2 Samuel 11:16 - Li Santil hu

¹⁶ Joꞌcan nak laj Joab nak queꞌxsut rix li tenamit quixqꞌue chi ubej laj Urías bar cuanqueb cuiꞌ li soldados li cauheb rib chi pletic.

Q'eqchi Bible

¹⁶ Jo'kan naq laj Johab naq ke'xsut li tenamit, kixk'e laj Urías sa' li na'ajej b'arwi' naxnaw wankeb' li jwal kaweb' rib' chi yalok.

2 Samuel 11:16 ပူးပေါင်းရင်းမြစ်များ

Hechos 5:29

Laj Pedro, joꞌqueb ajcuiꞌ li rech apostolil, queꞌchakꞌoc ut queꞌxye: —¿Ma takakꞌet li cꞌaꞌru naxye li Dios ut takapa̱b li cꞌaꞌru nequeꞌxye li cui̱nk? Incꞌaꞌ. Tento takapa̱b li cꞌaꞌru naxye li Dios.

Oseas 5:11

Eb li ralal xcꞌajol laj Efraín nequeꞌrahobtesi̱c xban nak nequeꞌxtzꞌekta̱na li ti̱quilal ut nequeꞌxqꞌue xchꞌo̱l chixlokꞌoninquileb li yi̱banbil dios.

Proverbios 29:12

Cui junak acuabej naxqꞌue xcuanquil li ticꞌtiꞌ, li jun aꞌan naxpoꞌ xnaꞌlebeb li ani nequeꞌtenkꞌan re.

2 Reyes 10:6

Laj Jehú quitzꞌi̱ba cuiꞌchic xcaꞌ sut riqꞌuineb ut quixye chi joꞌcaꞌin saꞌ lix hu: —Cui ya̱l nak tex-oque̱nk chicuix ut te̱ba̱nu li cꞌaꞌru ninye e̱re, te̱cꞌameb chak cuiqꞌuin lix jolomeb li ralal li rey Acab. Joꞌcaꞌin ho̱nal cuulaj cua̱nkex arin Jezreel, chan. Li laje̱b xca̱cꞌa̱l chi ralal laj Acab cuanqueb rochbeneb li nequeꞌcꞌamoc be aran Samaria xban nak aꞌaneb li queꞌqꞌuiresin reheb.

1 Reyes 2:5

La̱at nacanau cꞌaꞌru quixba̱nu cue laj Joab lix yum lix Sarvia. Nacanau nak quixcamsiheb li cuib li queꞌtaklan saꞌ xbe̱neb li soldados aj Israel. Quixcamsi laj Abner li ralal laj Ner ut quixcamsi ajcuiꞌ laj Amasa li ralal laj Jeter. Incꞌaꞌ yo̱ li ple̱t nak quixcamsiheb re xqꞌuebal re̱kaj li camsi̱nc queꞌxba̱nu nak yo̱ li ple̱t. Ut riqꞌuin li camsi̱nc li quixba̱nu, quixqꞌue saꞌ inbe̱n la̱in li ma̱c, usta aꞌan raj li cuan xma̱c.

2 Samuel 11:21

¿Ma incꞌaꞌ jultic e̱re chanru nak quicamsi̱c laj Abimelec li ralal laj Jerobaal? ¿Ma incꞌaꞌ jultic e̱re chanru nak li ixk quixcut jun tokol li pec re li molino saꞌ xbe̱n laj Abimelec ut quixcamsi aran Tebes? ¿Cꞌaꞌut nak xexnachꞌoc riqꞌuin li tzꞌac?” ma̱re chaꞌak. Ut la̱at ta̱ye re, “Quicamsi̱c ajcuiꞌ laj Urías laj heteo, laj cꞌanjel cha̱cuu,” chaꞌkat re, chan laj Joab.

2 Samuel 3:27

Nak laj Abner quicuulac Hebrón, laj Joab quixcꞌam chi mukmu saꞌ li oqueba̱l re ta̱a̱tinak riqꞌuin xjunes. Ut quixcuj lix chꞌi̱chꞌ saꞌ xcꞌatk xsaꞌ ut quixcamsi. Quixcamsi re tixtoj rix li ma̱c li quixba̱nu nak quixcamsi laj Asael li ri̱tzꞌin laj Joab.

2 Samuel 11:15

Saꞌ li hu quixye re laj Joab: —Ta̱qꞌue laj Urías chi ubej nak yo̱k chi cau li pletic ut ta̱canab xjunes re nak ta̱camsi̱k saꞌ li ple̱t, chan.

2 Samuel 11:17

Saꞌ ajcuiꞌ li ho̱nal aꞌan queꞌel chak li soldados li cuanqueb saꞌ li tenamit chi pletic riqꞌuineb. Cuanqueb li nequeꞌtaklan saꞌ xbe̱neb lix soldados laj David li queꞌcamsi̱c. Ut saꞌ xya̱nkeb aꞌan quicam laj Urías laj heteo.