2 Samuel 10:12 - Li Santil hu

¹² Cauhak taxak a̱chꞌo̱l. Chikacacuubresi kachꞌo̱l chi pletic. Chikacolak rix li katenamit la̱o aj Israel, lix tenamit li Dios. Ut li Ka̱cuaꞌ taxak tixba̱nu li cꞌaꞌru naraj aꞌan, chan.

Q'eqchi Bible

¹² Kawaq aach'ool ut qayalaq qaq'e sa' xk'ab'a' li qatenamit ut sa' xk'ab'a'eb' li xtenamit li qaYos. Ut li Qaawa' taxaq tixb'aanu li k'aru us chiru”.

2 Samuel 10:12 ပူးပေါင်းရင်းမြစ်များ

1 Corintios 16:13

Michꞌinan e̱chꞌo̱l saꞌ le̱ pa̱ba̱l. Cauhak taxak e̱chꞌo̱l chi pa̱ba̱nc ut me̱qꞌue e̱rib chi a̱le̱c. Yoꞌon cua̱nkex ut chepa̱bak li Ka̱cuaꞌ chi anchal e̱chꞌo̱l, usta nachal raylal saꞌ e̱be̱n.

Deuteronomio 31:6

Cacuubresihomak e̱chꞌo̱l ut chicua̱nk e̱metzꞌe̱u. Mexxucuak chi moco texcꞌoxlak xbaneb, xban nak li Ka̱cuaꞌ incꞌaꞌ texcanab e̱junes. Cua̱nk ban e̱riqꞌuin chi junelic, chan laj Moisés.

1 Samuel 3:18

Joꞌcan nak laj Samuel quixye re chixjunil li quixye li Ka̱cuaꞌ. Ma̱cꞌaꞌ quixmuk chiru. Ut laj Elí quixye: —Li Ka̱cuaꞌ, aꞌan li nimajcual Dios. Chixba̱nu taxak li cꞌaꞌru naxcꞌoxla nak us xba̱nunquil, chan.

Hebreos 13:6

Joꞌcan nak naru takaye chi anchal kachꞌo̱l: Li Ka̱cuaꞌ Dios natenkꞌan cue. Incꞌaꞌ ninxucua li cꞌaꞌru teꞌxba̱nu li xicꞌ nequeꞌiloc cue. (Sal. 118:6)

Nehemías 4:14

Ut nak queꞌcuil nak cuanqueb saꞌ xnaꞌajeb, quinxakli chiruheb ut quina̱tinac riqꞌuineb li queꞌtaklan ut eb li queꞌcꞌamoc be joꞌqueb ajcuiꞌ chixjunileb li tenamit. Quinye reheb: —Mexxucuac chiruheb. Julticak e̱re nak li Ka̱cuaꞌ li nakaxucua ru, aꞌan kꞌaxal nim xcuanquil. Pletinkex re xcolbaleb le̱ rech tenamitil, ut le̱ ralal e̱cꞌajol ut re ajcuiꞌ xcolbal rix le̱ rixakil joꞌ ajcuiꞌ le̱ jun cablal, chanquin reheb.

1 Samuel 4:9

Cauhak taxak kachꞌo̱l la̱o aj filisteo. Cau taxak topletik riqꞌuineb re nak incꞌaꞌ teꞌnumta̱k saꞌ kabe̱n. Ma̱re anchal tocana̱k rubel xcuanquileb joꞌ nak xeꞌcuan rubel kacuanquil la̱o, chanqueb.

Jueces 10:15

Eb laj Israel queꞌxye re li Dios: —La̱o xoma̱cob cha̱cuu. Ba̱nu li cꞌaꞌru ta̱cuaj kiqꞌuin. Caꞌaj cuiꞌ nakatzꞌa̱ma cha̱cuu nak toa̱col anakcuan, chanqueb.

1 Crónicas 19:13

Cauhak taxak a̱chꞌo̱l. Chikacacuubresi kachꞌo̱l chi pletic. Chikacolak rix li katenamit la̱o aj Israel, lix tenamit li Dios. Ut li Ka̱cuaꞌ taxak tixba̱nu li cꞌaꞌru naraj aꞌan, chan.

Li xHu LAJ JOB 1:21

Ut quixye: —Ma̱cꞌaꞌ cuan cue saꞌ li ruchichꞌochꞌ aꞌin nak quinyoꞌla ut ma̱cꞌaꞌ ajcuiꞌ tincꞌam chicuix nak tinca̱mk. Li Ka̱cuaꞌ xqꞌuehoc cue chixjunil li cꞌaꞌru cuan cue ut aꞌan x-isin re chicuu. Lokꞌoninbil taxak xcꞌabaꞌ li Ka̱cuaꞌ, chan.

1 Samuel 17:32

Laj David quixye re laj Saúl: —At rey, ma̱ ani taxak chichꞌina̱nk xchꞌo̱l xban laj filisteo. La̱in aj cꞌanjel cha̱cuu. La̱in tinxic chi pletic riqꞌuin, chan.

1 Samuel 14:12

Ut queꞌxjap reheb chixyebal re laj Jonatán ut li natenkꞌan re: —Quimkex arin. Cuan cꞌaꞌru takaye e̱re, chanqueb. Laj Jonatán quixye re laj te̱nkꞌ re: —Yoꞌo riqꞌuineb xban nak li Ka̱cuaꞌ ac xkꞌaxtesiheb laj filisteo saꞌ kukꞌ la̱o aj Israel, chan.

