2 Reyes 7:6 - Li Santil hu

⁶ Li Ka̱cuaꞌ quixqꞌueheb laj Siria chirabinquil jun li choki̱nc. Chanchan xya̱b li carruaje ut li cacua̱y nak yo̱queb chi cha̱lc nabaleb li soldado. Saꞌ xchꞌo̱leb laj Siria nak lix reyeb laj Israel queꞌxjunaji ribeb riqꞌuineb laj hiteo ut eb laj Egipto ut yo̱queb chi cha̱lc chi pletic riqꞌuineb.

Q'eqchi Bible

⁶ A'in kik'ulmank xb'aan naq li Qaawa' kixk'e chi ab'iik, sa' li xmuheb'aaleb' laj Aram, xyaab'eb' li k'iila b'eleb'aal ch'iich' ut li k'iila kawaay, ut xyaab' xkuxeb' li k'iila aj puub'. Jo'kan naq ke'xye chirib'ileb' rib': “Li awab'ej re Israel xtojeb' li x'awab'ejeb' laj Hit ut li x'awab'ejeb' laj Ejiipt re chalk chi yalok qik'in”.

2 Reyes 7:6 ပူးပေါင်းရင်းမြစ်များ

2 Samuel 5:24

Nak ta̱cuabi li ecꞌa̱nc saꞌ rukꞌeb li cheꞌ chanchan yo̱queb chi be̱c li soldados, tatxic chi pletic riqꞌuineb xban nak la̱in tinxic chi ubej ut tinsach xcuanquileb lix solda̱deb laj filisteo, chan li Dios.

Isaías 31:1

Raylal ta̱cha̱lk saꞌ xbe̱neb li nequeꞌxic Egipto chixsicꞌbal xtenkꞌanquileb ut nequeꞌxcꞌojob lix chꞌo̱leb saꞌ xbe̱neb li cacua̱y. Nequeꞌxcacuubresi lix chꞌo̱leb xban nak nabaleb lix carruaje ut kꞌaxal cauheb rib li nequeꞌxic chirix cacua̱y. Abanan incꞌaꞌ nequeꞌxsicꞌ li Dios Santo, lix Dioseb laj Israel, chi moco nequeꞌxtzꞌa̱ma xtenkꞌanquil riqꞌuin.

1 Reyes 10:29

Nequeꞌchal nequeꞌxic aran Egipto chi lokꞌoc. Nequeꞌxlokꞌ li carruaje aran Egipto chi cuakib ciento (600) chi tumin plata. Ut li cacua̱y nequeꞌxlokꞌ chi jun ciento riqꞌuin mero ciento (150). Joꞌcan nequeꞌxlokꞌ cuiꞌ eb aꞌan. Ut eb lix reyeb laj heteo, ut eb li rey re Siria nequeꞌxlokꞌ li cacua̱y ut li carruaje riqꞌuineb aꞌan.

Apocalipsis 9:9

Chanchan chꞌi̱chꞌ cuan chire xchꞌo̱leb re xcolbaleb rib. Ut lix xiqꞌueb nequeꞌecꞌan joꞌ nequeꞌecꞌan qꞌuila carruaje quelonbil xban cacua̱y nak ac yo̱queb chi xic chi pletic.

Ezequiel 10:5

Lix ya̱b lix xiqꞌueb li querubines qui-abi̱c toj saꞌ li neba̱l li cuan chak toj chirix li templo. Chanchan nak yo̱ chi a̱tinac li nimajcual Dios.

Isaías 36:9

La̱ex incꞌaꞌ te̱cuy pletic riqꞌuin li nataklan saꞌ xbe̱neb lix soldado lin rey usta aꞌan incꞌaꞌ cau rib. ¿Ma tixqꞌue ta biꞌ le̱ carruaje laj faraón? ¿Ma tixqꞌueheb ta biꞌ li soldado li teꞌxic chirix cacua̱y nak nequecꞌoxla?

Salmos 14:5

Eb aꞌan sicsotkeb xbaneb xxiu teꞌcana̱k nak teꞌxqꞌue retal nak li Dios cuan riqꞌuineb li ti̱queb xchꞌo̱l.

