2 Samuel 10:19 - Li Santil hu

¹⁹ Eb li rey li cuanqueb rubel xcuanquil laj Hadad-ezer queꞌril nak eb laj Israel queꞌnumta saꞌ xbe̱neb. Joꞌcan nak queꞌxqꞌue ribeb rubel xcuanquileb laj Israel. Ut queꞌxcꞌam cuiꞌchic ribeb saꞌ usilal riqꞌuineb. Ut eb laj Siria incꞌaꞌ chic queꞌraj xtenkꞌanquileb li ralal xcꞌajol laj Amón xban nak queꞌxucuac.

Q'eqchi Bible

¹⁹ Naq chixjunileb' li awab'ej li neke'tenq'ank re laj Hadadéser ke'ril naq ke'q'axe'k ru xb'aaneb' laj Israel, ke'xk'e rib' sa' tuqtuukil usilal rik'ineb' ut ke'kanaak rub'el xwankileb'. Ut eb' laj Aram ink'a' chik ke'chalk xch'ool chi xtenq'ankileb' laj Amón.

2 Samuel 10:19 ပူးပေါင်းရင်းမြစ်များ

2 Samuel 8:6

Chirix aꞌan laj David quixyi̱b xnaꞌajeb li soldados re teꞌcꞌacꞌale̱nk saꞌ li tenamit Damasco. Ut eb laj Siria queꞌcana rubel xcuanquil ut queꞌxtoj rix lix naꞌajeb. Yalak bar co̱ chi pletic laj David, li Ka̱cuaꞌ quitenkꞌan re, re nak us qui-el.

Apocalipsis 18:10

Cꞌajoꞌ nak teꞌxucuak chirilbal li cꞌaꞌru tixcꞌul li tenamit. Teꞌxakli̱k chi najt riqꞌuin xban xxiuheb ut teꞌxye: Tokꞌob ru li tenamit Babilonia li nim xcuanquil nak quicuan. Tokꞌob ru lix nimal ru tenamit. Chiru jun cꞌamoc xrakeꞌ a̱tin saꞌ xbe̱neb.

Daniel 2:37

—At rey, la̱at li kꞌaxal nim la̱ cuanquil saꞌ xya̱nkeb chixjunileb li rey xban nak li Ka̱cuaꞌ Dios li cuan saꞌ choxa, aꞌan li quixakaban a̱cue ut aꞌan ajcuiꞌ quiqꞌuehoc a̱cuanquil, a̱cacuilal ut a̱lokꞌal.

Isaías 26:11

At Ka̱cuaꞌ, nequeꞌxnau nak ta̱qꞌueheb chixtojbal xma̱queb. Abanan incꞌaꞌ nequeꞌraj xqꞌuebal retal. Chicꞌutekꞌ taxak xxuta̱neb nak teꞌxqꞌue retal nak nacaraheb la̱ tenamit. Chanchan cꞌatbil nak teꞌosokꞌ li xicꞌ nequeꞌiloc a̱cue.

1 Crónicas 19:19

Eb li rey li cuanqueb rubel xcuanquil laj Hadad-ezer queꞌril nak eb laj Israel queꞌnumta saꞌ xbe̱neb. Joꞌcan nak queꞌxqꞌue ribeb rubel xcuanquileb laj Israel. Ut queꞌxcꞌam cuiꞌchic ribeb saꞌ usilal riqꞌuin li rey David. Ut eb laj Siria incꞌaꞌ chic queꞌraj xtenkꞌanquileb laj Amón.

1 Reyes 20:1

Laj Ben-adad, lix reyeb laj Siria, quixchꞌutub chixjunileb lix soldados. Ut quixchꞌutubeb ajcuiꞌ cablaju xcaꞌcꞌa̱l (32) chic li rey rochbeneb lix cacua̱y ut eb lix carruaje. Ut rochbeneb aꞌan co̱ chi pletic saꞌ li tenamit Samaria.

Jueces 1:7

Ut laj Adoni-bezec quixye: —Junxil la̱in xintakla xyocꞌbal xmamaꞌil li ruꞌuj rokeb ut lix mamaꞌil li ruꞌuj rukꞌeb laje̱b xca̱cꞌa̱l (70) chi rey ut nequeꞌxxoc lix cꞌaj li cua li natꞌaneꞌ rubel lin me̱x re nak teꞌcuaꞌak. Anakcuan li Dios xba̱nu cue joꞌ xinba̱nu reheb aꞌan, chan. Ut laj Adoni-bezec quicꞌameꞌ Jerusalén ut aran quicam.

Josué 11:10

Ut chirix aꞌan queꞌsukꞌi laj Josué rochbeneb lix soldados ut queꞌoc saꞌ li tenamit Hazor ut queꞌxcamsi lix reyeb. Li tenamit Hazor, aꞌan li nim xcuanquil saꞌ xbe̱neb chixjunileb li tenamit jun chꞌol chic.

2 Samuel 8:3

Laj Hadad-ezer, li ralal laj Rehob, aꞌan lix reyeb laj Soba. Nak yo̱ raj chi xic laj Hadad-ezer chire̱chaninquil cuiꞌchic li naꞌajej chire li nimaꞌ Éufrates, laj David quinumta saꞌ xbe̱neb.