1 Samuel 14:6

Laj Jonatán quixye re li natenkꞌan re: —Numeko jun pacꞌal bar cuanqueb cuiꞌ laj filisteo li incꞌaꞌ nequeꞌxpa̱b li Dios. Ma̱re chan nak li Ka̱cuaꞌ toxtenkꞌa xban nak chiru aꞌan ma̱cꞌaꞌ chꞌaꞌaj. Li Dios toxtenkꞌa chi numta̱c saꞌ xbe̱neb, usta nabalo, usta cuibo ajcuiꞌ, chan.

Josué 1:18

Chixjunileb li incꞌaꞌ teꞌabi̱nk cha̱cuu, ut incꞌaꞌ teꞌxba̱nu li cꞌaꞌru ta̱ye, eb aꞌan teꞌcamsi̱k. Li cꞌaꞌru nakaj la̱o, aꞌan nak incꞌaꞌ ta̱chꞌina̱nk a̱chꞌo̱l. Cauhak ban a̱chꞌo̱l chi cꞌamoc be chiku, chanqueb li tenamit re laj Josué.

Josué 1:9

La̱in li yo̱quin chi takla̱nc a̱cue. Yal a̱kꞌe ut cacuubresi a̱chꞌo̱l. Matxucuac chi moco ta̱chꞌina̱nk a̱chꞌo̱l xban nak la̱in li Ka̱cuaꞌ la̱ Dios cua̱nkin a̱cuiqꞌuin yalak bar tatxic, chan li Dios.

Números 13:20

Ut te̱qꞌue ajcuiꞌ retal ma cha̱bil li chꞌochꞌ li cuanqueb cuiꞌ malaj ut incꞌaꞌ. ¿Ma na-el li acui̱mk chi us saꞌ li chꞌochꞌ malaj ut ma̱cꞌaꞌ na-el chiru? ¿Ma qꞌuicheꞌ ru malaj ut incꞌaꞌ? Mexxucuac chi oc saꞌ li naꞌajej aꞌan. Ut nacuaj ajcuiꞌ nak te̱cꞌam chak caꞌchꞌinak li ru li acui̱mk li na-el saꞌ li naꞌajej aꞌan, chan. Ac yo̱ xkꞌehil li uvas nak queꞌco̱eb li cui̱nk chixqꞌuebal retal li naꞌajej aꞌan.

2 Crónicas 32:7

Michꞌinan e̱chꞌo̱l. Cheqꞌuehak ban e̱chꞌo̱l ut cheyalak e̱kꞌe. Mexxucuac chiru lix reyeb laj Asiria chi moco chiruheb li qꞌuila soldado li cuanqueb chak rochben xban nak la̱o moco kajunes ta.

Hebreos 11:33

Nak queꞌpletic riqꞌuin li jalanil tenamit, xban nak cuanqueb xpa̱ba̱l, queꞌre̱chani. Saꞌ xya̱lal queꞌtaklan ut xban lix pa̱ba̱leb queꞌxcꞌul li quiyechiꞌi̱c reheb xban li Dios. Cuan li queꞌqꞌueheꞌ saꞌ xya̱nkeb li cakcoj re teꞌtiꞌekꞌ, aban ma̱cꞌaꞌ queꞌux re xbaneb li cakcoj.

2 Samuel 10:11

Quixye re laj Abisai: —Cui ta̱cuil nak eb li solda̱deb laj Siria yo̱keb chi numta̱c saꞌ inbe̱n, la̱at tattenkꞌa̱nk cue. Ut cui eb li ralal xcꞌajol laj Amón yo̱keb chi numta̱c saꞌ a̱be̱n, la̱in tintenkꞌa̱nk a̱cue.

Deuteronomio 31:7

Ut chirix aꞌan laj Moisés quixbok laj Josué ut chiruheb chixjunileb laj Israel quixye re: —Cacuubresi a̱chꞌo̱l, at Josué, ut cauhak taxak a̱cuib, xban nak la̱at tatcꞌamok be chiruheb li tenamit nak teꞌoc saꞌ li naꞌajej li quixyechiꞌi li Ka̱cuaꞌ reheb le̱ xeꞌto̱nil yucuaꞌ. La̱at ta̱cꞌam xbeheb chire̱chaninquil li naꞌajej.

2 Samuel 15:26

Abanan cui incꞌaꞌ sa saꞌ xchꞌo̱l cuiqꞌuin, chixba̱nuhak cuiqꞌuin joꞌ naraj aꞌan, chan.

Nehemías 4:8

Chixjunileb queꞌxjunaji ribeb chixcꞌu̱banquil chanru nak ta̱ru̱k teꞌcha̱lk chi pletic kiqꞌuin re kaqꞌuebal saꞌ chꞌaꞌajquilal.

Ester 4:16

—Tatxic ut ta̱chꞌutubeb chixjunileb laj judío li cuanqueb Susa. Ye reheb nak teꞌayunik ut teꞌtijok chicuix. Incꞌaꞌ teꞌucꞌak chi moco teꞌcuaꞌak chiru oxib cutan ut oxib kꞌojyi̱n. Ut joꞌcan ajcuiꞌ tinba̱nu la̱in cuochbeneb li ixk li nequeꞌcꞌanjelac chicuu. Chirix aꞌan la̱in tinxic chi a̱tinac riqꞌuin li rey, usta tinkꞌet li chakꞌrab. Ut cui tincamsi̱k, chincamsi̱k, chan lix Ester.