2 Reyes 5:7 - Li Santil hu

⁷ Nak lix reyeb laj Israel quiril xsaꞌ li hu, quisach xchꞌo̱l ut quixpej li rakꞌ xban xcꞌaꞌux ut quixye: —¿Ma la̱in ta biꞌ Dios nak tinqꞌuirtesi li cui̱nk aꞌin? ¿Cꞌaꞌut nak xtakla chak li cui̱nk aꞌin cuiqꞌuin re tinqꞌuirtesi? ¿Ma ta̱ru̱k ta biꞌ tincuisi xyuꞌam junak ut tinqꞌue cuiꞌchic? Qꞌuehomak retal. Li cui̱nk aꞌan yo̱ chixsicꞌbal xya̱lal chanru nak ta̱pletik cuiqꞌuin, chan.

Q'eqchi Bible

⁷ Naq li awab'ej re Israel kiril xsa' li hu, kixq'ich li raq' ut kixye: “Ma laa'in tab'i' Yos chi kamsink ut chi k'ehok yu'am? Li awab'ej re Aram xtaqla chaq li winq a'in chink'irtasi li xsaqlepil. K'ehomaq reetal naq a'in yal yo xsik'b'al chanru naq taayaloq wik'in”.

2 Reyes 5:7 ပူးပေါင်းရင်းမြစ်များ

1 Samuel 2:6

Li nimajcual Dios, aꞌan li ya̱l re saꞌ xbe̱n chixjunil. Li ani naraj naxqꞌue xyuꞌam ut li ani naraj narisi xyuꞌam. Cui ani naraj tixcuaclesiheb cuiꞌchic chi yoꞌyo, ut cui aꞌan naraj tixcanabeb chi camenak.

1 Reyes 20:7

Li rey Acab quixbok riqꞌuin chixjunileb li cui̱nk li nequeꞌcꞌamoc be ut quixye reheb: —Qꞌuehomak retal nak li cui̱nk aꞌin ta̱raj tixmakꞌ chiku chixjunil li cꞌaꞌru cuan ke. Nak quixtakla xpatzꞌbaleb li cuixakil ut lin cocꞌal, joꞌ ajcuiꞌ lin oro ut lin plata, la̱in incꞌaꞌ xinkꞌetkꞌeti cuib chixqꞌuebal re li cꞌaꞌru quixtakla chak xpatzꞌbal cue, chan.

Génesis 30:2

Laj Jacob quichal xjoskꞌil saꞌ xbe̱n lix Raquel ut quixye re: —¿Cꞌaꞌut nak nacaye chi joꞌcan? ¿Ma la̱in ta biꞌ Dios la̱in nak tinqꞌueheb a̱cocꞌal? chan.

Deuteronomio 32:39

¿Ma incꞌaꞌ nequenau nak la̱in li Ka̱cuaꞌ Dios? Ma̱cꞌaꞌ chic junak dios chicuu la̱in. Caꞌaj cuiꞌ la̱in. La̱in nincamsin ut la̱in ninqꞌuehoc yuꞌam. La̱in ninqꞌuehoc raylal ut la̱in ninbanoc. Ut ma̱ ani ta̱ru̱k tixcol rib saꞌ cuukꞌ.

San Lucas 11:54

Yo̱queb chi patzꞌoc re li Jesús yal re rilbal ma tixye junak a̱tin incꞌaꞌ us re nak ta̱ru̱k teꞌxjit.

Oseas 6:1

Eb li tenamit teꞌxye: —Kajalak kacꞌaꞌux ut sukꞌi̱ko cuiꞌchic riqꞌuin li Ka̱cuaꞌ. Quixtakla chak li raylal saꞌ kabe̱n, abanan anakcuan toxtenkꞌa. Coxrahobtesi, abanan anakcuan toxqꞌuirtesi.

Daniel 2:11

Li cꞌaꞌru nacapatzꞌ, at rey, kꞌaxal chꞌaꞌaj xsumenquil. Ma̱ ani naru ta̱yehok a̱cue li cꞌaꞌru nacacuaj xnaubal. Caꞌaj eb cuiꞌ li kadios nequeꞌnaꞌoc re aꞌan; abanan ma̱ aniheb saꞌ kaya̱nk xban nak eb aꞌan incꞌaꞌ nequeꞌcuan saꞌ xya̱nkeb yal cui̱nk, chanqueb.

