2 Reyes 9:3 - Li Santil hu

³ Nak ac cua̱nk xjunes ta̱qꞌue li aceite saꞌ xjolom ut ta̱ye re, “Joꞌcaꞌin xye li Ka̱cuaꞌ: Anakcuan xatinxakab chokꞌ xreyeb laj Israel,” chan. Nak acak xaqꞌue li aceite saꞌ xjolom, ta̱te li puerta ut tat-e̱lk saꞌ junpa̱t. Matbay aran, chan laj Eliseo.

Q'eqchi Bible

³ Toja' naq taate li jun meet chi aseeyt, taahoy sa' xb'een xjolom ut taaye: «Jo'ka'in xye li Qaawa': Xatinxaqab' cho'q awab'ej re Israel». Chirix chik a'an taate li okeb'aal ut tat-eleliq chi maab'ar taaxaqab' aawib'”.

2 Reyes 9:3 ပူးပေါင်းရင်းမြစ်များ

1 Reyes 19:16

Ta̱qꞌue li aceite saꞌ xjolom laj Jehú ralal laj Nimsi re ta̱xakab chokꞌ rey aran Israel. Ut joꞌcan ajcuiꞌ laj Eliseo li ralal laj Safat li cuan aran Abel-mehola. Ta̱qꞌue li aceite saꞌ xjolom re ta̱xakab chokꞌ profeta chokꞌ a̱cue̱kaj la̱at.

San Mateo 2:13

Ut nak ac xco̱eb laj kꞌe, jun x-ángel li Ka̱cuaꞌ quixcꞌut rib chiru laj José saꞌ xmatcꞌ ut quixye re: —Cuaclin, cꞌam li cꞌulaꞌal joꞌ cuiꞌ lix naꞌ. Tex-e̱lk arin ut ayukex saꞌ li tenamit Egipto. Ut aran texcana̱k toj la̱in toxinyehok a̱cue. Tex-e̱lelik xban nak laj Herodes oc re chixsicꞌbal li cꞌulaꞌal re xcamsinquil.—

Daniel 5:18

At rey, li nimajcual Dios quixqꞌue chi cua̱nc chokꞌ rey laj Nabucodonosor la̱ yucuaꞌ ut quixqꞌue xnimal xcuanquil ut xnimal xlokꞌal ut qui-oxlokꞌi̱c xbaneb li tenamit.

Daniel 4:35

Chixjunileb li cuanqueb saꞌ ruchichꞌochꞌ ma̱cꞌaꞌeb xcuanquil chiru aꞌan. Li Ka̱cuaꞌ kꞌaxal nim xcuanquil saꞌ xbe̱neb li cuanqueb saꞌ choxa joꞌ ajcuiꞌ saꞌ ruchichꞌochꞌ. Naxba̱nu li cꞌaꞌru naraj aꞌan ut ma̱ ani naru naa̱tinac chirix.

Daniel 2:1

Yo̱ xcab chihab roquic chokꞌ rey laj Nabucodonosor nak quimatqꞌuec ut cꞌajoꞌ nak quixucuac xban lix matcꞌ. Incꞌaꞌ chic quicuar xban xcꞌaꞌux.

2 Crónicas 22:7

Ac cuan saꞌ xchꞌo̱l li Dios nak laj Ocozías ta̱ca̱mk nak ta̱xic chirilbal laj Joram. Tojeꞌ ajcuiꞌ ta̱cuulak nak qui-el rochben laj Joram chixcꞌulbal laj Jehú li ralal laj Nimsi, li ac sicꞌbil ru xban li Dios chixsachbaleb ru chi junaj cua li ralal xcꞌajol laj Acab.

2 Reyes 8:13

Laj Hazael quixye re: —¿Chanru nak tinba̱nu chi joꞌcan? La̱in ma̱cꞌaꞌ nin-oc cuiꞌ. Chanchanin tzꞌiꞌ, chan. Laj Eliseo quixye re: —Li Ka̱cuaꞌ xcꞌutbesi chicuu nak la̱at tat-oc chokꞌ xreyeb laj Siria, chan.

