kꞌaxal chꞌinaꞌusat.

Deuteronomio 5:21

Me̱ra ru rixakil le̱ ras e̱ri̱tzꞌin, chi moco li rochoch, chi moco lix chꞌochꞌ, chi moco lix mo̱s cui̱nk, chi moco lix mo̱s ixk. Me̱ra ru lix bo̱yx chi moco lix bu̱r. Ma̱cꞌaꞌ cꞌaꞌak chic re ru, re le̱ ras e̱ri̱tzꞌin te̱ra ru”, chan li Ka̱cuaꞌ.

2 Samuel 13:1

Laj Absalón, li ralal laj David, quicuan jun li ranab, xTamar xcꞌabaꞌ. Cꞌajoꞌ xchꞌinaꞌusal li xkaꞌal aꞌan. Laj Amnón, aꞌan jun chic li ralal laj David. Laj Amnón co̱ xchꞌo̱l chirix lix Tamar.

2 Samuel 14:27

Queꞌcuan oxib li ralal laj Absalón ut jun lix rabin kꞌaxal chꞌinaꞌus, xTamar xcꞌabaꞌ.

Proverbios 7:8

Nak quicuulac saꞌ xa̱la li be, co̱ saꞌ li be li naxic cuan cuiꞌ li rochoch jun li ixk incꞌaꞌ us xnaꞌleb.