2 Samuel 1:22 - Li Santil hu

²² Ma̱ jun sut queꞌsukꞌi saꞌ li ple̱t laj Saúl ut laj Jonatán chi incꞌaꞌ ta nequeꞌxcamsi chak nabaleb riqꞌuineb lix tzimaj ut riqꞌuin lix chꞌi̱chꞌeb.

Q'eqchi Bible

²² Maajun sut ke'sutq'iik laj Saúl ut laj Jonatán chi ink'a' ta neke'xtza li xch'iich'eb' ut li simajeb' sa' xkik'eleb' li kamenaq, sa' xxeeb'uleb' li yo'ooneb' chi yalok.

2 Samuel 1:22 ပူးပေါင်းရင်းမြစ်များ

1 Samuel 18:4

Laj Jonatán quirisi chirix lix tꞌicr li naxqꞌue saꞌ xbe̱n li rakꞌ ut quixsi re laj David ut quixsi ajcuiꞌ re lix tzimaj, lix cꞌa̱mal xsaꞌ joꞌ ajcuiꞌ lix chꞌi̱chꞌ.

Deuteronomio 32:42

Ta̱tꞌanekꞌ li quicꞌ chiru lin tzimaj nak tincamsiheb li xicꞌ nequeꞌiloc cue. Ma̱ ani ta̱colekꞌ chicuu nak tinpletik riqꞌuineb. Telajeꞌcamsi̱k chixjunileb joꞌ eb li tochꞌol ut eb li cuanqueb chi pre̱xil, joꞌ eb ajcuiꞌ li cuanqueb xcuanquil saꞌ xya̱nkeb li xicꞌ nequeꞌiloc cue, chan li Dios.

1 Samuel 14:47

Nak ac x-oc laj Saúl chokꞌ xreyeb laj Israel, quipletic riqꞌuineb chixjunileb li xicꞌ nequeꞌiloc reheb. Quipletic riqꞌuineb laj Moab, ut eb laj Amón, ut eb laj Edom. Ut quipletic ajcuiꞌ riqꞌuineb lix reyeb laj Soba, joꞌ eb ajcuiꞌ laj filisteo. Saꞌ chixjunil li tenamit li queꞌpletic cuiꞌ, eb laj Israel queꞌnumta saꞌ xbe̱neb li xicꞌ nequeꞌiloc reheb.

1 Samuel 14:48

Cau xchꞌo̱l chi pletic laj Saúl. Quixchꞌutubeb lix soldados ut quinumta saꞌ xbe̱neb laj Amalec. Ut quixcoleb laj Israel chiruheb chixjunileb li nequeꞌelkꞌan re li cꞌaꞌru reheb.

Jeremías 50:9

La̱in tinqꞌue saꞌ xchꞌo̱leb li xni̱nkal ru tenamit li cuanqueb saꞌ li norte nak teꞌxjunaji ribeb ut teꞌcha̱lk chi pletic riqꞌuineb laj Babilonia. Saꞌ li norte teꞌcha̱lk li teꞌnumta̱k saꞌ xbe̱neb. Teꞌxnau chi us cutuc riqꞌuin tzimaj ut ti̱cak rukꞌeb.