1 Samuel 16:2

Laj Samuel quixye: —At Ka̱cuaꞌ, la̱in incꞌaꞌ naru ninba̱nu aꞌan. Cui laj Saúl ta̱rabi resil, tinixcamsi, chan. Li Dios quixye re: —Ta̱cꞌam jun li chꞌina ba̱c nak tatxic. Ut ta̱ye re laj Saúl nak xic a̱cue chi mayejac chicuu.

1 Samuel 15:17

Quixye laj Samuel: —Usta la̱at xaye nak ma̱cꞌaꞌ a̱cuanquil, abanan la̱at xatqꞌueheꞌ chi takla̱nc saꞌ xbe̱neb laj Israel. Li Ka̱cuaꞌ quisicꞌoc a̱cuu re nak tat-oc chokꞌ xreyeb laj Israel.

1 Samuel 15:1

Saꞌ jun li cutan laj Samuel quixye re laj Saúl: —Li Ka̱cuaꞌ quinixtakla re nak tatinxakab chokꞌ xreyeb laj Israel lix tenamit. Joꞌcan ut nak anakcuan chacuabi li cꞌaꞌru naxye li Ka̱cuaꞌ Dios.

1 Samuel 9:16

—Saꞌ ajcuiꞌ li o̱r aꞌin cuulaj tintakla a̱cuiqꞌuin jun li cui̱nk. Li cui̱nk aꞌan xcomoneb li ralal xcꞌajol laj Benjamín. La̱at ta̱qꞌue li aceite saꞌ xjolom xban nak aꞌan li xinsicꞌ ru re ta̱takla̱nk saꞌ xbe̱neb laj Israel lin tenamit. Aꞌan ta̱colok reheb chiruheb laj filisteo. La̱in nacuil xtokꞌoba̱l ruheb lin tenamit nak nequeꞌxya̱ba incꞌabaꞌ, chan.

Levítico 8:12

Ut quixqꞌue li aceite saꞌ xjolom laj Aarón re xkꞌaxtesinquil chiru li Ka̱cuaꞌ chokꞌ aj tij.

Éxodo 29:7

Ut ta̱chap li aceite ut ta̱qꞌue saꞌ xjolom laj Aarón retalil nak yo̱cat chixxakabanquil chokꞌ aj tij.

San Mateo 10:16

Chenauhak nak la̱in tintakla̱nk e̱re saꞌ xya̱nkeb li xicꞌ nequeꞌiloc e̱re. Chanchanakex li carner saꞌ xya̱nkeb laj xoj. Se̱bak e̱chꞌo̱l joꞌcakex li cꞌantiꞌ ut ti̱cak e̱chꞌo̱l joꞌcakex li paloma.

San Mateo 26:7

Chunchu saꞌ me̱x nak quicuulac jun li ixk. Cuan jun chꞌina me̱t yi̱banbil riqꞌuin li terto̱quil pec alabastro xcꞌabaꞌ. Cuan li sununquil ban chi saꞌ, kꞌaxal terto xtzꞌak. Li ixk quixqꞌue li ban saꞌ xjolom li Jesús.

1 Samuel 10:1

Ut laj Samuel quixchap jun li chꞌina botella li aceite. Quixhoy saꞌ xjolom laj Saúl. Quirutzꞌ ru ut quixye re: —Li Ka̱cuaꞌ xsicꞌ a̱cuu re tattakla̱nk saꞌ xbe̱n li tenamit Israel.

1 Reyes 1:34

Nak ac cua̱nkex aran, li profeta Natán ut laj Sadoc laj tij teꞌxqꞌue li aceite saꞌ xjolom laj Salomón ut teꞌxxakab chokꞌ xreyeb laj Israel. Te̱ya̱basi li trompeta ut te̱ye, “¡Chicua̱nk taxak xyuꞌam li karey Salomón!” chaꞌkex.

2 Reyes 9:6

Quicuacli ut laj Jehú ut queꞌoc saꞌ cab xjuneseb. Ut li profeta quixqꞌue li aceite saꞌ xjolom ut quixye re: —Joꞌcaꞌin xye li Ka̱cuaꞌ li nequeꞌxlokꞌoni eb laj Israel, “Anakcuan xatinxakab chokꞌ xreyeb lin tenamit Israel.