2 Reyes 3:4 - Li Santil hu

⁴ Laj Mesa, lix reyeb laj Moab, aꞌan aj qꞌuiresihom carner. Ut rajlal chihab tento nak naxqꞌue jun ciento mil (100,000) chi carner toj sa̱j re lix reyeb laj Israel. Ut naxqꞌue ajcuiꞌ jun ciento mil li carner li ma̱jiꞌ besbileb rix.

Q'eqchi Bible

⁴ Laj Mesá, awab'ej re Mohab, wank naab'al xkarneer, ut naxtoj re li awab'ej re Israel o'k'aal mil chi karneer ut o'k'aal mil rismaleb' li chib'aat.

2 Reyes 3:4 ပူးပေါင်းရင်းမြစ်များ

2 Samuel 8:2

Chirix chic aꞌan laj David quinumta saꞌ xbe̱neb laj Moab. Quixtusubeb chi yocyo saꞌ chꞌochꞌ ut quixbiseb riqꞌuin cꞌa̱m. Li caꞌcab tusul quixcamsiheb ut li cuanqueb saꞌ li rox tusul incꞌaꞌ quixcamsiheb. Eb li incꞌaꞌ queꞌcamsi̱c queꞌcana rubel xcuanquil laj David ut queꞌxtoj rix lix naꞌajeb.

Salmos 60:8

Moab tzꞌekta̱nanbil inban. Chanchan jun li palangana re xchꞌajbal li cuukꞌ. Tinqꞌue li cuok saꞌ xbe̱n Edom retalil nak la̱in xine̱chanin re. Ta̱sahokꞌ saꞌ inchꞌo̱l nak tinnumta̱k saꞌ xbe̱neb laj filisteo, chan li Dios.

Li xHu LAJ JOB 42:12

Cꞌajoꞌ nak qui-osobtesi̱c laj Job xban li Dios. Kꞌaxal cuiꞌchic nabal li quiqꞌueheꞌ re xban li Dios chiru li quiqꞌueheꞌ re junxil. Ca̱laju mil lix carner, cuakib mil lix camello, jun mil sumal lix bo̱yx ut jun mil lix bu̱r quiqꞌueheꞌ re.

Li xHu LAJ JOB 1:3

Laj Job kꞌaxal nabal cꞌaꞌru re cuan. Cuukub mil lix carner ut oxib mil lix camello, o̱b ciento sumal lix bo̱yx ut o̱b ciento lix bu̱r. Kꞌaxal nabaleb lix mo̱s. Laj Job, aꞌan li kꞌaxal biom saꞌ chixjunil li naꞌajej li cuan saꞌ li oriente.

2 Crónicas 26:10

Quixyi̱beb ajcuiꞌ li cab li najt xteram saꞌ li chaki chꞌochꞌ. Ut quixbec nabal li haꞌ xban nak cuan nabal lix queto̱mk saꞌ li ru takꞌa ut saꞌ li naꞌajej Sefela li tzu̱l ru. Ut cuanqueb ajcuiꞌ lix mo̱s li queꞌcꞌanjelac saꞌ lix naꞌaj lix uvas joꞌ saꞌ li tzu̱l ut saꞌ li ru takꞌa saꞌ li cha̱bil chꞌochꞌ xban nak aꞌan quicuulac ajcuiꞌ chiru li a̱uc.

1 Crónicas 18:2

Ut quinumta ajcuiꞌ saꞌ xbe̱neb laj Moab. Queꞌcana rubel xcuanquil laj David ut queꞌxtoj rix lix naꞌajeb.

Génesis 13:2

Numtajenak xbiomal laj Abram. Cuan x-oro. Cuan xplata ut cuan ajcuiꞌ nabal lix queto̱mk.

2 Samuel 8:6

Chirix aꞌan laj David quixyi̱b xnaꞌajeb li soldados re teꞌcꞌacꞌale̱nk saꞌ li tenamit Damasco. Ut eb laj Siria queꞌcana rubel xcuanquil ut queꞌxtoj rix lix naꞌajeb. Yalak bar co̱ chi pletic laj David, li Ka̱cuaꞌ quitenkꞌan re, re nak us qui-el.