2 Samuel 10:6 - Li Santil hu

⁶ Eb li ralal xcꞌajol laj Amón queꞌxqꞌue retal nak xicꞌ chic teꞌilekꞌ xban laj David. Joꞌcan nak queꞌxtoj junmay mil chi soldados re Siria li queꞌcuan saꞌ li cuib chi tenamit Bet-rehob ut Soba. Queꞌxtoj ajcuiꞌ lix reyeb laj Maaca rochben jun mil chi soldados. Joꞌcan ajcuiꞌ cablaju mil chi soldados re Is-tob.

Q'eqchi Bible

⁶ Naq eb' laj Amón ke'xk'e reetal naq xik' chik te'ile'q xb'aan laj David, ke'xtoj junmay mil (20,000) aj puub' aj Aram re Bet-Rejob ut re Sobá; jo'wi' lajeek'aal rox o'q'ob' (1,000) aj puub' re li awab'ej re Mahaká ut kab'laju mil (12,000) re li awab'ej re Tob.

2 Samuel 10:6 ပူးပေါင်းရင်းမြစ်များ

2 Samuel 8:5

Eb laj Siria li cuanqueb Damasco queꞌchal chixtenkꞌanquil laj Hadad-ezer li rey re Soba. Abanan laj David quinumta saꞌ xbe̱neb laj Siria ut quixcamsiheb cuib xcaꞌcꞌa̱l mil (22,000) chi cui̱nk.

2 Samuel 8:3

Laj Hadad-ezer, li ralal laj Rehob, aꞌan lix reyeb laj Soba. Nak yo̱ raj chi xic laj Hadad-ezer chire̱chaninquil cuiꞌchic li naꞌajej chire li nimaꞌ Éufrates, laj David quinumta saꞌ xbe̱neb.

Génesis 34:30

Laj Jacob quixye re laj Simeón joꞌ ajcuiꞌ re laj Leví: —La̱ex xeqꞌue jun li nimla raylal saꞌ inbe̱n la̱in. Anakcuan chixjunileb li cristian saꞌ li naꞌajej aꞌin xicꞌ chic tineꞌril, eb laj cananeo ut eb laj ferezeo. Ma̱re teꞌxchꞌutub ribeb re teꞌpletik kiqꞌuin. Ut la̱o coꞌxibo ajcuiꞌ. ¿Cꞌaꞌru takaba̱nu? To-osokꞌ chikajunilo, chan laj Jacob.

1 Samuel 27:12

Laj Aquis cꞌojcꞌo xchꞌo̱l riqꞌuin laj David. Quixye saꞌ xchꞌo̱l: —Laj David ta̱cꞌanjelak chicuu joꞌ najtil yoꞌyo̱k xban nak kꞌaxal xicꞌ chic ta̱ilekꞌ xbaneb laj Israel, li rech tenamitil, riqꞌuin li cꞌaꞌru yo̱ chixba̱nunquil, chan.

Jueces 18:28

Ma̱ ani quicoloc reheb li cuanqueb Lais xban nak najt cuan li tenamit Sidón riqꞌuineb ut xban ajcuiꞌ nak ma̱ ani aj iqꞌuin nequeꞌxcꞌam ribeb. Li tenamit Lais cuan saꞌ li ru takꞌa chixcꞌatk li tenamit Bet-rehob. Eb li ralal xcꞌajol laj Dan queꞌxyi̱b cuiꞌchic li tenamit ut aran queꞌcana chi cua̱nc.

Jueces 11:5

Nak ac yo̱queb chi pletic riqꞌuineb laj Israel saꞌ li tenamit Galaad, eb laj cꞌamol be queꞌxtakla xcꞌambal laj Jefté li cuan chak saꞌ li naꞌajej Tob.

Jueces 11:3

Joꞌcan nak quie̱lelic laj Jefté chiruheb li ri̱tzꞌin. Co̱ chi cua̱nc saꞌ li naꞌajej Tob. Ut queꞌxchꞌutub ribeb riqꞌuin jun chꞌu̱tal li cui̱nk li nequeꞌcuulac chiru pletic ut aꞌan chic nataklan saꞌ xbe̱neb.

Proverbios 25:8

Li cꞌaꞌru ta̱cuil riqꞌuin xnakꞌ a̱cuu incꞌaꞌ tatxic saꞌ junpa̱t chixyebal chiruheb laj rakol a̱tin xban nak ma̱re cuan junak chic ta̱xic chixyebal nak incꞌaꞌ ya̱l li yo̱cat chixyebal ut ma̱re incꞌaꞌ chic ta̱tau cꞌaꞌru tatsume̱nk cuiꞌ.

2 Samuel 8:12

nak quipletic riqꞌuineb laj Siria, eb laj Moab, eb laj Amón, eb laj filisteo, eb laj Amalec, joꞌ ajcuiꞌ nak quipletic riqꞌuin laj Hadad-ezer li ralal laj Rehob, li quicuan chokꞌ rey aran Soba.

