2 Reyes 3:6 - Li Santil hu

⁶ Joꞌcan nak li rey Joram qui-el aran Samaria ut quixchꞌutubeb ru li soldados li cuanqueb saꞌ xcue̱nt Israel.

Q'eqchi Bible

⁶ Toja' naq laj Jorán li awab'ej ki'elk Samaria chi rajlankileb' chixjunileb' laj Israel,

2 Reyes 3:6 ပူးပေါင်းရင်းမြစ်များ

1 Reyes 20:27

Eb li soldados aj Israel queꞌchꞌutuba̱c ajcuiꞌ ruheb. Queꞌxcꞌam li cꞌaꞌru ta̱cꞌanjelak chiruheb ut queꞌco̱eb chi pletic. Queꞌxyi̱b lix muheba̱leb saꞌ xcaꞌyaba̱l lix muheba̱leb laj Siria. Eb laj Israel chanchaneb cuib chꞌu̱tal chi chiba̱t xban nak moco qꞌuiheb ta. Abanan eb laj Siria kꞌaxal nabaleb ut queꞌxhel ribeb saꞌ chixjunil li ru takꞌa.

1 Samuel 15:4

Laj Saúl quixtakla xchꞌutubanquileb li tenamit saꞌ li naꞌajej Telaim ut aran quirajlaheb. Cuanqueb cuib oꞌcꞌa̱l mil (200,000) chi soldado re Israel li nequeꞌxic chi rokeb ut laje̱b mil (10,000) chi soldados re Judá.

1 Samuel 11:8

Laj Saúl quixchꞌutubeb li cui̱nk aran Bezec ut queꞌajla̱c. Cuanqueb oxib ciento mil (300,000) chi cui̱nk aj Israel ut cuanqueb ajcuiꞌ laje̱b xcaꞌcꞌa̱l mil (30,000) chi cui̱nk aj Judá.

2 Reyes 3:5

Abanan nak quicam li rey Acab, laj Mesa lix reyeb laj Moab incꞌaꞌ chic quiraj xqꞌuebal li carner li tento xqꞌuebal re lix reyeb laj Israel.

2 Reyes 3:7

Quixtakla resil riqꞌuin lix reyeb laj Judá. Quixye re: —Lix reyeb laj Moab quixkꞌetkꞌeti rib chicuu. ¿Ma ta̱cuaj tina̱tenkꞌa chi pletic riqꞌuin? chan. Ut lix reyeb laj Judá quixye re: —Tatintenkꞌa chi pletic riqꞌuineb laj Moab. Eb lin soldado ut eb lin cacua̱y cuanqueb cha̱tenkꞌanquil.