2 Samuel 10:5 - Li Santil hu

⁵ Nak laj David quirabi resil li cꞌaꞌru queꞌxcꞌul lix takl, quixtakla xcꞌulbaleb xban nak cꞌajoꞌ nak yo̱ xxuta̱neb. Quixtakla xyebal reheb nak teꞌcana̱k Jericó toj ta̱chamokꞌ cuiꞌchic lix macheb.

Q'eqchi Bible

⁵ Naq laj David kixnaw a'in, kixtaqlaheb' poyanam chi xk'ulb'aleb' xb'aan naq k'ajo' xxutaaneb'. Kixtaqla ajwi' xyeeb'al reheb' naq te'kanaaq Jerikó toj taachamo'q wi' chik li xmacheb'; toj aran te'sutq'iiq chaq.

2 Samuel 10:5 ပူးပေါင်းရင်းမြစ်များ

1 Crónicas 19:5

Eb aꞌan queꞌco̱eb. Nak laj David quirabi li cꞌaꞌru queꞌxcꞌul, quixtakla xcꞌulbaleb xban nak yo̱ xxuta̱neb. Quixtakla xyebal reheb nak teꞌcana̱k Jericó toj ta̱chamokꞌ cuiꞌchic lix macheb. Chirix aꞌan teꞌsukꞌi̱k saꞌ lix tenamiteb.

1 Reyes 16:34

Chiruheb li cutan aꞌan jun li cui̱nk Bet-el xtenamit, aj Hiel xcꞌabaꞌ, quixyi̱b cuiꞌchic li tenamit Jericó. Ut nak quixqꞌue lix cimiento, quicam laj Abiram li xbe̱n ralal. Ut nak queꞌxqꞌue saꞌ xnaꞌajeb lix puertil li tzꞌac, quicam laj Segub li i̱tzꞌinbej. Joꞌcaꞌin nak quitzꞌakloc ru li quixye laj Josué li ralal laj Nun nak quixye li cꞌaꞌru quiyeheꞌ re xban li Ka̱cuaꞌ.

2 Samuel 10:4

Joꞌcan nak laj Hanún quixchapeb li cui̱nk ut quixtakla xjobal yijach lix macheb ut queꞌxset li rakꞌeb toj chiru li raꞌeb. Quixchakꞌrabiheb ut quixtaklaheb cuiꞌchic saꞌ xnaꞌajeb.

2 Samuel 10:6

Eb li ralal xcꞌajol laj Amón queꞌxqꞌue retal nak xicꞌ chic teꞌilekꞌ xban laj David. Joꞌcan nak queꞌxtoj junmay mil chi soldados re Siria li queꞌcuan saꞌ li cuib chi tenamit Bet-rehob ut Soba. Queꞌxtoj ajcuiꞌ lix reyeb laj Maaca rochben jun mil chi soldados. Joꞌcan ajcuiꞌ cablaju mil chi soldados re Is-tob.

Josué 6:1

Eb li cuanqueb Jericó queꞌxtzꞌap li oqueba̱l re lix tenamit chi us xban nak yo̱queb xxiu chiruheb laj Israel. Ma̱ ani naru na-oc chi moco naru nequeꞌel.