2 Reyes 8:5 - Li Santil hu

⁵ Laj Giezi yo̱ chixyebal re nak li profeta quixqꞌue cuiꞌchic xyuꞌam jun li camenak nak li ixk quicuulac riqꞌuin chixtzꞌa̱manquil chiru nak ta̱qꞌuehekꞌ cuiꞌchic re li rochoch ut lix chꞌochꞌ. Laj Giezi quixye: —At rey, aꞌan aꞌin li ixk li quiqꞌueheꞌ cuiꞌchic xyuꞌam lix yum xban li profeta. Ut aꞌan aꞌin li al li quiyoꞌobtesi̱c, chan.

Q'eqchi Bible

⁵ Ut naq laj Kejasí yo chi xseeraq'inkil re li awab'ej chanru naq laj Eliseo kixwaklesi wi' chik chi yo'yo jun ch'ina'al kikamk, kiwulak li ixq li xyoob'tesiik wi' chik li xyum; kijilok chi xk'atq re xpatz'b'al naq chiq'axtesiiq wi' chik li rochoch ut li xch'och'. Toja' naq laj Kejasí kixye: “At awab'ej, a'an a'in li ixq ut a'an a'in li xyum li xyoob'tesiik wi' chik xb'aan laj Eliseo”.

2 Reyes 8:5 ပူးပေါင်းရင်းမြစ်များ

2 Reyes 4:35

Laj Eliseo quicuacli ut yo̱ chi be̱c saꞌ li naꞌajej li cuan cuiꞌ li chꞌina al. Aꞌan quixhupub cuiꞌchic rib saꞌ xbe̱n. Li chꞌina camenak qui-atꞌisimac cuukub sut ut chirix aꞌan quixte li xnakꞌ ru.

Romanos 8:31

¿Cꞌaꞌru takaye chirix aꞌin? Cui li Dios cuan kiqꞌuin, eb li xicꞌ nequeꞌiloc ke incꞌaꞌ teꞌnumta̱k saꞌ kabe̱n.

Eclesiastés 9:11

Cuan jun chic xinqꞌue retal saꞌ ruchichꞌochꞌ nak ma̱cuaꞌeb li kꞌaxal se̱beb li nequeꞌe̱chanin re li ma̱tan saꞌ li a̱linac, chi moco eb li cauheb rib li nequeꞌnumta saꞌ li ple̱t. Ut eb li cuanqueb xnaꞌleb incꞌaꞌ nequeꞌxtau xtzacae̱mkeb yal xban nak cuanqueb xnaꞌleb. Ut eb li se̱beb xchꞌo̱l incꞌaꞌ nequeꞌbiomoꞌ yal xban nak se̱beb xchꞌo̱l. Ut eb li tzolbileb moco rajlal ta nequeꞌcꞌuleꞌ saꞌ usilal. Chixjunil aꞌin moco nequeꞌxnau ta jokꞌe teꞌxcꞌul li chꞌaꞌajquilal.

Proverbios 16:9

Eb li cristian nequeꞌxcꞌoxla li cꞌaꞌru nequeꞌxba̱nu. Abanan li Ka̱cuaꞌ yal re ma teꞌxba̱nu malaj ut incꞌaꞌ.

Salmos 145:1

At inDios, junelic tinqꞌue a̱lokꞌal. At inRey, junelic tinnima a̱cuu.

Ester 5:14

Ut lix Zeres li rixakil joꞌqueb ajcuiꞌ li rami̱g queꞌxye re: —Takla xyi̱banquil junak li naꞌajej cuib xcaꞌcꞌa̱l (22) metro xteram ut ta̱yi̱b li cꞌa̱m re xyatzꞌbal laj Mardoqueo. Ut ekꞌela cuulaj ta̱tzꞌa̱ma chiru li rey nak tixtakla xyatzꞌbal laj Mardoqueo re nak naru tatxic saꞌ li ninkꞌe a̱cuochben li rey chi ma̱cꞌaꞌ a̱cꞌaꞌux, chanqueb. Ut quisahoꞌ xchꞌo̱l laj Amán riqꞌuin li naꞌleb aꞌan ut quixtakla xyi̱banquil li naꞌajej re xyatzꞌbal laj Mardoqueo.

2 Reyes 6:26

Saꞌ jun li cutan lix reyeb laj Israel yo̱ chi numecꞌ saꞌ xbe̱n li tzꞌac li sutsu cuiꞌ li tenamit. Jun li ixk quixjap re ut quixye: —At rey, china̱tenkꞌa.

2 Reyes 6:12

Jun saꞌ xya̱nkeb quixye re: —At rey, ma̱ jun ke yo̱ chi oque̱nc chirix li rey aꞌan. Aran cuan li profeta Eliseo ut aꞌan naxye re li rey chixjunil li nacacꞌu̱b ru, usta nayeman chi mukmu saꞌ la̱ cuariba̱l, chan.

1 Samuel 26:17

Laj Saúl quirabi nak yo̱ chi a̱tinac laj David ut quixnau nak aꞌan xya̱b xcux. Quixye: —¿Ma ma̱cuaꞌat ta biꞌ la̱at, at David, li yo̱cat chi a̱tinac? chan. Laj David quixye re: —At rey, ya̱l li xaye. La̱in laj David, chan.

Li xHu LIX RUT 2:3

Ut lix Rut co̱ saꞌ li naꞌajej yo̱queb cuiꞌ chi sicꞌoc cebada. Incꞌaꞌ naxnau nak laj e̱chal re li chꞌochꞌ, aꞌan laj Booz li rechꞌalal laj Elimelec li quicam aran Moab.

2 Reyes 4:12

Quixye re laj Giezi lix mo̱s nak ta̱xic chixbokbal li ixk. Ut li ixk co̱ riqꞌuin.

2 Reyes 8:6

Li rey quixye re li ixk nak tixserakꞌi re chixjunil li quicꞌulman. Li ixk quixba̱nu joꞌ quixye li rey. Chirix aꞌan li rey quixye re jun li cui̱nk li natenkꞌan re nak tixtenkꞌa li ixk. Quixye re: —Ta̱kꞌaxtesi re li ixk chixjunil li quicuan re junxil ut ta̱qꞌue ajcuiꞌ re lix tzꞌak li acui̱mk li qui-el saꞌ lix naꞌaj chiru li cuukub chihab nak ma̱ ani, chan.

1 Reyes 20:1

Laj Ben-adad, lix reyeb laj Siria, quixchꞌutub chixjunileb lix soldados. Ut quixchꞌutubeb ajcuiꞌ cablaju xcaꞌcꞌa̱l (32) chic li rey rochbeneb lix cacua̱y ut eb lix carruaje. Ut rochbeneb aꞌan co̱ chi pletic saꞌ li tenamit Samaria.