2 Reyes 7:16 - Li Santil hu

¹⁶ Joꞌcan nak eb laj Israel queꞌel saꞌ li tenamit ut queꞌco̱eb saꞌ lix muheba̱leb laj Siria chixxocbal chixjunil li cꞌaꞌru cuan reheb. Quicꞌulman joꞌ quixye li Ka̱cuaꞌ. Queꞌxcꞌayi cuukub litro li cꞌaj yal riqꞌuin jun li tumin plata, ut queꞌxcꞌayi ajcuiꞌ oꞌlaju litro li cebada yal riqꞌuin jun li tumin plata.

Q'eqchi Bible

¹⁶ Tikto eb' li poyanam ke'elk ut koxe'xyamtasi xsa' li xmuheb'aaleb' laj Aram. Li jun aroow chi chaab'il k'aj kik'ayimank chi junjunq chi tumin plaat ut li ka'kab' aroow chi seb'aad kitawmank ajwi' chi junjunq chi tumin plaat, jo' kixye li Qaawa'.

2 Reyes 7:16 ပူးပေါင်းရင်းမြစ်များ

2 Reyes 7:1

Laj Eliseo quixye re: —Abihomak li cꞌaꞌru naxye li Ka̱cuaꞌ. Cuulaj saꞌ ajcuiꞌ li ho̱nal aꞌin che̱junilex ta̱ru̱k texlokꞌok saꞌ li oqueba̱l re Samaria. Te̱lokꞌ cuukub litro li cꞌaj riqꞌuin yal jun chi tumin plata ut te̱lokꞌ ajcuiꞌ oꞌlaju litro li cebada riqꞌuin yal jun chi tumin plata, chan.

Isaías 33:23

Lix jucubeb li xicꞌ nequeꞌiloc ke ma̱cꞌaꞌ nequeꞌoc cuiꞌ. Xplojoꞌ lix cꞌa̱mal li cheꞌ li nachapoc re li nimla tꞌicr ut incꞌaꞌ chic naru xhelbal. La̱o take̱chani li cꞌaꞌru reheb. Chikajunilo totzꞌako̱nk. Usta ye̱k rok junak tixcꞌul li cꞌaꞌru re.

Isaías 33:4

Ta̱xoquekꞌ ut ta̱cꞌamekꞌ chixjunil li cꞌaꞌru reheb. Chanchanakeb laj sa̱cꞌ li ma̱cꞌaꞌ chic nequeꞌxcanab.

San Mateo 24:35

Li choxa ut li ruchichꞌochꞌ talajeꞌosokꞌ. Abanan li cua̱tin incꞌaꞌ ta̱cana̱k yal chi joꞌcan chi incꞌaꞌ ta ta̱cꞌulma̱nk chixjunil li cꞌaꞌak re ru xinye.

Isaías 44:26

Abanan, la̱in ninba̱nun re nak ta̱uxma̱nk li cꞌaꞌru nequeꞌxye laj cꞌanjel chicuu. Us ta̱e̱lk lix cꞌanjeleb li tintaklaheb. La̱in ninye nak teꞌcua̱nk cuiꞌchic cristian saꞌ li tenamit Jerusalén. Ut teꞌyi̱ba̱k cuiꞌchic li tenamit li cuanqueb Judá, li queꞌsacheꞌ junxil.

Isaías 33:1

Raylal ta̱cha̱lk saꞌ e̱be̱n la̱ex li xicꞌ nequex-iloc ke. La̱ex li nequex-elkꞌan ut nequexbalakꞌin ke. La̱ex ma̱ ani xeꞌelkꞌan re li cꞌaꞌru e̱re chi moco xexbalakꞌi̱c. Abanan ta̱cuulak xkꞌehil nak la̱ex chic ta̱elkꞌa̱k cꞌaꞌru e̱re ut texbalakꞌi̱k.

Salmos 68:12

—Xeꞌe̱lelic. Xeꞌe̱lelic lix reyeb rochbeneb lix soldados, chanqueb. Ut li queꞌxmakꞌ chak chiruheb lix xicꞌ nequeꞌiloc reheb, eb li ixk li queꞌcana saꞌ cab queꞌxjeqꞌui.

2 Crónicas 20:25

Laj Josafat ut eb lix soldado queꞌco̱eb chixxocbal li cꞌaꞌru queꞌre̱chani saꞌ li ple̱t. Nabal li cꞌanjeleba̱l ut li cha̱bil tꞌicr ut li cꞌaꞌak re ru li queꞌre̱chani. Oxib cutan queꞌbay xxocbal chixjunil.

1 Samuel 17:53

Ut eb laj Israel queꞌsukꞌi saꞌ xmuheba̱leb laj filisteo ut quilajeꞌxxoc li cꞌaꞌru reheb.

Números 23:19

Li Dios moco cui̱nk ta. Li Dios incꞌaꞌ naticꞌtiꞌic chi moco naxjal xcꞌaꞌux. Junelic naxba̱nu li cꞌaꞌru naxye. Ut junelic naxba̱nu li cꞌaꞌru naxyechiꞌi.

2 Reyes 7:15

Queꞌco̱eb ut queꞌcuulac toj saꞌ li nimaꞌ Jordán. Ut queꞌxqꞌue retal nak yalak bar natꞌanaxin li rakꞌeb ut li cꞌaꞌru reheb laj Siria li queꞌxtzꞌek nak yo̱queb chi e̱lelic. Queꞌsukꞌi cuiꞌchic riqꞌuin li rey ut queꞌxye re cꞌaꞌru queꞌril chak.

Salmos 68:13

Usta la̱ex xexcanaba̱c chi mukmu saꞌ cab e̱rochben le̱ rucꞌal, abanan chanchanakex jun li paloma. Nalemtzꞌun li xicꞌ joꞌ li plata ut li rix nalemtzꞌun joꞌ li oro.