2 Samuel 1:19 - Li Santil hu

¹⁹ Quisacheꞌ ru lix lokꞌal li tenamit Israel saꞌ xbe̱neb li tzu̱l. Li kꞌaxal cauheb rib chi pletic queꞌcamsi̱c.

Q'eqchi Bible

¹⁹ “At Israel, k'a'ut naq xsache'k ru laaloq'al sa' xb'eeneb' laatzuul? Chanru naq xe't'ane'k li kaweb' rib'?

2 Samuel 1:19 ပူးပေါင်းရင်းမြစ်များ

2 Samuel 1:27

Xeꞌosoꞌ li cauheb rib chi pletic ut eb lix chꞌi̱chꞌ ma̱cꞌaꞌ chic nequeꞌoc cuiꞌ, chan laj David saꞌ lix bich.

2 Samuel 1:25

Qꞌuehomak retal. Xeꞌcamsi̱c li cauheb rib chi pletic ut xcamsi̱c ajcuiꞌ laj Jonatán saꞌ xbe̱n li tzu̱l.

Lamentaciones 5:16

Ma̱cꞌaꞌ chic kalokꞌal. Tokꞌob ku xban nak xoma̱cob.

Zacarías 11:10

Ut quinchap li xukꞌ li quinqꞌue “usilal” chokꞌ xcꞌabaꞌ ut quintok. Aꞌan retalil nak incꞌaꞌ chic xakxo xcuanquil li contrato li quixba̱nu li Dios riqꞌuineb li tenamit.

Zacarías 11:7

Quin-oc ut chokꞌ aj ilol reheb li carner re camsi̱c. Ut quinqꞌue inchꞌo̱l chirilbaleb li rahobtesinbileb. Quinsicꞌ cuib inxukꞌ. Li jun “usilal” lix cꞌabaꞌ quinqꞌue. Ut li jun chic “junajak xchꞌo̱leb” xcꞌabaꞌ quinqꞌue.

Lamentaciones 2:1

Chanchan nak xoxqꞌue saꞌ kꞌojyi̱n li Ka̱cuaꞌ nak xqꞌue li raylal saꞌ xbe̱n li tenamit Jerusalén. Cꞌajoꞌ nak quijoskꞌoꞌ li Ka̱cuaꞌ saꞌ kabe̱n nak quirisi lix lokꞌal li katenamit. Chanchan nak quixtzꞌek saꞌ chꞌochꞌ. Chi moco quiril xtokꞌoba̱l ru li lokꞌlaj templo, lix naꞌaj li rok.

Isaías 4:2

Ta̱cuulak xkꞌehil nak li Dios tixqꞌue chi yoꞌla̱c jun li chꞌina al chanchan xtux jun li cheꞌ. Cꞌajoꞌak xchakꞌal ru ut cꞌajoꞌak xlokꞌal. Ut kꞌaxal nabal li acui̱mk ta̱e̱lk saꞌ lix chꞌochꞌeb laj Israel li incꞌaꞌ teꞌsachekꞌ ru re xqꞌuebal xlokꞌaleb ut xcuanquilaleb.

2 Samuel 1:23

Laj Saúl ut laj Jonatán kꞌaxal cha̱bileb ut raro̱queb. Laj Saúl ut laj Jonatán incꞌaꞌ queꞌxcanab ribeb nak toj yoꞌyo̱queb. Chi moco nak queꞌcam queꞌxcanab ribeb. Kꞌaxal se̱beb joꞌ li xul tꞌiu xcꞌabaꞌ. Ut kꞌaxal cauheb rib joꞌ li cakcoj.

1 Samuel 31:8

Saꞌ li cutan jun chic eb laj filisteo queꞌco̱eb chixxocbal li cꞌaꞌru reheb li camenak. Queꞌxtau laj Saúl ut eb li oxib chi ralal jiljo̱queb chi camenak saꞌ li tzu̱l Gilboa.

Isaías 53:2

Li Ka̱cuaꞌ quiraj nak laj cꞌanjel chiru ta̱qꞌui̱k joꞌ jun xtux cheꞌ li cuan xxeꞌ saꞌ li chaki chꞌochꞌ. Moco chꞌinaꞌus ta na-iloc chi moco xchakꞌal ta ru. Takil ru abanan ma̱cꞌaꞌ takaj re.