2 Samuel 1:23 - Li Santil hu

²³ Laj Saúl ut laj Jonatán kꞌaxal cha̱bileb ut raro̱queb. Laj Saúl ut laj Jonatán incꞌaꞌ queꞌxcanab ribeb nak toj yoꞌyo̱queb. Chi moco nak queꞌcam queꞌxcanab ribeb. Kꞌaxal se̱beb joꞌ li xul tꞌiu xcꞌabaꞌ. Ut kꞌaxal cauheb rib joꞌ li cakcoj.

Q'eqchi Bible

²³ Chiru chixjunil li xyu'ameb' xe'xra rib' laj Saúl ut laj Jonatán. Chi moko li kamk xjachok reheb'. Q'axal seeb'eb' chiruheb' li t'iw ut q'axal kaweb' rib' chiruheb' li kaqkoj!

2 Samuel 1:23 ပူးပေါင်းရင်းမြစ်များ

Jeremías 4:13

Qꞌuehomak retal. Eb li xicꞌ nequeꞌiloc re li tenamit chanchanakeb li chok nak teꞌcha̱lk. Eb li carruaje teꞌcha̱lk joꞌ li ca̱k-sut-ikꞌ. Eb li cacua̱y kꞌaxal cau teꞌa̱linak chiru li tꞌiu li narupupic chi junpa̱t. Tokꞌob xak ku xban nak osocꞌ ke.

Jueces 14:18

Saꞌ xcuuk li cutan nak toj ma̱jiꞌ na-oc li kꞌojyi̱n, eb li cui̱nk queꞌxye re laj Sansón: —¿Cꞌaꞌru kꞌaxal quiꞌ chiru li xyaꞌal cab? ¿Cꞌaꞌru mas cau rib chiru li cakcoj? chanqueb. Laj Sansón quixye reheb: —Cui ta incꞌaꞌ xeqꞌue chi cꞌanjelac lin tukꞌ ixk ba̱c, incꞌaꞌ raj xenau xsumenquil li serakꞌ aꞌan, chan.

Lamentaciones 4:19

Eb li xicꞌ nequeꞌiloc ke kꞌaxal cau nequeꞌa̱linac chiru li cꞌuch li narupupic chiru choxa. Coeꞌra̱lina toj saꞌ eb li tzu̱l ut coeꞌxram saꞌ eb li chaki chꞌochꞌ.

Proverbios 30:30

Lix be̱n, aꞌan li cakcoj li kꞌaxal cau rib saꞌ xya̱nkeb li xul. Ut ma̱ ani naxxucua ru.

Li xHu LAJ JOB 9:26

Yo̱ chi xic lin yuꞌam joꞌ nak nequeꞌxic li jucub saꞌ junpa̱t, malaj ut joꞌ nak naxcut rib li cꞌuch saꞌ xbe̱n lix tib.

1 Samuel 18:1

Nak quirakeꞌ chi a̱tinac laj David riqꞌuin laj Saúl, laj Jonatán quixcꞌam rib saꞌ amiguil riqꞌuin laj David ut cꞌajoꞌ nak quixra.

Deuteronomio 28:49

Li Ka̱cuaꞌ tixcꞌameb chak chi najt eb li jalan xtenamit. La̱ex incꞌaꞌ te̱tau ru li ra̱tinoba̱leb. Chanchanakeb li xul tꞌiu nak teꞌcha̱lk chi junpa̱t chixsachbal e̱ru.

1 Crónicas 12:8

Cuanqueb ajcuiꞌ xcomoneb li ralal xcꞌajol laj Gad queꞌco̱eb riqꞌuin laj David re teꞌoque̱nk chirix nak cuan chak saꞌ li chaki chꞌochꞌ saꞌ li cab li nequeꞌxcol cuiꞌ ribeb. Eb li cui̱nk aꞌin nequeꞌcuulac chiru pletic. Cauheb rib ut nequeꞌxnau pletic chi us. Cuanqueb xchꞌi̱chꞌ re xcolbal ribeb ut cuanqueb xla̱ns saꞌ rukꞌeb. Joskꞌ nequeꞌiloc. Chanchaneb li cakcoj. Nequeꞌxnau a̱linac saꞌ eb li tzu̱l. Chanchaneb li quej.

2 Samuel 23:20

Joꞌcan ajcuiꞌ laj Benaía naꞌno ru. Laj Benaía, aꞌan li ralal laj Joiada li chalenak saꞌ li tenamit Cabseel. Cau xchꞌo̱l laj Benaía ut nabal li cꞌaꞌru xba̱nu xban xcacuilal xchꞌo̱l. Quixcamsi cuibeb li ralal laj Ariel aj Moab. Saꞌ jun li cutan laj Benaía quicube saꞌ jun chamal jul nak quixcamsi jun li cakcoj nak yo̱ chak chi tꞌanecꞌ saꞌ choxa li nieve li chanchan li ratzꞌam que.

1 Samuel 20:2

Quixye laj Jonatán: —Moco ya̱l ta. La̱at incꞌaꞌ tatxcamsi. Lin yucuaꞌ ma̱cꞌaꞌ naxba̱nu chi incꞌaꞌ ta tixye cue la̱in. Yalak cꞌaꞌru naxba̱nu, naxye cue. Ma̱ jokꞌe tixmuk chicuu li cꞌaꞌru tixba̱nu. Aꞌan incꞌaꞌ tatxcamsi, chan laj Jonatán.

2 Samuel 2:18

Cuanqueb saꞌ li ple̱t aꞌan laj Joab, laj Abisai ut laj Asael, li oxib chi xyum lix Sarvia. Laj Asael cau naa̱linac. Chanchan li quej li cuan saꞌ qꞌuicheꞌ.

2 Samuel 1:24

Ex ixk aj Israel, chexya̱bak chirix lix camic laj Saúl xban nak aꞌan natikiban e̱re riqꞌuin li cha̱bil tꞌicr púrpura. Ut aꞌan ajcuiꞌ naxqꞌue li oro chokꞌ xsahob ru le̱ rakꞌ.

Cantares 5:16

Kꞌaxal kꞌun naa̱tinac. Cꞌajoꞌ xcha̱bilal li cui̱nk aꞌan. Aꞌan lin be̱lom, li ninra, ex tukꞌ ixk aj Jerusalén.