2 Reyes 3:2 - Li Santil hu

² Laj Joram quixba̱nu li ma̱usilal chiru li Ka̱cuaꞌ, abanan incꞌaꞌ quinumta lix ma̱usilal joꞌ lix ma̱usilal lix naꞌ xyucuaꞌ. Laj Joram quixjor li pec li nequeꞌxlokꞌoni cuiꞌ laj Baal, li quixyi̱b lix yucuaꞌ junxil.

Q'eqchi Bible

² Laj Jorán kixb'aanu li ink'a' nawulak chiru li Qaawa', us ta ink'a' jo' tz'aqal kixb'aanu li xna' xyuwa', xb'aan naq kixjuk' li xjalam u laj Bahal li kixyiib' li xyuwa' junxil.

2 Reyes 3:2 ပူးပေါင်းရင်းမြစ်များ

2 Reyes 10:18

Chirix chic aꞌan, laj Jehú quixtakla xchꞌutubanquileb chixjunileb li tenamit ut quixye reheb: —Li rey Acab caꞌchꞌin ajcuiꞌ quixlokꞌoni li yi̱banbil dios aj Baal. Abanan la̱in kꞌaxal cuiꞌchic tinqꞌue xlokꞌal, chan.

1 Reyes 21:25

Kꞌaxal quinumta li ma̱usilal quixba̱nu laj Acab chiru li Dios. Ma̱ ani junak reheb li rey quixba̱nu ma̱usilal joꞌ quixba̱nu aꞌan. Ut lix Jezabel li rixakil, aꞌan li quicꞌamoc be chiru chixba̱nunquil li ma̱usilal.

Éxodo 23:24

Ut me̱cuikꞌib e̱rib chiru lix yi̱banbil dios eb aꞌan, chi moco chexcꞌanjelak chiruheb. Me̱ba̱nu joꞌ nequeꞌxba̱nu eb aꞌan. Te̱jucꞌ ban lix yi̱banbil dios ut te̱sach ruheb chi junaj cua.

2 Reyes 21:20

Laj Amón quixba̱nu li ma̱usilal chiru li Ka̱cuaꞌ joꞌ quixba̱nu laj Manasés lix yucuaꞌ.

2 Reyes 21:6

Quixcꞌat li ralal chokꞌ xmayej chiruheb li yi̱banbil dios. Ut naxic riqꞌuineb laj kꞌe ut riqꞌuineb laj tu̱l chixpatzꞌbal cꞌaꞌru tixba̱nu. Cꞌajoꞌ nak quichal xjoskꞌil li Dios xban li ma̱usilal quixba̱nu.

2 Reyes 9:34

Chirix aꞌan laj Jehú qui-oc saꞌ li palacio ut quicuaꞌac ut qui-ucꞌac. Tojoꞌnak quixye reheb: —Anakcuan texxic chixmukbal li ma̱us aj ixk aꞌan. Te̱muk xban nak aꞌan xrabin jun li rey, chan.

2 Reyes 9:22

Nak li rey Joram quiril laj Jehú quixye re: —At Jehú, ¿ma saꞌ usilal xatchal? chan. Laj Jehú quixye re: —¿Chanru nak tocua̱nk saꞌ usilal nak lix Jezabel la̱ naꞌ toj yo̱ chixlokꞌoninquileb li yi̱banbil dios ut cꞌajoꞌ li tu̱lac yo̱? chan.

1 Reyes 21:20

Nak laj Elías quicuulac aran, laj Acab quixye re: —At Elías, la̱at li xicꞌ nacat-iloc cue. Xina̱tau chixba̱nunquil li incꞌaꞌ us, chan. Ut laj Elías quixye re: —Ya̱l. Xatintau chixba̱nunquil li incꞌaꞌ us xban nak la̱at cꞌaynakat chixba̱nunquil li ma̱usilal chiru li Ka̱cuaꞌ.

1 Reyes 16:19

Quicam xban li ma̱c quixba̱nu. Quixba̱nu li ma̱usilal chiru li Ka̱cuaꞌ, joꞌ quixba̱nu laj Jeroboam. Quixchikꞌ xjoskꞌil li Dios xban nak quixcꞌam xbeheb laj Israel chi ma̱cobc chiru li Ka̱cuaꞌ.

1 Samuel 15:19

¿Cꞌaꞌut nak xakꞌet li cꞌaꞌru quixye a̱cue li Ka̱cuaꞌ? ¿Cꞌaꞌut nak xexoc li cꞌaꞌru reheb? ¿Cꞌaꞌut nak xaba̱nu li incꞌaꞌ us chiru li Ka̱cuaꞌ? chan laj Samuel.