2 Reyes 7:9 - Li Santil hu

⁹ Chirix aꞌan queꞌxye chi ribileb rib: —Incꞌaꞌ us yo̱co chixba̱nunquil. Cha̱bil esilal li xkatau. Tento nak takaye ajcuiꞌ reheb li kech tenamitil. Cui takoybeni toj cuulaj, teꞌxye nak xoma̱cob chiruheb. Toxic saꞌ tenamit ut takaye resil saꞌ li rochoch li rey, chanqueb.

Q'eqchi Bible

⁹ Toja' naq ke'xye chirib'ileb' rib': “Moko us ta li yooko chi xb'aanunkil. Anaqwan xkutankil li sahil ch'oolej ut laa'o maak'a' naqaye. Wi naqoyb'eni naq toj tsaqewq, taateneb'aaq maak sa' qab'een. Yo'qeb' b'i' chi xyeeb'al li esil a'in sa' rochoch li awab'ej”.

2 Reyes 7:9 ပူးပေါင်းရင်းမြစ်များ

Isaías 52:7

Cꞌajoꞌ xlokꞌal li rokeb li tenamit nak yo̱keb chi xic saꞌ eb li tzu̱l chixyebal resil li cha̱bil esilal. Nequeꞌxye resil li tuktu̱quil usilal ut li cha̱bilal. Ut nequeꞌxye ajcuiꞌ resil li colba-ib. Nequeꞌxye reheb li cuanqueb Sión, “Li Ka̱cuaꞌ le̱ Dios, aꞌan li Rey”.

Filipenses 2:4

Mexcꞌoxlac caꞌaj cuiꞌ chirix cꞌaꞌru us chokꞌ e̱re la̱ex. Chexcꞌoxlak aj ban cuiꞌ chirix li us ta̱e̱lk chokꞌ reheb le̱ ras e̱ri̱tzꞌin.

Nahum 1:15

Yo̱ chak chi cha̱lc saꞌ xbe̱n li tzu̱l li taklanbil chak li yo̱ chak chi cꞌamoc re li cha̱bil esilal chirix li tuktu̱quil usilal. Anakcuan ba̱nuhomak le̱ ninkꞌe joꞌ cꞌaynakex xba̱nunquil la̱ex aj Judá ut ba̱nuhomak li cꞌaꞌru xeyechiꞌi re li Dios xban nak incꞌaꞌ chic teꞌnumta̱k saꞌ e̱be̱n li xicꞌ nequeꞌiloc e̱re. Xeꞌsacheꞌ ruheb chi junaj cua.

Isaías 41:27

La̱in li Ka̱cuaꞌ. La̱in li xbe̱n quincꞌutuc chiruheb laj Israel cꞌaꞌru ta̱cꞌulma̱nk. La̱in quintaklan re li takl chixyebal resilal li sahil chꞌo̱lej li ta̱cha̱lk.

2 Reyes 7:3

Cuanqueb ca̱hib li cui̱nk saklep rixeb chire li oqueba̱l re li tenamit. Queꞌxye chi ribileb rib: —¿Cꞌaꞌut nak cuanco arin roybeninquil kacamic?

Números 32:23

Abanan cui incꞌaꞌ te̱ba̱nu li cꞌaꞌru xeyechiꞌi re li Ka̱cuaꞌ, qꞌuehomak retal nak texma̱cobk chiru li Ka̱cuaꞌ. Ut la̱ex te̱cꞌul xtojbal le̱ ma̱c.

San Lucas 2:10

Abanan li ángel quixye reheb: —Mexxucuac xban nak la̱in xinchal xyebal e̱re jun cha̱bil esilal. Aꞌin jun sahil chꞌo̱lej chokꞌ reheb chixjunileb li tenamit.

Proverbios 24:16

Usta ta̱ba̱nu cuukub sut raylal reheb li ti̱queb xchꞌo̱l, abanan eb aꞌan teꞌxcuy ut incꞌaꞌ ta̱chꞌina̱nk xchꞌo̱leb. Abanan eb li incꞌaꞌ useb xnaꞌleb ra teꞌxcꞌul nak teꞌosokꞌ.

2 Reyes 7:6

Li Ka̱cuaꞌ quixqꞌueheb laj Siria chirabinquil jun li choki̱nc. Chanchan xya̱b li carruaje ut li cacua̱y nak yo̱queb chi cha̱lc nabaleb li soldado. Saꞌ xchꞌo̱leb laj Siria nak lix reyeb laj Israel queꞌxjunaji ribeb riqꞌuineb laj hiteo ut eb laj Egipto ut yo̱queb chi cha̱lc chi pletic riqꞌuineb.

2 Reyes 7:8

Eb li cui̱nk saklep rixeb queꞌcuulac cuanqueb cuiꞌ lix muheba̱leb laj Siria. Queꞌoc chi saꞌ jun li muheba̱l ut queꞌcuaꞌac ut queꞌucꞌac. Queꞌxxoc li plata, li oro ut li tꞌicr li queꞌxtau saꞌ li muheba̱l ut queꞌco̱eb ut queꞌxmuk. Queꞌsukꞌi cuiꞌchic xcaꞌ sut saꞌ li naꞌajej li xeꞌcuan cuiꞌ laj Siria ut queꞌoc saꞌ jun chic li muheba̱l. Queꞌxxoc li cꞌaꞌru cuan aran ut queꞌco̱eb cuiꞌchic chixmukbal.

2 Reyes 7:10

Joꞌcan nak queꞌel saꞌ li naꞌajej li cuanqueb cuiꞌ lix muheba̱leb laj Siria ut queꞌco̱eb saꞌ li tenamit Samaria. Nak queꞌcuulac saꞌ li oqueba̱l re li tenamit, queꞌxjap reheb chixbokbaleb li soldado li yo̱queb chi cꞌacꞌale̱nc. Queꞌxye reheb: —La̱o xocuulac chak saꞌ lix muheba̱leb laj Siria. Ma̱ aniheb chic aran. Ma̱ ani na-ecꞌan aran. Eb lix cacua̱y ut eb lix bu̱r bacꞌbo̱queb. Yi̱banbil ajcuiꞌ lix muheba̱leb xeꞌcana, chanqueb.

2 Reyes 5:4

Laj Naamán co̱ riqꞌuin li rey ut quixye re chixjunil li quixye li xkaꞌal li queꞌxcꞌam chak Israel.