2 Reyes 7:7 - Li Santil hu

⁷ Joꞌcan nak eb laj Siria queꞌe̱lelic saꞌ li ecuu aꞌan. Queꞌxcanab lix muheba̱leb, lix cacua̱yeb ut eb lix bu̱reb. Queꞌcana lix muheba̱leb joꞌ nak cuan ut queꞌe̱lelic re nak teꞌxcol rix lix yuꞌameb.

Q'eqchi Bible

⁷ Ut naq ki'ok li q'oqyink, ke'elelik, ke'xkanab' li xmuheb'aaleb', li xkawaayeb' ut li xb'uureb', jo' ajwi' chixjunil li na'ajej chi maak'a' ke'xpoqle re, ut koheb' sa' aanil re xkolb'al rib'eb'.

2 Reyes 7:7 ပူးပေါင်းရင်းမြစ်များ

Proverbios 28:1

Eb li incꞌaꞌ useb xnaꞌleb nequeꞌe̱lelic usta ma̱ ani yo̱ chi a̱lina̱nc reheb. Abanan eb li ti̱queb xchꞌo̱l incꞌaꞌ nequeꞌxucuac. Cꞌojcꞌo̱queb ban xchꞌo̱l. Chanchaneb li cakcoj.

Hebreos 6:18

Joꞌcan utan nak li cuib chi naꞌleb aꞌin incꞌaꞌ naru xjalbal ru. Aꞌaneb aꞌin: xbe̱n, nak li Dios quixyechiꞌi li ma̱tan; ut xcab, nak quixba̱nu li juramento. Riqꞌuin aꞌan nakanau nak li Dios incꞌaꞌ naticꞌtiꞌic. Joꞌcan nak cauhak taxak li kachꞌo̱l. La̱o xkasicꞌ li kacolbal riqꞌuin li Dios ut nakanau nak take̱chani li quixyechiꞌi ke. Aꞌan li nakayoꞌoni.

Isaías 2:20

Nak ta̱cꞌulma̱nk aꞌin, eb li cristian teꞌxcut chi najt lix dioseb yi̱banbil riqꞌuin plata ut oro. Teꞌxcut chiruheb li chꞌo ut li tzꞌu̱m xicꞌ lix dioseb li queꞌxyi̱b eb aꞌan re teꞌxlokꞌoni.

Proverbios 21:1

Joꞌ nak li Ka̱cuaꞌ naxberesi li nimaꞌ, joꞌcan ajcuiꞌ nak naxberesi lix cꞌaꞌuxeb li rey.

Proverbios 6:5

Chenauhak xcolbal e̱rib chiruheb li cristian aꞌin joꞌ nak naxcol rib li quej chiruheb laj yo̱. Chenauhak xcolbal e̱rib joꞌ nak li xul li naxicꞌan naxcol rib chiru li raꞌal.

Salmos 68:12

—Xeꞌe̱lelic. Xeꞌe̱lelic lix reyeb rochbeneb lix soldados, chanqueb. Ut li queꞌxmakꞌ chak chiruheb lix xicꞌ nequeꞌiloc reheb, eb li ixk li queꞌcana saꞌ cab queꞌxjeqꞌui.

Salmos 33:17

Junak cacua̱y usta kꞌaxal cau rib, incꞌaꞌ naru naxcol laj e̱chal re.

Li xHu LAJ JOB 18:11

Yalak bar ta̱seꞌbesi̱k ut ta̱e̱lelik chi yo̱k xxiu.

Jueces 7:21

Ut chixjunileb lix soldado laj Gedeón queꞌcana saꞌ xnaꞌajeb chi xjun sutam lix muheba̱leb laj Madián. Ut eb li soldado aj Madián japjo̱queb re xban xxiuheb nak yo̱queb chi e̱lelic.

1 Reyes 10:29

Nequeꞌchal nequeꞌxic aran Egipto chi lokꞌoc. Nequeꞌxlokꞌ li carruaje aran Egipto chi cuakib ciento (600) chi tumin plata. Ut li cacua̱y nequeꞌxlokꞌ chi jun ciento riqꞌuin mero ciento (150). Joꞌcan nequeꞌxlokꞌ cuiꞌ eb aꞌan. Ut eb lix reyeb laj heteo, ut eb li rey re Siria nequeꞌxlokꞌ li cacua̱y ut li carruaje riqꞌuineb aꞌan.

1 Samuel 14:15

Chixjunileb laj filisteo li cuanqueb saꞌ lix muheba̱leb queꞌxucuac joꞌ eb ajcuiꞌ li soldados li yo̱queb chi cꞌacꞌale̱nc. Ut queꞌxucuac ajcuiꞌ li nequeꞌxic chi elkꞌac. Nequeꞌsicsot xban xxiuheb. Qui-ecꞌan li chꞌochꞌ ut li Dios quixsach xnaꞌlebeb.

1 Reyes 20:20

Li junju̱nk chi soldado aj Israel queꞌxcamsiheb li nequeꞌchal chi pletic riqꞌuineb. Eb laj Siria yo̱queb chi e̱lelic ut eb laj Israel yo̱queb chira̱linanquileb. Aban li rey Ben-adad quie̱lelic chirix cacua̱y rochbeneb cuib oxib lix soldado li nequeꞌxic chirix cacua̱y.