2 Samuel 11:1 - Li Santil hu

¹ Saꞌ li chihab jun chic saꞌ li sakꞌehil nak eb li rey nequeꞌxic chi pletic, laj David quixtaklaheb chi pletic laj Joab rochbeneb li nequeꞌtaklan saꞌ xbe̱neb li soldados joꞌqueb ajcuiꞌ chixjunileb li soldados aj Israel. Queꞌxsach ruheb li ralal xcꞌajol laj Amón. Ut queꞌxsut rix li tenamit Rabá. Abanan laj David quicana aran Jerusalén.

Q'eqchi Bible

¹ Sa' li chihab' jun chik, sa' li saq'ehil naq eb' li awab'ej neke'xik chi yalok, laj David kixtaqla laj Johab rochb'eeneb' li xjolomileb' laj puub' ut chixjunileb' laj Israel chi yalok. Ut ke'xq'ax ruheb' laj Amón, ke'xsut Rabá li xtenamiteb'; ab'an laj David kikanaak Jerusalén.

2 Samuel 11:1 ပူးပေါင်းရင်းမြစ်များ

1 Crónicas 20:1

Saꞌ li chihab jun chic saꞌ li sakꞌehil nak eb li rey nequeꞌxic chi pletic, laj Joab quixcꞌameb lix soldado chi pletic. Ut queꞌxsach ru lix tenamiteb laj Amón. Ut queꞌxsut ajcuiꞌ rix li tenamit Rabá ut queꞌnumta saꞌ xbe̱neb ut queꞌxsach ru. Abanan laj David quicana Jerusalén.

1 Reyes 20:26

Nak ac xnumeꞌ jun chihab laj Ben-adad quixchꞌutubeb lix soldado ut co̱ rochbeneb toj saꞌ li tenamit Afec re teꞌpletik riqꞌuineb laj Israel.

1 Reyes 20:22

Chirix aꞌan lix profeta li Dios quicuulac cuiꞌchic riqꞌuin li rey Acab ut quixye re: —Sukꞌin saꞌ la̱ tenamit ut ta̱cauresiheb chi us la̱ soldado xban nak saꞌ jun chihab ta̱cha̱lk cuiꞌchic lix reyeb laj Siria chi pletic a̱cuiqꞌuin, chan.

Eclesiastés 3:8

Cuan li ho̱nal re rahoc, ut cuan li ho̱nal re tzꞌekta̱na̱nc. Cuan xcutanquil li pletic riqꞌuin junak tenamit, ut cuan xcutanquil li cua̱nc saꞌ usilal riqꞌuin junak tenamit.

2 Crónicas 36:10

Saꞌ li sakꞌehil re li chihab aꞌan laj Nabucodonosor lix reyeb laj Babilonia quixtakla xcꞌambal laj Joaquín re ta̱xic Babilonia. Laj Joaquín quicꞌameꞌ rochbeneb li cꞌaꞌak re ru terto xtzꞌak li cuan saꞌ lix templo li Ka̱cuaꞌ. Ut laj Nabucodonosor quixxakab laj Sedequías li rechꞌalal laj Joaquín chokꞌ xreyeb laj Judá ut eb laj Jerusalén.

Deuteronomio 3:11

(Chirix lix camic li rey Og, ma̱ jun chic xcana xcomoneb li ni̱nki cui̱nk. Lix chꞌa̱t laj Og yi̱banbil riqꞌuin chꞌi̱chꞌ. Numenak ca̱hib metro rok ut numenak cuib metro ru. Toj naru rilbal saꞌ li tenamit Rabá, lix tenamiteb li ralal xcꞌajol laj Amón.)

Ezequiel 21:20

Jun li be ta̱xic saꞌ li tenamit Rabá lix naꞌajeb li ralal xcꞌajol laj Amón. Ut li jun chic ta̱xic saꞌ li tenamit Jerusalén li cauresinbil re pletic. Aꞌan lix tenamiteb li ralal xcꞌajol laj Judá.

Zacarías 14:3

Nak acak xeꞌxcꞌul aꞌan li Ka̱cuaꞌ chic ta̱xic chi pletic riqꞌuineb li xni̱nkal ru tenamit joꞌ quixba̱nu nak queꞌpletic chak junxil.

1 Samuel 18:30

Rajlal nak nequeꞌchal eb laj filisteo chi pletic riqꞌuineb laj Israel, laj David, aꞌan li kꞌaxal us na-el chiruheb li jun chꞌol chic li nequeꞌcꞌanjelac chiru laj Saúl. Joꞌcan nak chixjunileb queꞌxqꞌue saꞌ xnakꞌ ruheb laj David.

2 Samuel 10:14

Ut eb li ralal xcꞌajol laj Amón queꞌril nak queꞌe̱lelic eb li soldados laj Siria. Joꞌcan nak queꞌe̱lelic ajcuiꞌ eb aꞌan chiruheb laj Abisai. Queꞌoc saꞌ lix tenamit re teꞌxcol ribeb. Ut laj Joab quixcanab pletic riqꞌuineb ut quisukꞌi cuiꞌchic Jerusalén.

Jeremías 49:2

Ta̱cuulak xkꞌehil nak eb laj Amón li cuanqueb saꞌ li tenamit Rabá teꞌrabi nak eb li tenamit teꞌxjap reheb chi pletic. Ut li tenamit juqꞌuinbil chic ta̱cana̱k. Eb li tenamit li cuanqueb chi xjun sutam teꞌcꞌatekꞌ. Ut eb laj Israel teꞌre̱chani cuiꞌchic li naꞌajej li quimakꞌeꞌ chiruheb xbaneb laj Amón, chan li Ka̱cuaꞌ.

Jeremías 49:3

Chexya̱bak la̱ex li cuanquex Hesbón xban nak quisacheꞌ ruheb li tenamit Hai. Japomak e̱re la̱ex li cuanquex Rabá. Qꞌuehomak li kꞌes ru tꞌicr che̱rix ut chexya̱bak. Texxic yalak bar chi saꞌ li tzꞌac li sutsu cuiꞌ li tenamit xban nak li yi̱banbil dios Milcom ta̱cꞌamekꞌ chi pre̱xil rochbeneb laj tij ut eb li cuanqueb xcuanquil.

Amós 1:14

Joꞌcan nak tinqꞌue xxamlel li tzꞌac sutsu cuiꞌ li tenamit Rabá ut ta̱cꞌatk li palacio. Teꞌxjap re chi cau nak yo̱keb chi numta̱c saꞌ xbe̱neb li tenamit Rabá. Chanchan nak nachal li ca̱k-sut-ikꞌ nak tintaklaheb li xicꞌ nequeꞌiloc reheb chi pletic riqꞌuineb.

Salmos 60:9

At inDios, ¿Ani ta̱cꞌamok cue saꞌ li tenamit cau rib chi pletic? ¿Ani ta̱cꞌamok cue saꞌ li tenamit Edom?