2 Samuel 10:18 - Li Santil hu

¹⁸ Abanan eb laj Siria queꞌe̱lelic cuiꞌchic chiruheb laj Israel. Ut laj David ut eb lix soldados queꞌxcamsiheb cuukub ciento li soldados li nequeꞌxic saꞌ li carruajes ut queꞌxcamsiheb ajcuiꞌ caꞌcꞌa̱l mil chi soldado li nequeꞌbe̱c chirix cacua̱y. Ut queꞌxcamsi laj Sobac li nataklan saꞌ xbe̱neb li solda̱deb laj Siria. Quicam saꞌ li naꞌajej li queꞌpletic cuiꞌ.

Q'eqchi Bible

¹⁸ Ab'anan eb' laj Aram ke'elelik chiruheb' laj Israel, ut laj David kixsacheb' o'lajuk'aal xkab' o'q'ob' (700) chi b'eleb'aal ch'iich' ut ka'k'aal mil (40,000) chi winq xkomoneb' li neke'b'eek chirix kawaay. Kixtiq' ajwi' laj Sobak, xjolomileb' laj puub', li kikamk sa' li na'ajej a'an.

2 Samuel 10:18 ပူးပေါင်းရင်းမြစ်များ

1 Crónicas 19:18

Ut eb laj Siria queꞌe̱lelic cuiꞌchic chiruheb laj Israel. Abanan laj David ut eb lix soldado queꞌxcamsiheb cuukub mil (7,000) xcomoneb li nequeꞌxic saꞌ li carruaje. Ut queꞌxcamsiheb ajcuiꞌ caꞌcꞌa̱l mil (40,000) chi cui̱nk li nequeꞌxic chi rokeb. Ut queꞌxcamsi ajcuiꞌ laj Sofac li nataklan saꞌ xbe̱neb lix solda̱deb laj Siria.

Salmos 46:11

Li Ka̱cuaꞌ, li kꞌaxal nim xcuanquil, aꞌan li cuan kiqꞌuin. Aꞌan lix Dios laj Jacob. Ut aꞌan ajcuiꞌ li nacoloc ke.

Salmos 18:38

La̱in xinsach ruheb ut xeꞌcana rubel incuanquil. Incꞌaꞌ chic queꞌru chi pletic cuiqꞌuin.

2 Samuel 8:4

Laj David quixchapeb jun mil riqꞌuin cuukub ciento lix solda̱deb li nequeꞌxic chirix cacua̱y. Ut quixchapeb ajcuiꞌ junmay mil chi cui̱nk li nequeꞌxic chi rokeb. Quixtok li rokeb chixjunileb lix cacua̱yeb. Abanan incꞌaꞌ quixtok rokeb li cacua̱y li joꞌ qꞌuial li teꞌcꞌanjelak re xquelonquil li jun ciento chi carruaje.

Jueces 5:26

Ut quixchap jun li cheꞌ kꞌes ruꞌuj li naxxakab cuiꞌ li muheba̱l. Ut riqꞌuin li rukꞌ jun quixchap li martillo. Quixten li cheꞌ chi cau riqꞌuin li martillo toj retal quinumeꞌ saꞌ xjolom laj Sísara ut quijoreꞌ lix bakel xjolom.

Jueces 4:22

Laj Barac toj yo̱ chixsicꞌbal laj Sísara. Nak quicuulac aran, qui-el lix Jael chixcꞌulbal ut quixye re: —Quim arin, chola̱cuil li cui̱nk li yo̱cat chixsicꞌbal, chan. Ut laj Barac qui-oc toj saꞌ lix muheba̱l lix Jael ut aran quixtau laj Sísara jiljo saꞌ chꞌochꞌ. Ac camenak chic ut toj laplo ajcuiꞌ li cheꞌ saꞌ lix jolom.

Jueces 4:2

Joꞌcan nak li Ka̱cuaꞌ quixkꞌaxtesiheb saꞌ rukꞌ laj Jabín lix reyeb laj Canaán. Aꞌan nataklan saꞌ li tenamit Hazor. Li cui̱nk li nacꞌamoc be saꞌ xya̱nkeb lix soldado li rey Jabín, aꞌan laj Sísara. Aꞌan nacuan saꞌ li naꞌajej Haroset-goim.

2 Samuel 10:17

Nak li rey David quirabi resil, quixchꞌutub chixjunileb li solda̱deb laj Israel. Queꞌco̱eb jun pacꞌal li nimaꞌ Jordán toj saꞌ li naꞌajej Helam. Ut eb li soldados re Siria queꞌxtzolob ribeb re teꞌpletik riqꞌuineb lix soldados laj David.

1 Reyes 11:24

Laj Rezón, aꞌan li nacꞌamoc be chiruheb jun chꞌu̱tal li cui̱nk incꞌaꞌ useb xnaꞌleb. (Aꞌin quicꞌulman junxil nak laj David ac xsach ruheb li tenamit Soba.) Laj Rezón ut eb li rochben queꞌco̱eb chi cua̱nc aran Damasco. Ut laj Rezón qui-oc chokꞌ xreyeb laj Damasco, li cuan saꞌ xcue̱nt Siria.

Salmos 68:2

Chanchan nak nasach li sib saꞌ li ikꞌ, joꞌcan nak teꞌsachekꞌ ruheb li xicꞌ nequeꞌiloc re. Ut chanchan nak nahaꞌoꞌ li cera xban li xam, joꞌcan nak teꞌosokꞌ li incꞌaꞌ useb xnaꞌleb chiru li Dios.