2 Samuel 1:21 - Li Santil hu

²¹ La̱ex li tzu̱l li cuanquex Gilboa, incꞌaꞌ ta chic chitꞌanekꞌ li hab saꞌ e̱be̱n, chi moco li xchuꞌque. Ut incꞌaꞌ ta chic chie̱lk li acui̱mk chiru li chꞌochꞌ xban nak saꞌ e̱be̱n la̱ex xeꞌsacheꞌ xcuanquileb lix chꞌi̱chꞌeb li cauheb rib chi pletic. Ut saꞌ e̱be̱n ajcuiꞌ la̱ex quisacheꞌ xcuanquil lix chꞌi̱chꞌ laj Saúl. Chanchan ta li incꞌaꞌ sicꞌbil ru xban li Dios.

Q'eqchi Bible

²¹ Ex tzuul re Jelbohé, mit'ane'k chik hab' chi moko k'ajob' sa' eeb'een, xb'aan naq laa'ex ch'och' b'arwi' maak'a' li usilal. Aran xe'sache'k xwankil eb' li xkoleb' ch'iich' li kaweb' rib', aran xsache'k xloq'al li xkoleb' ch'iich' laj Saúl.

2 Samuel 1:21 ပူးပေါင်းရင်းမြစ်များ

1 Samuel 31:1

Eb laj filisteo queꞌpletic riqꞌuineb laj Israel. Ut eb laj Israel yo̱queb chi e̱lelic chiruheb. Nabaleb laj Israel queꞌcamsi̱c saꞌ li tzu̱l Gilboa.

Isaías 21:5

Saꞌ li visión quicuil nak ac xeꞌxyi̱b li me̱x. Ac xeꞌxhel li tꞌicr re teꞌcuaꞌak cuiꞌ. Nequeꞌcuaꞌac ut nequeꞌucꞌac. Saꞌ junpa̱t na-abi̱c li xya̱b xcux li nataklan nak naxye: —Cuaclinkex la̱ex li nequextaklan saꞌ xbe̱neb li soldado. Cauresihomak le̱ chꞌi̱chꞌ re xcolbal e̱rib.—

1 Samuel 10:1

Ut laj Samuel quixchap jun li chꞌina botella li aceite. Quixhoy saꞌ xjolom laj Saúl. Quirutzꞌ ru ut quixye re: —Li Ka̱cuaꞌ xsicꞌ a̱cuu re tattakla̱nk saꞌ xbe̱n li tenamit Israel.

Joel 2:14

¿Ani ta biꞌ ta̱naꞌok re cꞌaꞌru tixba̱nu li Dios? Cui te̱yotꞌ e̱chꞌo̱l, ma̱re tixjal xcꞌaꞌux ut incꞌaꞌ chic tixqꞌue li raylal saꞌ e̱be̱n. Ma̱re texrosobtesi ut tixqꞌue cuiꞌchic e̱re le̱ trigo ut le̱ uvas. Ut texmayejak cuiꞌchic chiru li Ka̱cuaꞌ le̱ Dios.

Joel 1:9

Eb laj tij, li nequeꞌcꞌanjelac chiru li Dios, yo̱queb chi ya̱bac, xban nak ma̱cꞌaꞌ chic li ru li acui̱mk, chi moco li vino re teꞌxmayeja saꞌ lix templo li Ka̱cuaꞌ.

Ezequiel 31:15

Joꞌcaꞌin xye li nimajcual Dios: —Saꞌ li cutan nak tintakla li cheꞌ aꞌin saꞌ xnaꞌajeb li camenak, la̱in tinqꞌue li palau chi chakic xban xrahil xchꞌo̱l. Tinxakab li nimaꞌ ut eb li rok haꞌ re nak incꞌaꞌ chic teꞌbe̱k rok. Xban nak qui-osoꞌ li cheꞌ aꞌan, la̱in tinqꞌue xrahil xchꞌo̱leb chixjunileb li cuanqueb Líbano ut eb li cheꞌ li cuanqueb saꞌ qꞌuicheꞌ telajeꞌsachk xchꞌo̱leb.

Isaías 5:6

Tintzꞌekta̱na li chꞌochꞌ aꞌan. Tincanab chi pimocꞌ ut tincanab chi ta̱mc li qꞌuix saꞌ xya̱nk. Incꞌaꞌ chic tinsabesi ru, chi moco kꞌunobresinbilak chic ru. Ut incꞌaꞌ chic tintakla li chok re tixqꞌue li hab saꞌ xbe̱n, chan li raro inban.

1 Crónicas 10:8

Saꞌ li cutan jun chic eb laj filisteo queꞌco̱eb chixxocbal li cꞌaꞌru reheb li camenak. Queꞌxtau laj Saúl ut eb li oxib chi ralal jiljo̱queb chi camenak saꞌ li tzu̱l Gilboa.

1 Crónicas 10:1

Eb laj filisteo queꞌpletic riqꞌuineb laj Israel. Ut laj Israel queꞌe̱lelic chiruheb. Nabaleb li queꞌcamsi̱c saꞌ li tzu̱l re Gilboa.

Jueces 5:23

Lix ángel li Ka̱cuaꞌ quixye, “Chetzꞌekta̱naheb li cuanqueb saꞌ li tenamit Meroz xban nak incꞌaꞌ queꞌco̱eb chi pletic. Chetzꞌekta̱naheb xban nak incꞌaꞌ queꞌxtenkꞌaheb lix soldado li Ka̱cuaꞌ nak queꞌpletic riqꞌuineb li cuanqueb xcuanquil.”

Cantares 4:4

Cꞌajoꞌ xchꞌinaꞌusal la̱ cux. Chanchan li cab li najt xteram li quixyi̱b laj David re tixcol cuiꞌ rib. La̱ kꞌol nalemtzꞌun. Chanchan jun mil chi chꞌi̱chꞌ li nequeꞌxram cuiꞌ re xchꞌo̱leb li soldado li cauheb rib.

1 Samuel 31:8

Saꞌ li cutan jun chic eb laj filisteo queꞌco̱eb chixxocbal li cꞌaꞌru reheb li camenak. Queꞌxtau laj Saúl ut eb li oxib chi ralal jiljo̱queb chi camenak saꞌ li tzu̱l Gilboa.