2 Samuel 1:10 - Li Santil hu

¹⁰ Joꞌcan nak quinnachꞌoc riqꞌuin ut quincamsi xban nak quinqꞌue retal nak incꞌaꞌ chic ta̱cua̱nk xyuꞌam xban nak ac xtꞌaneꞌ saꞌ rukꞌeb li xicꞌ nequeꞌiloc re. Chirix aꞌan quinxoc lix corona li cuan saꞌ xjolom ut quinxoc ajcuiꞌ li chꞌi̱chꞌ li cuan saꞌ xtel ut quincꞌam chak chokꞌ a̱cue, at ka̱cuaꞌ David, chan li sa̱j cui̱nk.

Q'eqchi Bible

¹⁰ Toja' naq xinjilok chi xk'atq ut xinkamsi, xb'aan naq xink'e reetal naq ink'a' chik taawanq xyu'am xb'aan naq ak xt'ane'k. Chirix chik a'an xinxok li xkoroon ut li xsahob' ru li wank sa' xtel ut xink'am chaq aawe, at awab'ej”.

2 Samuel 1:10 ပူးပေါင်းရင်းမြစ်များ

San Mateo 7:2

Xban nak chanru nak nequextzꞌiloc a̱tin, joꞌcan ajcuiꞌ ta̱uxk e̱re la̱ex. Ut riqꞌuin li bisleb li nequexbisoc cuiꞌ, riqꞌuin ajcuiꞌ aꞌan texbisekꞌ la̱ex.

Jueces 9:54

Laj Abimelec quixbok saꞌ junpa̱t li cui̱nk li nacꞌamoc re lix chꞌi̱chꞌ ut quixye re: —Isi chak la̱ chꞌi̱chꞌ ut tina̱camsi re nak ma̱ ani ta̱yehok re nak ixk xcamsin cue, chan. Ut li cui̱nk quixnumsi lix chꞌi̱chꞌ saꞌ xsaꞌ. Joꞌcaꞌin nak quicam laj Abimelec.

2 Reyes 11:12

Nak cuanqueb saꞌ xnaꞌajeb li soldado, laj Joiada quirisi chak laj Joás li ralal li rey Ocozías. Quixqꞌue li corona saꞌ xjolom retalil nak xeꞌxxakab chokꞌ rey. Ut quixqꞌue saꞌ rukꞌ li hu li tzꞌi̱banbil cuiꞌ li chakꞌrab. Quixqꞌue li aceite saꞌ xjolom ut queꞌxxakab chokꞌ xreyeb. Queꞌxpokꞌpokꞌi li rukꞌeb ut queꞌxjap re chixyebal: —¡Najt taxak chicua̱nk li karey! chanqueb.

Lamentaciones 5:16

Ma̱cꞌaꞌ chic kalokꞌal. Tokꞌob ku xban nak xoma̱cob.

2 Samuel 12:30

Laj David quirisi li corona saꞌ xjolom lix reyeb ut quiqꞌueheꞌ saꞌ xjolom li rey David. Li corona aꞌan yi̱banbil riqꞌuin oro ut qꞌuebil chokꞌ xsahob ru li terto̱quil pec. Oxib arroba na ra̱lal li corona. Nabal chic li cꞌaꞌak re ru li quire̱chani laj David saꞌ li tenamit aꞌan.

1 Samuel 22:18

Laj Saúl quixye re laj Doeg laj Edom: —Camsiheb la̱at, chan. Ut laj Doeg quixcamsiheb chixjunileb laj tij. O̱b roꞌcꞌa̱leb (85) laj tij, li nequeꞌrocsi li efod queꞌcamsi̱c saꞌ li cutan aꞌan.

Jueces 1:7

Ut laj Adoni-bezec quixye: —Junxil la̱in xintakla xyocꞌbal xmamaꞌil li ruꞌuj rokeb ut lix mamaꞌil li ruꞌuj rukꞌeb laje̱b xca̱cꞌa̱l (70) chi rey ut nequeꞌxxoc lix cꞌaj li cua li natꞌaneꞌ rubel lin me̱x re nak teꞌcuaꞌak. Anakcuan li Dios xba̱nu cue joꞌ xinba̱nu reheb aꞌan, chan. Ut laj Adoni-bezec quicꞌameꞌ Jerusalén ut aran quicam.

2 Samuel 1:9

Ut aꞌan quixye cue, “Hilon chak cuiqꞌuin ut china̱camsi. Toj yoꞌyo̱quin, abanan kꞌaxal ra cuanquin,” chan laj Saúl.

2 Samuel 1:16

Ut laj David quixye re li cui̱nk aj Amalec: —Xma̱c nak xaye nak xacamsi li rey li sicꞌbil ru xban li Dios, joꞌcan nak xatcamsi̱c la̱at, chan.