2 Samuel 10:16 - Li Santil hu

¹⁶ Li rey Hadad-ezer quixbokeb li soldados aj Siria li cuanqueb jun pacꞌal li nimaꞌ Éufrates. Queꞌco̱eb saꞌ li naꞌajej Helam. Laj Sobac, li nataklan saꞌ xbe̱neb lix soldados laj Hadad-ezer, aꞌan li yo̱ chi cꞌamoc xbeheb.

Q'eqchi Bible

¹⁶ Laj Hadadéser kixtaqla xsik'b'aleb' laj Aram li wankeb' junpak'al li nima' Éwfrates. Ut eb' a'in ke'wulak aran Jelán: laj Sobak, xjolomileb' laj puub' re laj Hadadéser, yo chi k'amok chaq xb'eheb'.

2 Samuel 10:16 ပူးပေါင်းရင်းမြစ်များ

1 Crónicas 19:16

Eb laj Siria queꞌxqꞌue retal nak queꞌnumta laj Israel saꞌ xbe̱neb. Joꞌcan nak queꞌxtakla lix takleb riqꞌuineb laj Siria li cuanqueb jun pacꞌal li nimaꞌ Éufrates. Laj Sofac, li nataklan saꞌ xbe̱neb lix soldado laj Hadad-ezer, aꞌan li yo̱ chi cꞌamoc xbeheb.

1 Crónicas 18:5

Eb laj Siria li cuanqueb Damasco queꞌchal chixtenkꞌanquil laj Hadad-ezer lix reyeb laj Soba. Abanan laj David quinumta saꞌ xbe̱neb laj Siria ut quixcamsiheb cuib xcaꞌcꞌa̱l mil (22,000) chi cui̱nk.

1 Crónicas 18:3

Ut quinumta ajcuiꞌ laj David saꞌ xbe̱neb laj Hadad-ezer, lix reyeb laj Soba aran Hamat nak yo̱ raj chi xic chixxakabanquil lix cuanquil saꞌ li naꞌajej li cuan chire li nimaꞌ Éufrates.

2 Samuel 10:15

Eb li soldados re Siria queꞌxqꞌue retal nak eb laj Israel queꞌnumta saꞌ xbe̱neb. Joꞌcan nak queꞌxchꞌutub cuiꞌchic ribeb chixjunileb.

2 Samuel 10:17

Nak li rey David quirabi resil, quixchꞌutub chixjunileb li solda̱deb laj Israel. Queꞌco̱eb jun pacꞌal li nimaꞌ Jordán toj saꞌ li naꞌajej Helam. Ut eb li soldados re Siria queꞌxtzolob ribeb re teꞌpletik riqꞌuineb lix soldados laj David.

1 Reyes 11:23

Li Dios quixba̱nu nak laj Rezón, li ralal laj Eliada, quijoskꞌoꞌ riqꞌuin laj Salomón ut xicꞌ chic ta̱ilekꞌ xban. Laj Rezón, aꞌan li quie̱lelic chiru laj Hadad-ezer lix reyeb laj Soba.