2 Reyes 5:3 - Li Santil hu

³ Saꞌ jun li cutan li xkaꞌal quixye re lix patrón: —Us raj cui li ka̱cuaꞌ Naamán ta̱xic riqꞌuin li profeta cuan Samaria. Li profeta aꞌan tixqꞌuirtesi raj lix yajel, chan.

Q'eqchi Bible

³ Li ixqa'al a'an kixye re laj eechal re: “Us raj naq linwa'chin taaxik chi xk'utb'al rib' chiru li propeet wank Samaria. Chi jo'kan taak'irtasiiq raj li xsaqlepil”.

2 Reyes 5:3 ပူးပေါင်းရင်းမြစ်များ

Hechos 26:29

Ut laj Pablo quixye: —Xqꞌue taxak a̱cue li Dios nak tatpa̱ba̱nk la̱at joꞌ eb ajcuiꞌ chixjunileb li yo̱queb chi abi̱nc cue anakcuan. Usta chꞌaꞌaj che̱ru, usta incꞌaꞌ, texpa̱ba̱nk taxak joꞌ nak xinpa̱ban la̱in, abanan incꞌaꞌ raj texbaqꞌuekꞌ riqꞌuin cadena, joꞌ nak bacꞌbo̱quin la̱in, chan.

Números 11:29

Abanan laj Moisés quixye re: —¿Ma x-oc chi cakocꞌ la̱ chꞌo̱l chicuix? Us raj cui li Ka̱cuaꞌ tixqꞌue lix musikꞌ reheb chixjunileb lix tenamit re nak chixjunileb teꞌyehok ra̱tin profeta, chan.

1 Corintios 4:8

Ac xcꞌojla e̱chꞌo̱l xban nak saꞌ e̱chꞌo̱l la̱ex nak ac xetau e̱naꞌleb. Chanchanex li biom saꞌ le̱ pa̱ba̱l nak nequecꞌoxla. ¿Ma la̱ex chic rey nak nequecꞌoxla? Saꞌ e̱chꞌo̱l la̱ex nak ma̱cꞌaꞌ kacuanquil. Us raj ac ta cuan xetau e̱naꞌaj chokꞌ rey, re nak tocua̱nk ajcuiꞌ raj la̱o chi takla̱nc e̱rochben.

San Mateo 11:5

Yehomak re nak eb li mutzꞌ nequeꞌiloc chic; eb li ye̱k rok nequeꞌbe̱c chic; eb li saklep rix xeꞌqꞌuirtesi̱c; eb li tzꞌap xic nequeꞌabin chic; eb li camenak nequeꞌcuaclesi̱c cuiꞌchic chi yoꞌyo; ut eb li nebaꞌ yo̱queb chirabinquil resil li usilal, chaꞌkex re.

2 Reyes 5:8

Laj Eliseo, lix profeta li Dios, quirabi resil nak li rey quixpej li rakꞌ xban li hu li quitakla̱c riqꞌuin. Joꞌcan nak quixtakla xyebal re li rey: —¿Cꞌaꞌut nak xapej la̱ cuakꞌ? Takla laj Naamán cuiqꞌuin. Aꞌan tixqꞌue retal nak cuan jun xprofeta li Dios arin Israel, chan.

2 Reyes 5:2

Jun sut nak queꞌco̱eb chi pletic riqꞌuineb laj Israel, eb laj Siria queꞌxchap jun li chꞌina xkaꞌal ut queꞌxcꞌam saꞌ xtenamiteb. Li xkaꞌal aꞌan qui-oc chokꞌ xmo̱s li rixakil laj Naamán.

2 Reyes 5:4

Laj Naamán co̱ riqꞌuin li rey ut quixye re chixjunil li quixye li xkaꞌal li queꞌxcꞌam chak Israel.