2 Reyes 7:4 - Li Santil hu

⁴ Ma̱cꞌaꞌ rajbal nak to-oc saꞌ li tenamit. Toca̱mk xban cueꞌej. Abanan cui tocana̱k arin toca̱mk ajcuiꞌ. Toxic saꞌ lix naꞌajeb li soldado aj Siria. Cui eb aꞌan incꞌaꞌ toeꞌxcamsi, us. Cui ut toeꞌxcamsi toca̱mk, chanqueb.

Q'eqchi Bible

⁴ Wi ta too'ok sa' li tenamit, tookamq xb'aan li we'ej yo aran; ut wi tookanaaq arin, yal tookamq ajwi'. Xaqliiqo b'i', ut q'axonqo sa' xyanqeb' laj puub' aj Aram. Wi aran te'xkuy qamaak, tooyo'yooq; wi ut toohe'xkamsi, tookamq”, chankeb'.

2 Reyes 7:4 ပူးပေါင်းရင်းမြစ်များ

Jeremías 14:18

Nak ninxic saꞌ cꞌaleba̱l nequeꞌcuil li queꞌcamsi̱c saꞌ li ple̱t. Ut saꞌ eb li tenamit, nequeꞌcuil li yo̱queb chi ca̱mc xban cueꞌej. Eb li profeta ut eb laj tij xeꞌcꞌameꞌ saꞌ jun tenamit li incꞌaꞌ xeꞌxnau ru,” chaꞌakat.—

Jonás 3:9

Cui takaba̱nu aꞌin, ma̱re anchal tixjal xcꞌaꞌux li Dios saꞌ kabe̱n. Ma̱re ta̱numekꞌ xjoskꞌil ut incꞌaꞌ chic tixsach ku, chanqueb.

Jeremías 8:14

Eb lix tenamit li Dios queꞌxye: —¿Cꞌaꞌut nak tocana̱k arin? Takachꞌutub kib ut toxic saꞌ eb li tenamit li cauresinbil chi us re takacol cuiꞌ kib. Aran toca̱mk xban nak li Ka̱cuaꞌ li kaDios quixye nak to-osokꞌ. Chanchan nak xqꞌue li haꞌ li banbil xsaꞌ chikucꞌ re toca̱mk xban nak xoma̱cob chiru.

Ester 4:16

—Tatxic ut ta̱chꞌutubeb chixjunileb laj judío li cuanqueb Susa. Ye reheb nak teꞌayunik ut teꞌtijok chicuix. Incꞌaꞌ teꞌucꞌak chi moco teꞌcuaꞌak chiru oxib cutan ut oxib kꞌojyi̱n. Ut joꞌcan ajcuiꞌ tinba̱nu la̱in cuochbeneb li ixk li nequeꞌcꞌanjelac chicuu. Chirix aꞌan la̱in tinxic chi a̱tinac riqꞌuin li rey, usta tinkꞌet li chakꞌrab. Ut cui tincamsi̱k, chincamsi̱k, chan lix Ester.

2 Samuel 14:14

Chikajunilo toca̱mk. Chanchano li haꞌ hoybil saꞌ chꞌochꞌ. Incꞌaꞌ chic naru xxocbal. Li Ka̱cuaꞌ Dios ma̱ ani narisi xyuꞌam. Naxsicꞌ ban xya̱lal chanru nak ta̱sukꞌi̱k cuiꞌchic riqꞌuin li najt cuan riqꞌuin.

Hebreos 9:27

Chixjunil li tenamit jun sut ajcuiꞌ teꞌca̱mk ut li Ka̱cuaꞌ Dios ta̱rakok a̱tin saꞌ xbe̱neb.

1 Crónicas 12:19

Cuanqueb ajcuiꞌ xcomoneb li ralal xcꞌajol laj Manasés queꞌco̱eb riqꞌuin laj David nak yo̱ chi xic rochbeneb laj filisteo chi pletic riqꞌuineb lix soldado laj Saúl. Abanan laj David incꞌaꞌ quixtenkꞌaheb xban nak eb li nequeꞌtaklan saꞌ xbe̱neb lix soldado laj filisteo incꞌaꞌ queꞌraj nak ta̱xic chirixeb chi pletic. Queꞌxcꞌoxla nak ma̱re tixjunaji rib riqꞌuin lix soldado laj Saúl.

2 Reyes 6:24

Mokon chic laj Ben-adad, lix reyeb laj Siria, quixchꞌutubeb chixjunileb lix soldados. Queꞌco̱eb chixsutbal li tenamit Samaria re teꞌoc chi pletic riqꞌuineb.

2 Reyes 7:5

Nak ac oc re li kꞌojyi̱n queꞌco̱eb saꞌ li naꞌajej li cuanqueb cuiꞌ lix muheba̱leb laj Siria. Nak queꞌcuulac eb laj Siria ma̱ aniheb chic saꞌ lix muheba̱leb.