2 Reyes 4:10 - Li Santil hu

¹⁰ La̱in nintzꞌa̱ma cha̱cuu nak takayi̱b junak xnaꞌaj takecꞌ saꞌ xbe̱n li cab. Ut takaqꞌue junak cuarib chi saꞌ, ut junak me̱x, junak silla ut junak lámpara. Ut aran ta̱hila̱nk li profeta nak ta̱cꞌulu̱nk, chan li ixk.

Q'eqchi Bible

¹⁰ Qayiib'aq junaq xch'ina na'aj sa' xb'een li kab'l. Aran tqak'e xch'aat, xmeex, jun xk'ojarib'aal ut jun xsaqenk, re naq jo'q'e tol'elq qik'in, taaxik aran chi hilank”.

2 Reyes 4:10 ပူးပေါင်းရင်းမြစ်များ

Romanos 12:13

Chetenkꞌa le̱ rech aj pa̱banelil li cuanqueb saꞌ raylal ut cheqꞌuehak rochochnal laj cꞌanjel chiru li Dios, li yal numequeb re.

Hebreos 10:24

Chikasicꞌ chanru takatenkꞌa kib re nak takara kib ut chikaba̱nu usilal chi kibil kib.

San Mateo 25:40

Ut la̱in tinchakꞌok ut tinye reheb: “Relic chi ya̱l tinye e̱re, cui queba̱nu aꞌin re junak li nequeꞌpa̱ban cue, usta cubenak xcuanquil, cue ajcuiꞌ la̱in queba̱nu chak.”

Hebreos 13:2

Me̱kꞌetkꞌeti e̱rib chixcꞌulbal le̱ rulaꞌ. Checꞌuleb ban saꞌ usilal. Cuanqueb li queꞌxcꞌul li rulaꞌeb, abanan incꞌaꞌ nequeꞌxnau nak ángel li queꞌcuulac chi ulaꞌani̱nc reheb.

San Lucas 8:3

Cuan lix Susana saꞌ xya̱nkeb. Ut cuan ajcuiꞌ lix Juana li rixakil laj Chuza li quicuan chokꞌ merto̱m riqꞌuin laj Herodes. Ut cuanqueb ajcuiꞌ nabaleb chic li ixk rochbeneb. Aꞌan eb li nequeꞌtenkꞌan reheb riqꞌuin li cꞌaꞌruheb re.

San Marcos 9:41

Li ani ta̱qꞌuehok jun secꞌak haꞌ e̱re saꞌ incꞌabaꞌ la̱in xban nak la̱ex cualal incꞌajol, relic chi ya̱l tinye e̱re nak tixcꞌul lix kꞌajca̱munquil.—

Isaías 32:8

Abanan li ani cha̱bil xnaꞌleb junes xba̱nunquil li cha̱bilal naxcꞌoxla. Ut riqꞌuin xba̱nunquil li cha̱bilal ta̱qꞌuehekꞌ xlokꞌal.

1 Reyes 17:19

Laj Elías quixye re: —Qꞌue cue la̱ chꞌina yum, chan. Quixcꞌul li chꞌina al chiru ut quixcꞌam takecꞌ saꞌ xcaꞌ tasalil li cab cuan cuiꞌ lix cuariba̱l ut quixyocob chiru lix cuarib.

2 Reyes 4:11

Quicuulac xkꞌehil nak quinumeꞌ cuiꞌchic aran laj Eliseo. Qui-oc saꞌ li cab aꞌan ut aran quicana chi cua̱rc.