Hechos 14:14

Nak queꞌxqꞌue retal li cꞌaꞌru yo̱queb li tenamit, laj Pablo ut laj Bernabé queꞌxpej li rakꞌeb retalil nak incꞌaꞌ quicuulac chiruheb li cꞌaꞌru yo̱queb chixba̱nunquil li tenamit. Ut queꞌco̱eb saꞌ a̱nil saꞌ xya̱nkeb li tenamit ut queꞌxye chi cau xya̱b xcuxeb:

San Mateo 26:65

Nak quirabi aꞌan, li xyucuaꞌileb laj tij quixpej li rakꞌ xban xjoskꞌil ut quixye: —Aꞌan xjuntakꞌe̱ta rib riqꞌuin li Dios. ¿Cꞌaꞌ chic ru aj e nak toj teꞌxye ke cꞌaꞌru lix ma̱c? Ac xerabi nak xjuntakꞌe̱ta rib riqꞌuin li Dios.

Jeremías 36:24

Eb li cuanqueb xcuanquil, ut li rey incꞌaꞌ queꞌoc xxiu chi moco queꞌrahoꞌ xchꞌo̱l riqꞌuin li a̱tin queꞌrabi.

2 Reyes 18:37

Ut laj Eliaquim, li ralal laj Hilcías, li na-iloc re li palacio ut laj Sebna laj tzꞌi̱b joꞌ ajcuiꞌ laj Joa li ralal laj Asaf, li najolomin reheb li nequeꞌxococ re li hu, queꞌxpej li rakꞌeb ut queꞌco̱eb riqꞌuin laj Ezequías ut queꞌxye re chixjunil li quixye laj Rabsaces.

2 Reyes 11:14

Quiril li rey xakxo chixcꞌatk li rokechal li templo li cuan saꞌ li oqueba̱l joꞌ cꞌaynakeb chixba̱nunquil li rey. Laj Joás sutsu xbaneb li nequeꞌtaklan saꞌ xbe̱neb li soldado joꞌ eb ajcuiꞌ li nequeꞌxya̱basi li trompeta. Eb li tenamit yo̱queb chixjapbal reheb xban xsahil xchꞌo̱leb ut yo̱queb chixya̱basinquil li trompeta. Lix Atalía quixpej li rakꞌ ut quixjap re chixyebal: —¡Xineꞌxbalakꞌi! chan.

Deuteronomio 32:29

Us raj cui cuan xnaꞌlebeb. Us raj nak teꞌxqꞌue retal li raylal li teꞌxcꞌul. Ut us raj ajcuiꞌ cui teꞌxqꞌue retal chanru nak teꞌosokꞌ.

Números 14:6

Ut laj Josué li ralal laj Nun ut laj Caleb li ralal laj Jefone queꞌxpeji li rakꞌeb xban xrahil xchꞌo̱leb. Aꞌaneb xcomoneb li queꞌcuulac chak chixqꞌuebal retal li naꞌajej.

Génesis 37:29

Nak quisukꞌi laj Rubén chirilbal saꞌ li jul, quiril nak ma̱ ani chic laj José. Cꞌajoꞌ nak qui-oc xcꞌaꞌux ut quixkꞌichi li rakꞌ xban xrahil xchꞌo̱l.

2 Reyes 5:6

Ut quixcꞌam ajcuiꞌ li hu re lix reyeb laj Israel. Saꞌ li hu naxye chi joꞌcaꞌin: Nak ta̱cuil li hu aꞌin ta̱nau nak laj Naamán, aꞌan jun li nacꞌanjelac chicuu ut nim xcuanquil. Nacuaj nak ta̱qꞌuirtesi li saklep chirix, chan.

Génesis 50:19

Ut laj José quixye reheb: —Mexxucuac. ¿Ma la̱in ta biꞌ li Ka̱cuaꞌ Dios chi rakoc a̱tin saꞌ e̱be̱n? chan.

2 Samuel 1:11

Laj David, joꞌ eb ajcuiꞌ chixjunileb li cui̱nk li cuanqueb rochben, queꞌxpej li rakꞌeb xban xrahil xchꞌo̱leb.