Li xHu LAJ JOB 15:21

Yalak cꞌaꞌru narabi, naxucuac. Ut nak naxcꞌoxla nak sa saꞌ xchꞌo̱l, nequeꞌcuulac laj e̱lkꞌ chirelkꞌanquil li cꞌaꞌru reheb.

2 Reyes 19:7

La̱in tintakla jun esilal. Nak lix reyeb laj Asiria ta̱rabi, ta̱xucuak ut ta̱xic cuiꞌchic saꞌ xtenamit. Nak ac cua̱nk chic aran, ta̱camsi̱k chi chꞌi̱chꞌ, chan li Ka̱cuaꞌ.

1 Samuel 14:15

Chixjunileb laj filisteo li cuanqueb saꞌ lix muheba̱leb queꞌxucuac joꞌ eb ajcuiꞌ li soldados li yo̱queb chi cꞌacꞌale̱nc. Ut queꞌxucuac ajcuiꞌ li nequeꞌxic chi elkꞌac. Nequeꞌsicsot xban xxiuheb. Qui-ecꞌan li chꞌochꞌ ut li Dios quixsach xnaꞌlebeb.

1 Samuel 26:6

Rochbeneb laj David cuanqueb laj Ahimelec aj heteo ut laj Abisai, lix yum lix Sarvia. Laj Abisai, aꞌan li ri̱tzꞌin laj Joab. Laj David quixye reheb: —¿Ani e̱re ta̱xic chicuix saꞌ lix muheba̱l laj Saúl? chan. —La̱in tinxic cha̱cuix, chan laj Abisai.

2 Samuel 10:6

Eb li ralal xcꞌajol laj Amón queꞌxqꞌue retal nak xicꞌ chic teꞌilekꞌ xban laj David. Joꞌcan nak queꞌxtoj junmay mil chi soldados re Siria li queꞌcuan saꞌ li cuib chi tenamit Bet-rehob ut Soba. Queꞌxtoj ajcuiꞌ lix reyeb laj Maaca rochben jun mil chi soldados. Joꞌcan ajcuiꞌ cablaju mil chi soldados re Is-tob.

2 Reyes 7:5

Nak ac oc re li kꞌojyi̱n queꞌco̱eb saꞌ li naꞌajej li cuanqueb cuiꞌ lix muheba̱leb laj Siria. Nak queꞌcuulac eb laj Siria ma̱ aniheb chic saꞌ lix muheba̱leb.

Jeremías 46:21

Ut eb li soldado, li tojbileb, chanchaneb li cocꞌ cuacax li ni̱nkeb xtibel. Incꞌaꞌ teꞌxcuy pletic. Teꞌxsukꞌisi ban ribeb ut teꞌe̱lelik xban nak xcuulac xkꞌehil nak teꞌsachekꞌ ruheb.

Ezequiel 1:24

Ut quicuabi lix ya̱b lix xiqꞌueb nak yo̱queb chi be̱c chanchan nak na-ecꞌan xya̱b rok li haꞌ, malaj ut chanchan xya̱b xcux li nimajcual Dios, malaj ut chanchan xya̱beb li qꞌuila tenamit, malaj ut chanchan xya̱b li jun tu̱b chi soldados. Ut nak nequeꞌxakli, nequeꞌxcubsi lix xiqꞌueb.

Jueces 7:21

Ut chixjunileb lix soldado laj Gedeón queꞌcana saꞌ xnaꞌajeb chi xjun sutam lix muheba̱leb laj Madián. Ut eb li soldado aj Madián japjo̱queb re xban xxiuheb nak yo̱queb chi e̱lelic.

1 Reyes 20:20

Li junju̱nk chi soldado aj Israel queꞌxcamsiheb li nequeꞌchal chi pletic riqꞌuineb. Eb laj Siria yo̱queb chi e̱lelic ut eb laj Israel yo̱queb chira̱linanquileb. Aban li rey Ben-adad quie̱lelic chirix cacua̱y rochbeneb cuib oxib lix soldado li nequeꞌxic chirix cacua̱y.