1 Samuel 13:4

Joꞌcan nak chixjunileb laj Israel queꞌrabi resil nak laj Saúl ac xeꞌxcamsi li jun chꞌu̱tal chi soldado li yo̱queb chi cꞌacꞌale̱nc aran Gabaa. Queꞌxnau nak xicꞌ nequeꞌileꞌ xbaneb laj filisteo. Ut chixjunileb queꞌco̱eb Gilgal re teꞌxchꞌutub ribeb riqꞌuin laj Saúl.

Deuteronomio 3:14

Laj Jair, xcomoneb li ralal xcꞌajol laj Manasés quire̱chani chixjunil li naꞌajej Argob nacuulac toj saꞌ li nuba̱l re li naꞌajej Gesur ut Maaca. Ut quixqꞌue chokꞌ xcꞌabaꞌ Basán-havot-jair joꞌ lix cꞌabaꞌ aꞌan. Aꞌan lix cꞌabaꞌ toj chalen anakcuan.

Éxodo 5:21

Ut queꞌxye reheb, —Li Ka̱cuaꞌ Dios taxak chiqꞌuehok re̱kaj li cꞌaꞌru yo̱quex la̱ex. E̱ma̱c la̱ex nak laj faraón joꞌ ajcuiꞌ li nequeꞌtaklan kꞌaxal cuiꞌchic yo̱queb xjoskꞌil saꞌ kabe̱n. Teꞌraj ajcuiꞌ kacamsinquil, chanqueb re laj Moisés.

2 Samuel 10:5

Nak laj David quirabi resil li cꞌaꞌru queꞌxcꞌul lix takl, quixtakla xcꞌulbaleb xban nak cꞌajoꞌ nak yo̱ xxuta̱neb. Quixtakla xyebal reheb nak teꞌcana̱k Jericó toj ta̱chamokꞌ cuiꞌchic lix macheb.

2 Samuel 10:7

Laj David quirabi resil ut quixtakla laj Joab rochbeneb chixjunileb li soldados li cauheb rib chi pletic.

2 Samuel 23:34

laj Elifelet li ralal laj Ahasbai, li ralal laj Maaca; laj Eliam li ralal laj Ahitofel, Gilón xtenamit;

2 Reyes 7:6

Li Ka̱cuaꞌ quixqꞌueheb laj Siria chirabinquil jun li choki̱nc. Chanchan xya̱b li carruaje ut li cacua̱y nak yo̱queb chi cha̱lc nabaleb li soldado. Saꞌ xchꞌo̱leb laj Siria nak lix reyeb laj Israel queꞌxjunaji ribeb riqꞌuineb laj hiteo ut eb laj Egipto ut yo̱queb chi cha̱lc chi pletic riqꞌuineb.

Salmos 48:4

Li cuanqueb xcuanquil saꞌeb li tenamit queꞌxchꞌutub ribeb ut queꞌchal chi pletic re nak teꞌre̱chani li naꞌajej aꞌan.

Jeremías 40:8

Joꞌcan nak queꞌco̱eb Mizpa chirilbal laj Gedalías. Aꞌaneb aꞌin li queꞌco̱eb: laj Ismael li ralal laj Netanías; laj Johanán ut Jonatán, li cuib chi ralal laj Carea; laj Seraías li ralal laj Tanhumet; eb li ralal laj Efai li netofatita; ut Jezanías li ralal jun laj maacateo. Ut eb lix soldados cuanqueb rochbeneb.

Jeremías 46:21

Ut eb li soldado, li tojbileb, chanchaneb li cocꞌ cuacax li ni̱nkeb xtibel. Incꞌaꞌ teꞌxcuy pletic. Teꞌxsukꞌisi ban ribeb ut teꞌe̱lelik xban nak xcuulac xkꞌehil nak teꞌsachekꞌ ruheb.

2 Samuel 16:21

Laj Ahitofel quixye re: —Tatcua̱nk riqꞌuineb li ixk li xeꞌcuan riqꞌuin la̱ yucuaꞌ, li xeꞌcanaba̱c arin chi iloc cab. Cui ta̱ba̱nu chi joꞌcan, chixjunileb teꞌxnau nak la̱at xicꞌ chic nacat-ileꞌ xban la̱ yucuaꞌ ut teꞌcacuu̱k xchꞌo̱leb, chan.

1 Reyes 11:24

Laj Rezón, aꞌan li nacꞌamoc be chiruheb jun chꞌu̱tal li cui̱nk incꞌaꞌ useb xnaꞌleb. (Aꞌin quicꞌulman junxil nak laj David ac xsach ruheb li tenamit Soba.) Laj Rezón ut eb li rochben queꞌco̱eb chi cua̱nc aran Damasco. Ut laj Rezón qui-oc chokꞌ xreyeb laj Damasco, li cuan saꞌ xcue̱nt Siria.