2 Samuel 1:12 - Li Santil hu

¹² Queꞌya̱bac xban xrahil xchꞌo̱leb ut queꞌxba̱nu x-ayu̱n toj qui-ecuu xban nak queꞌcamsi̱c laj Saúl ut laj Jonatán ut xban ajcuiꞌ nak kꞌaxal nabaleb laj Israel, lix tenamit li Dios, queꞌcamsi̱c saꞌ li ple̱t.

Q'eqchi Bible

¹² Ke'ayuunik toj ki'ewuuk, neke'huyhutk chi yaab'ak chirix laj Saúl ut laj Jonatán li ralal, xb'aan naq naab'aleb' laj Israel, li xtenamit li Qaawa', ke'kamsiik chi ch'iich'.

2 Samuel 1:12 ပူးပေါင်းရင်းမြစ်များ

San Mateo 5:44

Abanan la̱in tinye e̱re, cherahak li xicꞌ na-iloc e̱re. Chetzꞌa̱ma usilal saꞌ xbe̱neb li nequeꞌhoboc e̱re. Cheba̱nuhak li us reheb li xicꞌ nequeꞌiloc e̱re ut chextijok chirix li nequeꞌba̱nun ma̱usilal e̱re ut nequeꞌrahobtesin e̱re.

Proverbios 24:17

Incꞌaꞌ chisahokꞌ e̱chꞌo̱l nak yo̱queb chi cꞌuluc raylal li xicꞌ nequeꞌiloc e̱re,

1 Pedro 3:8

Ut tinye ajcuiꞌ e̱re, chexcua̱nk che̱junilex chi junajak le̱ chꞌo̱l ut chi junajak le̱ cꞌaꞌux. Cherahak e̱rib che̱ribil e̱rib. Chetokꞌoba e̱ru che̱ribil e̱rib ut kꞌunak le̱ chꞌo̱l.

2 Corintios 11:29

Cui cuan li kꞌun xchꞌo̱l li ma̱cꞌaꞌ xmetzꞌe̱u, kꞌaxal nintokꞌoba ruheb. Cui cuan li nequeꞌchꞌinan xchꞌo̱leb saꞌ lix pa̱ba̱leb, cꞌajoꞌ nak narahoꞌ inchꞌo̱l ut nincꞌoxlac chirixeb.

Amós 6:6

Ni̱nki secꞌ nequerucꞌ cuiꞌ le̱ vino. Ut nequerocsi li sununquil ban li kꞌaxal terto xtzꞌak. Abanan incꞌaꞌ nayotꞌeꞌ e̱chꞌo̱l xban li raylal li yo̱queb chixcꞌulbal le̱ ras e̱ri̱tzꞌin la̱ex laj Israel.

2 Samuel 3:35

Queꞌxye re laj David nak tento nak ta̱cuaꞌak. Abanan laj David incꞌaꞌ quicuaꞌac ut quixye: —Li Dios taxak chiqꞌuehok cue chixtojbal inma̱c cui tintzaca yalak cꞌaꞌru chi tzacae̱mkil nak toj ma̱jiꞌ na-ecuu, chan.

Jeremías 9:1

Us raj cui lin jolom joꞌ jun li yuꞌam haꞌ ut li xnakꞌ cuu joꞌ li haꞌ li nabe̱c rok. Tinya̱bak raj chi kꞌek chi cutan chirixeb li cuech tenamitil li queꞌcamsi̱c.

1 Samuel 31:13

Queꞌxxoc lix bakel ut queꞌxmuk aran Jabes rubel jun li nimla cheꞌ. Ut queꞌayunic chiru cuukub cutan.

1 Samuel 31:6

Joꞌcaꞌin nak quicam laj Saúl saꞌ li cutan aꞌan rochbeneb li oxib chi ralal, ut li cui̱nk li nacꞌamoc re lix chꞌi̱chꞌ re pletic ut rochbeneb ajcuiꞌ lix soldados.