2 Reyes 5:18 - Li Santil hu

¹⁸ Chixcuyak taxak inma̱c li Ka̱cuaꞌ Dios nak tinxic chirix lin rey nak ta̱xic chi lokꞌoni̱nc saꞌ lix templo laj Rimón lix dios. Aꞌ taxak li Dios chicuyuk inma̱c cui tincuikꞌib cuib nak yo̱quin chixtenkꞌanquil li rey, chan.

Q'eqchi Bible

¹⁸ Ab'anan chixkuyaq taxaq inmaak li Qaawa' rik'in li tinb'aanu: naq li awab'ej aj eechal we taaxik chi loq'onink sa' rochoch li yos Rimón ut tinxchap re xwiq'ib'ankil rib', jo'kan naq tinwiq'laaq ajwi' laa'in. A' taxaq li Yos chikuyuq inmaak”.

2 Reyes 5:18 ပူးပေါင်းရင်းမြစ်များ

2 Reyes 7:2

Li cui̱nk li natenkꞌan re li rey quixye re laj Eliseo: —Usta li Ka̱cuaꞌ Dios naxtakla chak saꞌ choxa li cebada chi nabal, ma̱ jaruj ta̱cꞌulma̱nk joꞌ xaye, chan. Ut laj Eliseo quixye re: —La̱at ta̱cuil nak ta̱cꞌulma̱nk joꞌ xinye. Abanan la̱at incꞌaꞌ ta̱tzaca li tzacae̱mk aꞌan, chan.

2 Reyes 17:35

Nak li Ka̱cuaꞌ quixba̱nu li contrato riqꞌuineb laj Israel quixchakꞌrabiheb ut quixye reheb: —Me̱lokꞌoni li jalanil dios, chi moco te̱cuikꞌib e̱rib chiruheb. Incꞌaꞌ texcꞌanjelak chiruheb chi moco texmayejak chiruheb.

2 Reyes 7:17

Lix reyeb laj Israel quixqꞌue li soldado li natenkꞌan re chi cꞌacꞌale̱nc saꞌ li oqueba̱l re li tenamit. Eb li tenamit queꞌnumeꞌ saꞌ xbe̱n ut queꞌxpitzꞌ xsaꞌ ut quicam. Quicꞌulman joꞌ quixye lix profeta li Ka̱cuaꞌ nak quicuulac li rey riqꞌuin.

Jeremías 50:20

Saꞌ eb li cutan aꞌan eb laj Israel ut eb laj Judá ma̱cꞌaꞌak xma̱queb xban nak la̱in tincuy tinsach lix ma̱queb li joꞌ qꞌuial chic xeꞌcana, chan li Ka̱cuaꞌ.

1 Reyes 19:18

Tincanabeb chi yoꞌyo li cuukub mil laj Israel li incꞌaꞌ queꞌxcuikꞌib rib chixlokꞌoninquil laj Baal, chi moco queꞌrutzꞌ ru, chan li Ka̱cuaꞌ.

Éxodo 20:5

Me̱cuikꞌib e̱rib chiruheb li yi̱banbil dios, chi moco chelokꞌoniheb. La̱in li Ka̱cuaꞌ le̱ Dios. Cau cuib. La̱in incꞌaꞌ nacuulac chicuu nak jalan te̱qꞌue xlokꞌal. Ut ninrahobtesiheb li alal cꞌajolbej riqꞌuin lix ma̱queb lix naꞌ xyucuaꞌeb toj saꞌ rox saꞌ xca̱ xtasalil li ralal xcꞌajoleb li xicꞌ nequeꞌiloc cue.

Números 21:15

Quixcꞌut ajcuiꞌ chiku lix cuanquil nak yo̱co chi numecꞌ chire li nimaꞌ li naxic Ar li cuan saꞌ li nuba̱l re lix naꞌajeb laj Moab.

Josué 23:7

Me̱junaji e̱rib riqꞌuineb li tenamit li toj cuanqueb saꞌ e̱ya̱nk, chi moco te̱ba̱nu li juramento saꞌ xcꞌabaꞌ lix dioseb, chi moco te̱lokꞌoniheb, chi moco te̱cuikꞌib e̱rib chiruheb.